Magoši ya Bobedi 14:1-29
14 Ka mongwaga wa bobedi (2) wa mo go lawola Jehowaši morwayi wa Jehowahazi kgoši ya Israyele, Amaziya morwayi wa Kgoši Jehowaši wa Juda o yye a ba kgoši.
2 Ke mo a na le 25 ya mengwaga mo a ba kgoši, fote o fetsiye 29 ya mengwaga a lawola ku Jerusalema. Lebitso la mmane wage ke mo go le Jehowadhini wa go tšwa Jerusalema.
3 O yye mahlong a maka dilo tsa gabutši mahlong ga Jehova, mara aa maka go tshwana le Dafita kokwane wage. O yye a maka dilo ka moka go tshwana le papage Jehowaši.
4 Mara dipoleke tsa go hlawolega a di ya tlusiwa, fote batho ke mo ba kene ba maka dihlabelo le dihlabelo tsa mmuši gana mone ga dipoleke tsa go hlawolega.
5 Mo a šele a makiye gore mmušo wage wo tiyelele, o yye a bolaya malata yage ya gore ma bolayye papage wa gore ne go le kgoši.
6 Mara aa bolaya barwayi ba batho bo ba bolayyeng papage, o makiye tso Jehova a di hlayyeng ga molawo wo ba wo ngwadiyeng ga puku ya Molawo wa Moše wa gore: “Bopapa a baa tshwanela go bolayiwa ka taba la tso barwayi ba bona ba di sinnyeng, le barwayi a baa tshwanela go bolayiwa ka taba la tso bopapa ba bona ba di sinnyeng; mara ye mongwana le ye mongwana o tshwanele a bolayiwe ka taba la tso yene mong a di sinnyeng.”
7 O yye a bolaya 10 000 ya banna ba Maedomo ku Moyeding wa Letswayi, fote o yye a tseya naga ya Sela mo ba kene ba le ntweng ke mokane lebitso la yona naga yone go yye gwa ba Jokothiyele go segela le lekgono lowa.
8 Ke mokane Amaziya o yye a romela batho ga Jehowaši morwayi wa Jehowahazi morwayi wa Jehu kgoši ya Israyele, a re: “Tlang re lwe.”
9 Kgoši Jehowaši wa Israyele o yye a romela molayetsa ga Kgoši Amaziya wa Juda, o yitseri: “Mohlare wa mmutlwa wa Lebhanoni wo yye wa romela molayetsa ga mosidara wa Lebhanoni, wo yitseri, ‘Neya morwayi waka morwediya wago gore go be mosadi wage.’ Mara phoolwane ya go tshosa ya hlaga ya Lebhanoni yi yye ya feta ke mokane ya gatelanya mohlare wela wa mmutlwa.
10 Ke nnete gore o hludiye Edomo, fote tsotsone di makiye gore o thomise go ba le magetla. Tikwise ka tso o di makiyeng, mara o dule hone ntlong yago. Ke ntaba o nyaka mathatha ma le kgole ka taba la gore go nyoko kwalela wene le Juda?”
11 Mara Amaziya aa mo theetsela.
Byalo, Kgoši Jehowaši wa Israyele o yye a tloga a ya ga Kgoši Amaziya wa Juda ke mokane ba segela ba lwa ku Bhethe-šemeše ya gore ke ya Juda.
12 Juda yi yye ya hlula ke Israyele, ke mokane ye mongwana le ye mongwana o yye a tšhabela gaye* gage.
13 Kgoši Jehowaši wa Israyele o yye a tshwara Kgoši Amaziya wa Juda, morwayi wa Jehowaši wa gore ke morwayi wa Ahaziya, fote o yye a mo tshwara gana ku Bhethe-šemeše. Ba yye ba segela Jerusalema, ke mokane a thula lešuba ku lepharong la Jerusalema go thomisa Gheyiting ya Eforayimi go segela Gheyiting ya Khonong, fote lešuba lone ke mo le lekana 400 ya dikhyubhiti* ka go lefa.
14 O yye a tseya dilo tsa gholdi le tsa silva ka mokana ga tsona tso ne di le ntlong ya Jehova le tso ne di le ntlong ya kgoši, a boya a tseya le batho gore go be mabhantiti. Ke mokane a boyela Samariya.
