Samuwele wa Mathomo 13:1-23
13 Sawulo ke mo a na le . . .* ya mengwaga mo a ba kgoši, go fediye mengwaga ka mmedi (2) a lawola Israyele.
2 Sawulo a hlawola 3 000 ya banna ga Maisrayele; 2 000 ya bona ke mo ba na le Sawulo ku Mikhimaše le ku nageng ya go ba le dithaba ya Bhethele, 1 000 ya bona ke mo ba na le Jonathane ku Ghibheya ya Bhenjamini. A solotsa bo ba bangwana ka moka, ye mongwana le ye mongwana a ya letenteng lage.
3 Jonathane a lwa le masole ya Mafilisita ya ne ma le Ghebha a ma hlula, ke mokane Mafilisita ma di kwelela. Sawulo a re ba teye phalafala nageng ka mokana ga yona ba kene ba re: “Theetselaneng lune Maheberu!”
4 Maisrayele ka moka ma kwa ditaba tsa gore: “Sawulo o hludiye masole ya Mafilisita, byalo Mafilisita ma hloyye Maisrayele.” Ba botsa batho gore ba ye gahlana le Sawulo ku Ghilighala.
5 Mafilisita le wona ma kgobakana gore ma ye lwa le Maisrayele, ke mo ba na le 30 000 ya dikotšikara tsa ntwa, 6 000 ya banna ba go kalama dipera le masole ya go tlala go tshwana le santa ya ku lewatleng; ba ya ba ye kampa Mikhimaše ya gore yi ka bohlabela bya Bhethe-avene.
6 Banna ba Maisrayele ba di bonne gore ne ba le mathatheng ka taba la gore manaba ya bona ne ma nyoko ba hlasela; byalo batho bala ba ya ba wutama makoring, mekoting, matlapeng, le dipolekeng tsa ka tlase ga mobu.
7 Maheberu ya mangwana ma tshela noka ya Jorodane ma ya nageng ya Ghada le ya Ghiliyade. Mara Sawulo ke mo a šele Ghilighala, fote batho ka mokana ga bona bo ne ba le naye ke mo ba hlagasela.
8 Gwa fela kašupa (7) ya matšatši Sawulo a kene a letele nako yo yi hlayyeng ke Samuwele, mara Samuwele a sa segele hone Ghilighala, batho ba thomisa go tloga ba šiya Sawulo.
9 Sawulo a fetsa a yitseri: “Leyaneng sehlabelo sone sa go tšhubiwa le dihlabelo tsa go hlekediwa.” Ke mokane a maka sehlabelo sa go tšhubiwa.
10 Mara mo a fetsa go maka sehlabelo sa go tšhubiwa, Samuwele a napa a segela. Sawulo a ya a mo gahlanetsa fote a mo rufa.
11 Ke mokane Samuwele a re: “O makiye ying?” Sawulo a re: “Ke bonne gore batho ba nšiya, le wene ne o sa segele ka nako yo o yi hlayyeng, fote Mafilisita ke mo ma šele ma kgobakana ku Mikhimaše.
12 Byalo ka tipotsa gore, ‘Gana byalo Mafilisita ma nyoko tla ma nhlasela mo Ghilighala, a ke so kgopele Jehova gore a n’gelepe.’ Byalo ke f’lo kwa di nyaka gore ke make sehlabelo sa go tšhubiwa”
13 Mo a reyane, Samuwele a re ga Sawulo: “O makiye tsa bophokophoko. A wa theetsela molawo wo Jehova Modimo wago a go neyyeng wona. Nke o theetsele, Jehova ne a nyoko maka gore mmušo wago wo lawole Israyele go ya go yye.
14 Mara gana byalo mmušo wago a go na mo wo yang gona. Jehova o nyoko tikrayela motho wa gore o kwana naye, fote Jehova o nyoko maka gore a yete batho bage mahlong ka taba la gore a wa theetsela tso Jehova a go butsiyeng tsona.”
15 Ke mokane Samuwele a tloga Ghilighala a ya Ghibheya ya Bhenjamini, fote Sawulo a balela batho bo ke mo ba šele naye; ke mo go le gana hala ga 600 ya banna.
16 Sawulo, morwayi wage Jonathane le batho bo ne ba šele nabo ke mo ba dula Ghebha ya Bhenjamini, Mafilisita ke mo ma kampiye Mikhimaše.
17 Megoba ka meraro (3) ya masole ke mo yi tloga kampeng ya Mafilisita. Mogoba wo mongwana wo yye wa sepela ka pata ya go ya Ofra le nageng ya Šuwala;
18 mogoba wo mongwana wa sepela ka pata ya go ya Bhethe-horone; mogoba wa kararo (3) wa sepela ka pata ya go ya mo go kgerang moyedi wa Zebhoyime, wo bakiye ku mašahleng.
19 Byalo, nageng ya Israyele ka mokana ga yona ke mo go se na motho wa go bereka ka tshipi, ka taba la gore Mafilisita ma yitseri: “Gore Maheberu ma sa make sabola kela lerumo.”
20 Fote Maisrayele ka mokana ga wona ke mo ma ya ga Mafilisita mo ma nyaka go lokotša matsepe, dipiki, dilepe kela disikila tsa wona.
21 Ke mo ba patela mabala (8) ya dighremo tsa silva* gore ba ba lokotšele matsepe, dipiki, diforoko tsa go ba le kararo (3) ya meno, dilepe le go lukisa ditshipi tsa go yetetsa dikgomu.
22 Ka letšatši la mo go šele go lwiwa, batho bo ne ba na le Sawulo le Jonathane ke mo ba sa tshwara sabola kela lerumo; ke mo di f’lo tshwara ke Sawulo le morwayi wage Jonathane.
23 Byalo, masole ya Mafilisita ke mo ma tšwile ma yye mo batho ne ba feta gona mo ba ya Mikhimaše.
Ditwaba
^ Nombhoro yowa a yi šiyo ga mangwalo ya Seheberu.
^ Phimi, ku botala mo ba kala dilo phimi ke mo yi lekana le gana hala ga 0, 67 ya dišekele. Bona Tsa go Tlats. ga B14.
