Lengwalo la Mathomo la go ya ga Thimothi 5:1-25
5 O sa nape o mo sola ka matla monna ye mogolo. Mara bolabola naye go fo tshwana le mo o bolabola le papago, bo ba banyana o bolabole nabo nkare ke bobhuti bago,
2 basadi ba bagolo o bolabole nabo nkare ke bommane bago, bo ba banyana nkare ke bosesi bago o kene o titshwere gabutši mo o le nabo.
3 O hlompe le go naganela bo ba hlokofaleleng ke banna.*
4 Mara mo nkare go na le mosadi wa go hlokofalela ke monna wa gore o na le bana kela ditlogolwane, di nyaka bana kela ditlogolwane tsone di šupetse gore di tineyele ga Modimo ka go pasopa mutši wone. Di nyaka ba neye babelegi ba bona le bokokwane ba bona tso di ba tshwaneleng ka gore Modimo wa di yamogela tsotsone.
5 Byalo mosadi ye a kgweleng ke monna, wa gore ba mo šiyye a se na selo o tshepele ga Modimo fote o ya mahlong a rapela a šwennye bošego le motshegare.
6 Mara ye a nyakang go tikgotsofatsa o kgwile le mo nkare wa phela.
7 Byalo, ariye mahlong o ba yetetsa gore go sa be le so ba sodiwang ka sona.
8 Mo motho a sa pasope ba gabo, ka matlamatla ba mutši wage, o ganana le so a se dumelang fote motho wa gore aa na tumelo o mo phala kgole.
9 Mosadi wa gore o hlokofalele ke monna a gelepiwe ka tso a di gayelang mo nkare o na le mengwaga ya go feta 60 fote ne a šadhiye le monna ka wwoši,
10 o tshwanele go ba a tšibega ka mebereko ya gabutši, a gudisiye bana, a yamogele divakaši, a hlapisiye bo ba go hlawolega mawoto, a gelepiye bo ba gore ba kgongwele fote a tineyele ga mmereko wo mongwana le wo mongwana gabutši.
11 Ka nthoko ye nngwana, basadi ba banyana ba gore ba hlokofalele ke banna o sa ba ngwale ka gore mo ba šele ba nabela tsa ka ku mapaying ba nyoko šadha ke mokane ba lebala ka mmereko wo ba wo makelang Kreste.
12 Fote ba nyoko yahludiwa ka taba la gore a ba sa maka tso ne ba di tshepisiye.
13 Fote ba ka thomisa go tshwata ba tsama ba hlehla le mitši ya batho, a ba fo thomisa go tshwata mara ba thomisa le go seba le go kenakena ditaba tsa batho, fote ba bolabola le dilo tsa gore ne ba sa tshwanela go di bolabola.
14 Byalo, ke nabela nkare basadi bo ba banyana ba gore ba hlokofalele ke banna ba šadhe, ba be le bana, ba pasope ba mitši ya bona gore ba sa thulele ye wa go ganetsa lešuba la gore a ba sole.
15 Gabutšibutši ba bangwana ba šele ba keketlele gore ba latelele Sathane.
16 Mo nkare mosadi wa go dumela o na le mašaga ya gore ma hlokofalele ke banna, a ma gelepe gore ma sa yimetse phutego, gore phutego yi thogo gelepa basadi ba bangwana ba gore ba hlokofalele ke banna.*
17 Bagolo ba gore ba tshwara phutego gabutši di nyaka re ba hlompe ka matla, ka matlamatla bo ba gore baa karakara mo ba bolabola le mo ba tšhutisa.
18 Ka gore lengwalo le re: “Mo kgomu yi tula mabele o sa yi tleme molomo,” fote “Ye a berekang o tshwanele a patediwe go ya ka mokgo a berekiyeng ka gona.”
19 Mo motho ye mogolo a sodiwa,* o sa di tseye mo nkare a go na dihlatse ka dipedi kela ka ditharo.
20 Di nyaka bo ba go sinya ba wolodiwe mahlong ga batho gore batho bone le bona ba tšhabe go sinya.
21 Ke go kgopela mahlong ga Modimo le Kreste Jeso le mangeloyi ya ma hlawodiwweng gore o theetsele dilo tsowa fote mo o šele o maka sepheto o sa hlawole motho.
22 O sa yakgoswele go kgeta motho gore a make mmereko fote o kganele kgole le bo ba go sinya, o dule o yediye.
23 O sa nwe meetši fela mara o nwe mokgetenyana gore o sa sa bolaya ke mala le gore o sa fo lwala-lwala.
24 Mo ba bangwana ba sinya, re yakgoswa re di bona fote tsotsone di maka gore ba yahludiwe mara re ya re di bona ka nthago gore ba bangwana ba sinnye.
25 Fote le dilo tsa gabutši re yakgoswa re di bona, le tso tsa gore di kekemme di ka sa fo dula di wutamme.
Ditwaba
^ Kela “basadi ba go hlokofalela ke banna ba gore go na le tso ba di gayelang,” yi rela gore a ba na ba go ba pasopa.
^ Kela “basadi ba go hlokofalela ke banna ba gore go na le tso ba di gayelang,” yi rela gore a ba na ba go ba pasopa.
^ Kela “mogolo.”
