Samuwele wa Mathomo 9:1-27
-
Samuwele o gahlana le Sawulo (1-27)
9 Ke mo go na le monna wa moloko wa Bhenjamini ye ba reng ke Khiši, morwayi wa Abhiyele morwayi wa Zerore morwayi wa Bhekorathe morwayi wa Afaya wa Lebhenjamini, wa gore ke mo a ghannye ka matla.
2 Ke mo a na le morwayi ye ba reng ke Sawulo, wa gore ke mo a sa le ye monyana fote a bafele—ke mo go se na motho wa go bafala go mo phala gare ga batho ba Israyele—ke mo a lefiye go phala batho ba bangwana ka moka ka gore ke mo ba fo teya mo magetleng yage.
3 Mo dibhongholo* tsa papa wa Sawulo ye ba reng ke Khiši di lahlega, Khiši a botsa morwayi wage Sawulo gore: “Ke kgopela o tseye lelata ka lloši le ye nyaka dibhongholo tsone.”
4 Ba fitiye polekeng ya go ba le dithaba ya Eforayimi le nageng ya Šališa, mara ba sa di kraye. Ba sepela ba ya ba feta nageng ya Šalimi, mara dibhongholo tsone ba sa di kraye. Ba sipidiye nageng ka mokana ga yona ya Mabhenjamini, ba sa di kraye.
5 Ba segele nageng ya Zufe, ke mokane Sawulo a re ga lelata lo ke mo a le nalo: “Tla re sologe, gore o sa kraye papa a šele a naganne rune a lebele ka dibhongholo.”
6 Mara lelata lela la re: “Go na le monna wa go berekela Modimo mo ga mutši wowa, monna wa gore wa hlompega. Dilo ka mokana ga tsona tso a di hlayang di fo makega ka mokgonone. Koriye gage. Nakwenngwana a ka re botsa gore re ye kakaye.”
7 Mo le reyane, Sawulo a re ga lelata lela: “Mo nkare re ya ya, re ye mo neya ying monna yene? A go na tsa go ja ka mo dikhwameng tsa rune; a go na so re ka yang naso gore re ye se neya monna yene wa go berekela Modimo wa mannete. Re na le ying?”
8 Byalo lelata lela la boya la re ga Sawulo: “Bona! Ke tshwere sekopa sa šekele* ya silva. Ke nyoko se neya monna yene wa go berekela Modimo wa mannete, ke mokane o nyoko re botsa gore re ye kaye.”
9 (Botala ku Israyele, mo motho a nyaka go butsisa Modimo ke mo a re: “Koriye ga motho wa go hlatolla mmono.” Ka gore botala moporofeta ke mo ba re ke motho wa go tšiba go hlatolla mmono.)
10 Ke mokane Sawulo a re ga lelata lage: “Tso o di hlayang ke tsona. Koriye.” Byalo ba ya ga mutši wo monna wa go berekela Modimo wa mannete ne a le ga wona.
11 Mo ba kene ba yinuga ba libiye hone mutšing, ba gahlana le bannyana ba ya go ye ga meetši. Byalo ba re ga bona: “Go na le motho wa go tšiba go hlatolla mmono ga poleke yowa?”
12 Ba re ga bona: “O gona. Ke yenene o le yetiye mahlong. Yakgoswaneng, ka gore o tlile ho mutšing lekgono ka taba la gore batho ba maka sehlabelo ga poleke ya kgakala* ya go hlawolega.
13 Mo le segela hone mutšing, le nyoko mo kraya a soko ya go ye jeng polekeng ya kgakala ya go hlawolega. Batho ba ka sa ji a soko segela, ka gore ke yene a nyoko rapelelang sehlabelo. Mo a fetsa, bo ba ba memmeng ba ka ja. Napaneng le yinuga, le nyoko mo kraya.”
14 Byalo, ba ya ku mutšing. Mo ba kena mone mutšing, Samuwele a tla a tl’le ba gahlanetseng gore ba ye ga poleke ya kgakala ya go hlawolega.
