Magoši ya Bobedi 13:1-25
13 Ka mongwaga wa bo 23 wa mo go lawola Jehowaši morwayi wa Ahaziya kgoši ya Juda, Jehowahazi morwayi wa Jehu o yye a ba kgoši ya Israyele ku nageng ya Samariya, fote o yye a lawola 17 ya mengwaga.
2 O yye mahlong a maka dilo tsa gore a di ya loka mahlong ga Jehova, o makiye tsetsela di makiyeng ke Jerobhowamo morwayi wa Nebhathe tsa gore di makiye gore Maisrayele ma sinye. Aa lisetsa go di maka.
3 Ke mokane Jehova o yye a kwatela Maisrayele, fote a lisetsa Kgoši Hazayele wa Siriya le Bhene-hadadi morwayi wa Hazayele gore ba ba hlupegise nako ya go lefa.
4 Mo nako yi kene yi ya, Jehowahazi o yye a kgopela Jehova gore a mo kwele go baba, ke mokane Jehova o yye a mo theetsela ka taba la gore o yye a bona mešekelo wo kgoši ya Siriya yi yi leyeleng Maisrayele.
5 Byalo, Jehova o yye a leyela Maisrayele motho wa gore a ba phonise ga Masiriya, ke mokane Maisrayele ma yye ma kgona go dula dintlong tsa wona go tshwana le ku nthago.*
6 (Mara ba f’lo maka tsetsela tsa go sa loka tso di makiyeng ke ba mutši wa Jerobhowamo wa gore o makiye gore Maisrayele ma sinye. Ba f’lo ya mahlong ba sinya ka mokgonola fote a baa tlosa kholomo ya go hlawolega* ku nageng ya Samariya.)
7 Jehowahazi ke mo a šele ka banna ba go sepela ka dipera 50 ya bona, 10 ya dikotšikara le 10 000 ya masole ya go sepela ka mawoto ka taba la gore kgoši ya Siriya ke mo yi fetsiye ka ba bangwana, yi ba gatelannye nkare ke lerole mo go tuliwa mabele.
8 Byalo, dilo ka mokana ga tsona tso di makegeleng Jehowahazi, tso a di makiyeng le tso a di segeleleng, ayitsano a di ya ngwadiwa ga puku ya gore go ngwadiwa ditaba tsa botala ka magoši ya Israyele?
9 Ke mokane Jehowahazi ba yye ba mmoloka le bokokwane bage, ba mmolokiye Samariya; ke mokane Jehowaši morwayi wage o yye a ba kgoši sekgaleng sage.
10 Ka mongwaga wa bo 37 wa mo go lawola Kgoši Jehowaši wa Juda, Jehowaši morwayi wa Jehowahazi o yye a ba kgoši ya Israyele ku Samariya, o yye a lawola 16 ya mengwaga.
11 O f’lo ya mahlong a maka dilo tsa go befa mahlong ga Jehova, a maka tsetsela di makiyeng ke Jerobhowamo morwayi wa Nebhathe tsa gore di makiye gore Maisrayele ma sinye. Aa lisetsa go di maka.
12 Byalo, dilo ka mokana ga tsona tso di makegeleng Jehowaši, tso a di makiyeng le tso a di segeleleng le ka mokgo a lwileng le Kgoši Amaziya wa Juda, ayitsano a di ya ngwadiwa ga puku ya gore go ngwadiwa ditaba tsa botala ka magoši ya Israyele?
13 Ke mokane Jehowaši ba yye ba mmoloka le bokokwane bage, Jerobhowamo* morwayi wage o yye a dula ga setulo sa go lawola. Jehowaši o yye a bolokiwa Samariya le magoši ya Israyele.
14 Byalo, mo Eliša a kenne ke bolwele bya gore bo yye bya feleletsa bo mmolayye, Jehowaši kgoši ya Israyele o yye a tla a segela a mo llela a re: “Papa, papa! Sekotšikara sa Israyele le banna ba dipera!”
15 Ke mokane Eliša a re ga Jehowaši: “Tseya mosefo le dinhla tsa wona.” Ke mokane Jehowaši a di tseya.
16 Ke mokane a re ga kgoši ya Israyele: “Beya letsogo lago mo mosefong.” Ya beya letsogo la yona, ke mokane Eliša le yene a beya matsogo yage gedimo ga matsogo ya kgoši.
17 Ke mokane yene a re: “Bula lefastere la ka bohlabela.” A le bula. Eliša a re: “Thunya mosefo!” ke mokane a wo thunya. Byalo a re gage: “Mosefo wa Jehova wa go hlula, mosefo wa go hlula Siriya! Wene o nyoko hlula Siriya ku Apheke go segela o fetsa ka yona.”
18 A ya mahlong a re: “Tseya dinhla tsowa tsa mosefo,” ke mokane yene a di tseya. Byalo a re ga kgoši ya Israyele: “Hlaba ho mobung.” Ke mokane a hlaba hone mobung gararo (3).
19 Lelata la Modimo wa mannete la kwata la re gage: “Nke o hlabiye mo fase ga hlano kela ga kobodi (6)! Tsotsone ne di nyoko maka gore o lwe le Siriya go segela o yi hlula, mara ka taba la gore o hlabiye gararo (3) o nyoko hlula Siriya gararo (3) fela.”
20 Ka nthago ga mone, Eliša o yye a hlokofala ke mokane ba yye ba mmoloka. Mo mongwaga wo thoma, ga naga yone ne go tla mogoba wa masole ya Mamowaba.
21 Mo banna ba bangwana ba sa boloka monna ye mongwana, ba yye ba bona mogoba wa masole ke mokane ka go yakgoswa ba yye ba lahlela monna yela ga lebitla la Eliša, ba tšhaba. Mo setopo sa monna yela se tikisa mašapo ya Eliša, o yye a tsoga ke mokane a tlogamela.
22 Byalo, Kgoši Hazayele wa Siriya o yye a hlupegisa Maisrayele ka nako ya mo go lawola Jehowahazi.
23 Mara Jehova o yye a ba kwela go baba, fote a ba makela tsa gabutši ka go ba pasopa ka taba la kwano yo a yi makiyeng le Abhrahama, Isaka le Jakobo. Ne a sa nyake go fetsa ka bona, fote le go segela le lekgono lowa aa ba lahla.
24 Mo Kgoši Hazayele wa Siriya a kgwa, morwayi wage Bhene-hadadi o yye a ba kgoši sekgaleng sage.
25 Ke mokane Jehowaši morwayi wa Jehowahazi o yye a tseya mitši yo Bhene-hadadi morwayi wa Hazayele a yi tsereng nakwela a lwa le papage Jehowahazi. Jehowaši o yye a mo hlula gararo (3), ke mokane a tseya mitši yela ya Israyele.
Ditwaba
^ Ya gore yi rela gore, ke mo go bebiye fote ba pasopegiye.
^ Bala ga Dihlatollo Tsa Mantsu.
^ Ke Jerobhowamo wa bobedi
