Magoši ya Bobedi 12:1-21
12 Ka mongwaga wa kašupa (7) wa mo go lawola Jehu, Jehowaši o yye a ba kgoši ke mokane a lawola Jerusalema ka 40 ya mengwaga. Lebitso la mmane wage ke mo go le Zibhaya wa go tšwa Bhere-šeba.
2 Jehowaši o yye mahlong a maka dilo tsa gabutši mahlong ga Jehova mo Jehoyada wa moprista a sa mo yetetsa.
3 Mara dipoleke tsa go hlawolega a di ya tlusiwa, fote batho ke mo ba kene ba maka dihlabelo, ba maka le dihlabelo tsa go tšhubiwa gana hone dipolekeng tsa go hlawolega.
4 Jehowaši o yye a botsa maprista gore: “Tseyaneng tšheleta ka moka ya gore ba yi leyye ntlong ya Jehova ya dihlabelo tsa go hlawolega, tšheleta ya mothelo, tšheleta ya batho ya gore ba tshepisiye gore ba nyoko yi ntsha le tšheleta ka mokana ga yona ya gore motho o nyaka go yi ntsha a yi leya ntlong ya Jehova a sa tšhofe ke motho.
5 Maprista ma nyoko tseya tšheleta le ga batho bo ba ba tlwayeleng, ba yi berekisa gore ba lukise ntlo go gongwana le go gongwana mo ne yi sinyegiye gona.”
6 Ka mongwaga wa bo 23 wa mo go lawola Kgoši Jehowaši, maprista ke mo ma soko lukisa mo go sinyegiyeng ga ntlo yone.
7 Byalo, Kgoši Jehowaši a bitsa Jehoyada wa moprista le maprista ya mangwana, a re ga bona: “Ke ntaba le sa lukisi ntlo yowa mo yi sinyegiyeng gona? Byalo, le sa sa tseya tšheleta ga batho bo le ba tlwayeleng mo nkare le ka sa yi berekisele go lukisa ntlo yowa.”
8 Byalo, maprista ma yye ma dumela gore ma ka sa sa tseya tšheleta ga batho ba bangwana le gore ma ka sa sa lukisa ntlo mo yi sinyegiyeng gona.
9 Jehoyada wa moprista o yye a tseya lebhokisi la tšheleta ke mokane a thula mošuba mo molomong wa lona, a le beya thina le aletare ga letsogo la go ja mo go kenang batho gana mone ntlong ya Jehova. Gana mone ke mo maprista ya gore ne ma bereka go le bomatšinghelane ne ba tšhela tšheleta ka mokana ga yona ya gore batho ke mo ba yi leya ntlong ya Jehova.
10 Ka moka nako mo lebhokisi lela le tlele ka tšheleta, mabhalane wa kgoši le moprista ye mogolo ke mo ba tla ke mokane ba tseya tšheleta yela ya gore batho ba yi leyye ntlong ya Jehova ke mokane ba yi balela.
11 Ke mokane tšheleta yone ya gore ba yi balele ke mo ba yi neya batho ba gore ba wokamela mmereko wa ku ntlong ya Jehova. Ke mokane bona ke mo ba patela ba go bereka ka mapolanka le ba go bereka go yaga ntlo ya Jehova,
12 le bommeselane le ba go lukiselela matlapa. Fote ba yye ba reka dikwata le matlapa ya go fefiwa gore ba thogo lukisa ntlo ya Jehova mo yi sinyegiyeng gona, fote tšheleta yone ba yi berekisiye le ga dilo tse dingwana tso ba di berekisiyeng mo ba lukisa ntlo yone.
13 Mara tšheleta yo ba yi leyyeng ntlong ya Jehova a baa yi berekisela go maka tsa go hlapela matsogo ga tsona tsa silva, dilo tsa nkare ke dikero tsa go tima malampa, ditša tsa motšiti, diporompeta kela selo se sengwana le se sengwana sa gore se makiwwe ka gholdi kela silva sa gore se ntlong ya Jehova.
14 Ba yye ba yi neya fela ba gore ne ba maka mmereko wone, fote ka yona ba yye ba lukisa ntlo ya Jehova.
15 Fote ke mo ba sa nyakisisi banna bowa ba gore ke mo ba berekisa tšheleta yowa gore ba yi berekisiye byang, ka taba la gore ke mo ba tshepega.
16 Mara tšheleta ya sehlabelo sa mo o sinnye le tšheleta ya sehlabelo sa tso di sinyiwweng ke mo ba sa yi leyi ntlong ya Jehova; yona ke mo go le ya maprista.
17 Ka nako yone Hazayele kgoši ya Siriya o yye a ya a ye lwa le Ghathe ke mokane a yi hlula, ka nthago ga mone o yye a polana go ye hlasela Jerusalema.
18 Ke mokane kgoši Jehowaši wa Juda o yye a tseya dihlabelo tsa go hlawolega tsa gore bokokwane bage Jehošafate, Jehorama le Ahaziya ba gore ne go le magoši ya Juda, tsa gore ne ba di makiye gore di hlawolege le dihlabelo tsa go hlawolega tsa yene beng le gholdi ka mokana ga yona ya gore ne yi le ntlong ya Jehova le ntlong ya kgoši, ke mokane kgoši Jehowaši a di romela Hazayele kgoši ya Siriya. Ke mokane Hazayele a sa sa hlasela Jerusalema.
19 Byalo, dilo ka mokana ga tsona tso di makegeleng Jehowaši le dilo ka moka tso a di makiyeng, ayitsano a di ya ngwadiwa ga puku ya gore go ngwadiwa ditaba tsa botala ka magoši ya Juda?
20 Mara malata ya Jehowaši ma yye ma mo polanela ke mokane ma mmolaya ntlong ya Mmoto,* ya gore yi pateng ya go ya Sila.
21 Malata yage ya ma mmolayyeng ke mo go le Jozakara morwayi wa Šimiyathe le Jehozabhadi morwayi wa Šomere. Ba yye ba mmoloka le bokokwane bage polekeng yo ba reng ke Mutši wa Dafita, ke mokane morwayi wage Amaziya go yye gwa ba kgoši sekgaleng sage.
Ditwaba
^ Kela “milo,” ke lentsu la Seheberu la gore le rela moyago.