15 Letšatši la mo Sawulo a soko tla, Jehova o butsiye Samuwele gore:
16 “Ka motshwana ka dinako tsotso, ke nyoko romela monna wa go tšwa nageng ya Bhenjamini. O mo tlotse gore a lawole batho baka ba Israyele, fote o nyoko ba phonisa ga Mafilisita. Ka taba la gore ke di bonne gore batho baka baa hlupega, fote ke di kwile tso ba llang ka tsona.”
17 Mo Samuwele a bona Sawulo, Jehova a re gage: “Ke yewa monna yela ke go butsiyeng ka yene ka re, ‘Yewa ke yene a nyoko lawolang batho baka.’”
18 Ke mokane Sawulo a ya ga Samuwele ku gheyiting, a re: “Ke kgopela o mpotse, motho yewa wa go tšiba go hlatolla mmono o dula kaye?”
19 Samuwele a re ga Sawulo: “Motho yene wa go tšiba go hlatolla mmono ke nna. N’yete mahlong o ye ga poleke ya kgakala ya go hlawolega, o nyoko ja le nna lekgono. O ko sepela ka bošego, fote ke nyoko go botsa dilo ka mokana ga tsona tso o nyakang go di tšiba.
20 Dibhongholo tsela tsa gore di na le kararo (3) ya matšatši di lahlegiye, o sa sa hlupega ka tsona ka gore ba di krayye. Wene mo o lebelele dilo tsa Israyele tso batho ba di tseyelang gedimo, o fo re ke tsa mang? Anthe a yi tsago le tsa ba mutši wa papago ka mokana ga bona?”
21 Mo a reyane, Sawulo a re: “Anthe a yi nna wa moloko wa Bhenjamini wa gore ke wona wo monyana ga meloko ya Israyele? Ayitsano a ke tšwe ga mutši wa go sa re selo ga mitši ka mokana ga yona ya moloko wa Bhenjamini? Byalo ke ntaba o bolabodiye le nna ka mokgo?”
22 Ke mokane Samuwele a tseya Sawulo le lelata lage a ba yisa ka ku ba jelang gona, gare ga bo a ba memmeng a neya bona ditulo tsa mayemo; ke mo go na le gana hala ga 30 ya banna.
23 Samuwele a botsa ye ne a ba yapegela gore: “Leya nama yela ke go neyyeng yona ka go botsa gore, ‘Yi beyele ka thoko.’”
24 Mo a reyane, ye wa go yapega a tseya loto la sehlabelo sone a le beya mahlong ga Sawulo. Ke mokane Samuwele a re: “Ke tsowa tso ne re di beyele ka thoko. Jang, ka gore ke tso re go beyeleng tsona gore o tle o di je ka nako yowa. Ke ba butsiye gore, ‘Ke memme batho.’” Byalo, Sawulo a ja le Samuwele ka letšatši lone.
25 Ke mokane ba tloga hone polekeng ya kgakala ya go hlawolega ba ya ku mutšing, a ya mahlong a bolabola le Sawulo ba le gedimo ga ntlo.*
26 Ba tsoga ka phu, mo letšatši le hlaba Samuwele a bitsa Sawulo, Sawulo a le ku gedimo ga ntlo, a re: “Tilukise, gore nko thogo go felegetsa.” Byalo, Sawulo a tilukisa ke mokane yene le Samuwele ba tšwa.
27 Mo ba kene ba thewoga ba tšwa mone mutšing, Samuwele a re ga Sawulo: “Botsa lelata lago gore le re yete mahlong, mara wene yema mowa gore ke thogo go botsa tso Modimo a di hlayyeng.” Ke mokane lelata lela la ba yeta mahlong.
Ditwaba
^ Gabutšibutši ke “dibhongholo tsa tshadi.”
^ Šekele ka yyoši ke mo yi lekana le 11, 4 ya dighremo. Bona Tsa go Tlats. ga B14.
^ Kela “Poleke ya mmotong ya go hlawolega.”
^ Dintlo tsa go tlala ku Israyele ke mo di pyatlalele ka mo gedimo. Batho ne ba kgona go sepela-sepela, go yetsela kela go jela gona.
