Magoši ya Bobedi 11:1-21
11 Byalo, mo Athaliya mmane wa Ahaziya a bona tsa gore morwayi wage o kgwile, o yye a tlogamela a bolaya bana ba kgoši.
2 Mara Jehošeba morwediya wa Kgoši Jehorama sesi wa Ahaziya, o yye a tseya Jehowaši morwayi wa Ahaziya a mo yetswa gare ga barwayi ba kgoši ba gore ke mo ba nyoko bolayiwa, o yye a tseya yene le motho ye a mo pasopang a ba yisa ga kamara ya gore yi wutamme. Ba kgonne go mo wutametsela Athaliya gore a sa bolayiwi le yene.
3 Jehowaši o yye a dula naye ka kobodi (6) ya mengwaga, a wutamme ntlong ya Jehova hala Athaliya yene a lawola nageng yone.
4 Ka mongwaga wa kašupa (7), Jehoyada o yye a bitsa dindhuna tsa go ba le makgolo ya masole ya gore ma tšwa ga Bomatšinghelane ba Kgoši le ga bo matšinghelane ba ntlo ya kgoši, fote a maka gore ba tle gage ku ntlong ya Jehova. O yye a maka kwano nabo fote a maka gore ba tshepise ku ntlong ya Jehova, ke mokane a ba šupetsa morwayi wa kgoši.
5 O yye a ba botsa gore: “Tso ke tso le tshwaneleng le di make: “Ke lune megoba ka meraro (3), byalo mogoba wa mathomo wo nyoko bereka ka Sabatha,
6 mogoba wa bobedi (2) wo pasope Gheyiti yo ba yi bitsang gore ke Fandhiši, ke mokane mogoba wa kararo (3) wo pasope gheyiti yo yi leng ka nthago ga bomatšinghelane ba go pasopa ntlo ya kgoši. Le tšhentšhane mo le kene le pasopa ntlo yowa ya kgoši.
7 Megoba ka mmedi (7) ya gore a yi bereke ka letšatši la Sabatha yi tshwanele yi pasope ntlo ya Jehova gore yi thogo tšhireletsa kgoši.
8 Le tshwanele le dukulugele kgoši ka mahlaya ka mokana ga wona, ye mongwana le ye mongwana a tseye dilo tsage tsa go lwa ka tsona a di tshware ka matsogo. Ye mongwana le ye mongwana ye a liketsang go feta mo masole ma leng gona a bolayiwe. Go gongwana le go gongwana mo kgoši yi yang* gona le yeneng nayo.”
9 Dindhuna tsela tsa go ba le makgolo ya masole di makiye tso Jehoyada wa moprista a di butsiyeng tsona. Ye mongwana le ye mongwana o yye a tseya banna bage ba gore ke mo ba bereka ka Sabatha, a tseya le ba gore ke mo ba sa bereke ka Sabatha ke mokane ba ya ga Jehoyada wa moprista.
10 Ke mokane moprista o yye a neya dindhuna tsela tsa go ba le makgolo ya masole marumo le magawu ya kgokolo ya gore ne go le ya Kgoši Dafita, ya gore ne ma le ka ntlong ya Jehova.
11 Fote bomatšinghelane ba go pasopa ntlo ya kgoši ba yye ba tilukiselela, ye mongwana le ye mongwana o yye a tshwara sa go lwa ka sona, ba bangwana ba yye ba yema ga letsogo la go ja la ntlo, ba bangwana ba yema ga letsogo la mpata la ntlo, ba bangwana thina le aletare le thina le ntlo, ba dukulugela kgoši.
12 Ke mokane Jehoyada o yye a leya morwayi wa kgoši gore a thogo mo yapesa fapo le go mo neya molawo,* fote ba mo maka gore go be kgoši, ba fetsa ba mo tlotsa. Byalo ba thomisa go teya matsogo ya bona ba re: “Nkare o ka phela go ya go yye wene kgoši!”
13 Mo Athaliya a kwa gore batho baa taboga, ka go yakgoswa o yye a napa a ya mo batho ba leng gona ku ntlong ya Jehova.
14 O yye a bona kgoši yi yemme thina le dikholomo go ya ka setšo. Dindhuna le ba go teya diporompeta ke mo ba na le kgoši, fote batho ka mokana ga bona ba naga yone ke mo ba hlakela, ba teya le diporompeta. Ka taba la tsotsone, Athaliya o yye a tlerola dikobo tsage ke mokane a yahlamela a re: “Ba go rekisana! Ba go rekisana!”
15 Mara Jehoyada wa moprista o yitseri: “Le sa mmolayele mo ntlong ya Jehova.” Ke mokane a botsa dindhuna tsela tsa go ba le makgolo ya masole, a re ga tsona: “Mo ntsheneng howa gare ga masole, fote mo nkare go na le ye a mo šalang nthago, le mmolaye ka sabola!”
16 Byalo, ba yye ba mo tshwara ke mokane mo ba segela polekeng ya gore go kena dipera ku ntlong ya kgoši, ba yye ba mmolayela gona.
17 Ke mokane Jehoyada o yye a maka kwano magareng ga Jehova le kgoši le batho, ya gore ba nyoko ya mahlong ba le batho ba Jehova, go tokegela gana hone o yye a maka kwano magareng ga kgoši le batho.
18 Ka nthago ga hone, batho ka mokana ga bona ba naga yone ba yye ba tla ntlong ya Bhaali ke mokane ba wisa dialetare tsage, ba pshyaya le dithombhe tsage, ke mokane ba bolaya Matane moprista wa Bhaali mahlong ga dialetare tsone.
Ke mokane moprista o yye a hlawola bawokamedi gore ba wokamele ntlo ya Jehova.
19 Go tokegela gana hone, o yye a tseya dindhuna tsela tsa go ba le makgolo ya masole, bomatšinghelane ba go pasopa kgoši, bomatšinghelane ba go pasopa ntlo ya kgoši le batho ka mokana ga bona ba naga yone gore ba late kgoši ntlong ya Jehova, fote ba yye ba segela ntlong ya kgoši thina le gheyiti ya bomatšinghelane ba go pasopa ntlo ya kgoši. Ke mokane o yye a dula ga setulo sa go lawola sa magoši.
20 Byalo, batho ba mone nageng ka mokana ga bona ba yye ba jabola, fote mutši ke mo wo bebiye ka taba la gore ba bolayye Athaliya ka sabola ku ntlong ya kgoši.
21 Jehowaši ke mo a na le kašupa (7) ya mengwaga mo a ba kgoši.
Ditwaba
^ Gabutšibutši ke “mo a tšwa ka ntlong le mo a kena ka ntlong.”
^ Di ka fo rela lengwalo la go phutiwa la gore le na le Molawo wa Modimo.
