Magoši ya Bobedi 1:1-18
-
Eliya o porofeta ka likgu la Ahaziya (1-18)
1 Mo Ahaba a šele a kgwile, Mamowaba ma yye ma jikela Israyele.
2 Nka nako yonone ga gore Ahaziya o yye a fegolloga a le ku gedimo ga kamara ya ntlo yage ya ka gedimo ku Samariya, ke mokane a wa a kwalela. Byalo, o yye a romela batho a re ga bona: “Ariyeneng le ye nyakisisa ga Bhaali-zebhubhu modimo wa Ekrone gore nje ke nyoko fola mo ke kwaleleng.”
3 Mara lengeloyi la Jehova le yye la re ga Eliya* wa Letišiba: “Tlogamela o ye gahlanetsa batho bo kgoši ya Samariya yi ba rommeng, o segele o re ga bona, ‘Ayitsano o ye butsisa Bhaali-zebhubhu modimo wa Ekrone ka taba la gore a go na Modimo Israyele?
4 Byalo, yawa ke mantsu ya ma hlayang ke Jehova, o re: “O ka sa tsoge mone mpetong wago, o nyoko kgwela gona.”’” Mo Eliya a fetsa go hlaya tsotsone, a sepela.
5 Mo a bona batho bo a ba rommeng ba šele ba buyye, ka go yakgoswa o yitseri ga bona: “Ke ntaba le buyye?”
6 Bona ba mo fetola ba re: “Re gahlanne le monna ye mongwana, a re ga rune, ‘Ariyeneng, boyelaneng ga kgoši yo yi le rommeng le segele le yi botse gore, “Tsowa ke tso Jehova a di hlayyeng: ‘Ayitsano o ye butsisa Bhaali-zebhubhu modimo wa Ekrone ka taba la gore a go na Modimo Israyele? Ka taba lone, o ka sa tsoge mone mpetong wago, o nyoko kgwela gona.’”’”
7 Ke mokane yene a ba butsisa a re: “Monna ye le gahlanneng naye wa gore o le butsiye mantsu yawa ne a le byang?”
8 Byalo, ba re gage: “Ke mo go le monna wa gore o yapere kobo ya maboya fote ne a titlemelele ka lepanta la mokgopa ho masekeng.” Ke mokane yene a napa a re: “Ke Eliya wa Letišiba.”
9 Ke mokane kgoši ya romela ndhuna ya 50 ya masole le 50 ya banna ba yona. Mo ndhuna yone yi segela gage, ya mo kraya a duli ku gedimo ga thaba. Ya re gage: “Wene lelata la Modimo wa mannete, kgoši yi re, ‘Thewoga hone thabeng o tle howa.’”
10 Mara Eliya a fetola ndhuna yela ya 50 ya masole a re: “Mo nkare ke nna lelata la Modimo wa mannete, gona mollo wo thewoge wo tšwa magedimong ke mokane wo tšhube wene le masole yago 50 ya wona.” Ke mokane mollo wa thewoga wo tšwa magedimong, wa segela wo tšhuba ndhuna yela le 50 ya masole ya yona.
11 Ke mokane kgoši ya romela ndhuna ye nngwana ya 50 ya masole le 50 ya banna ba yona. Ya segela yi botsa Eliya yi re: “Wene lelata la Modimo wa mannete, kgoši yi re, ‘Thewoga hone thabeng o tle howa ka go yakgoswa.’”
12 Mara Eliya a ba fetola a re: “Mo nkare ke nna lelata la Modimo wa mannete, gona mollo wo thewoge wo tšwa magedimong ke mokane wo tšhube wene le masole yago 50 ya wona.” Ke mokane mollo wa thewoga wo tšwa magedimong, wa segela wo tšhuba ndhuna yela le 50 ya masole ya yona.
13 Ke mokane kgoši ya romela ndhuna ya 50 ya masole ya boraro (3) le banna ba yona. Mara ndhuna yo ya boraro (3) yi yye ga Eliya ya segela ya kgotama ho mahlong gage ka matolo, yi mo kgopela gore a yi kwele go baba, ya re: “Barena, wene lelata la Modimo wa mannete, nkare lephelo laka le maphelo ya malata yawa yago 50 ya wona o ka ma tseyela gedimo.
14 Mollo wo šele wo tlile wo tšwa magedimong fote wo bolayye dindhuna ka dipedi (2) tsa 50 ya masole le banna 50 ya bona ga ndhuna ya mathomo le 50 ya bona ga ndhuna ya bobedi (2), mara gana byalo ke kgopela gore lephelo laka o le tseyele gedimo.
15 Ke mokane lengeloyi la Jehova la re ga Eliya: “Sepela naye. O sa mo tšhabe.” Ke mokane o yye a tlogamela, a thewoga, a ya naye ga kgoši.
16 Ke mokane Eliya a re ga kgoši, “Tsowa ke tso Jehova a di hlayang: ‘O romele batho gore ba ye ba go nyakisisele ga Bhaali-zebhubhu modimo wa Ekrone. Ayitsano o makiye dilo tsowa ka taba la gore howa Israyele a go na Modimo? Ke ntaba o sa nyakisisa gage? Ka taba la tso o di makiyeng, o ka sa tsoge mone mpetong wago, o nyoko kgwela gona.’”
17 Ke mokane o yye a kgwa, go ya ka mokgo Jehova a hlayyeng a berekisa Eliya; fote ka taba la gore ne a se na morwayi, Jehorama* o yye a ba kgoši sekgaleng sage, ne go le ka mongwaga wa bobedi (2) wa mo go lawola Jehorama morwayi wa Jehošafate wa gore ne go le kgoši ya Juda.
18 Mara dilo ka mokana ga tsona tso di makegeleng Ahaziya le tso a di makiyeng, ayitsano a dya ngwadiwa ga puku ya go bolabola ka magoši ya Israyele?