15 Byalo, dilo ka mokana ga tsona tso di makegeleng Jehowaši, tso a di makiyeng, tso a di segeleleng le ka mokgo a lwileng le Kgoši Amaziya wa Juda, ayitsano a dya ngwadiwa ga puku ya gore go ngwadiwa ditaba tsa botala ka magoši ya Israyele?
16 Ke mokane Jehowaši ba yye ba mmoloka le bokokwane bage, ba mmolokiye Samariya le magoši ya Israyele; ke mokane morwayi wage Jerobhowamo o yye a ba kgoši sekgaleng sage.
17 Ke mokane Amaziya morwayi wa Jehowaši kgoši ya Juda o yye a phela 15 ya mengwaga ka nthago ga mo Jehowaši morwayi wa Jehowahazi kgoši ya Israyele a hlokofele.
18 Byalo, dilo ka mokana ga tsona tso di makegeleng Amaziya, ayitsano a dya ngwadiwa ga puku ya gore go ngwadiwa ditaba tsa botala ka magoši ya Juda?
19 Ka nthago, batho ba yye ba polana go mmolaya ku Jerusalema ke mokane o yye a tšhabela Lakhiši, mara ba yye ba romela banna ku Lakhiši fote ba mmolayele gona.
20 Byalo, ba yye ba mo rwala ka dipera ba boya naye, ke mokane ba yye ba mmoloka Jerusalema le bokokwane bage ga poleke yo ba reng ke Mutši wa Dafita.
21 Ke mokane batho ka mokana ga bona ba Juda ba yye ba tseya Azariya* wa gore ke mo a na le 16 ya mengwaga, ba mo maka kgoši sekgaleng sa papage Amaziya.
22 O yye a yaga mutši wa Elatha ka bonyuwane ke mokane a wo busetsa Juda ka nthago ga gore Amaziya ba mmoloke le bokokwane bage.
23 Ka mongwaga wa bo 15 wa mo Amaziya morwayi wa Jehowaši kgoši ya Juda, Jerobhowamo morwayi wa kgoši Jehowaši wa Israyele o yye a ba kgoši ku Samariya, fote o fetsiye 41 ya mengwaga a lawola.
24 O yye a fo ya mahlong a maka dilo tsa go befa mahlong ga Jehova. O makiye tsetsela di makiyeng ke Jerobhowamo morwayi wa Nebhathe tsa gore di makiye gore Maisrayele ma sinye.
25 O yye a busetsa sa go kgera Israyele mo ne se le gona, go thomisa Hamathe* go segela Lewatleng la Arabha,* go ya ka mokgo Jehova Modimo wa Israyele a hlayyeng ka gona a berekisa lelata lage Jona morwayi wa Amithayi wa gore ke moporofeta wa go tšwa Ghathe-hefere.
26 Ka gore Jehova o di bonne mo ba hlupegisa Israyele ka matla fote ke mo go se na motho wa gore a ka gelepa Israyele, le mong bo ba go se na matšhika le ba go sa re selo.
27 Mara ka taba la gore Jehova ne a tshepisiye gore a ka sa fetse ka moloko wa Israyele mo lefaseng. O yye a ba phonisa a berekisa Jerobhowamo morwayi wa Jehowaši.
28 Byalo, dilo ka mokana ga tsona tso di makegeleng Jerobhowamo, tso a di makiyeng, tso a di segeleleng, ka mokgo a lwileng le ka mokgo a busetsiyeng Damasekhase le Hamathe ga Juda ku Israyele, ayitsano a dya ngwadiwa ga puku ya gore go ngwadiwa ditaba tsa botala ka magoši ya Israyele?
29 Ke mokane Jerobhowamo ba yye ba mmoloka le bokokwane bage, le magoši ya Israyele; ke mokane Zakariya morwayi wage o yye a ba kgoši sekgaleng sage.
Ditwaba
^ Gabutšibutši ke “letente.”
^ Ke gana hala ga 178 ya dimitha. Bona Tsa go Tlats. ga B14.
^ Ya gore yi rela gore “Jehova o thušiye.” O bitsiwa Uziya ga 2Mg 15:13; 2Kr 26:1-23; Jes 6:1 le Zak 14:5.
^ Kela “gheyiting ya Hamathe.”
^ Ke Lewatle la Letswayi kela Lewatle la Gore le Kgwile.
