Magoši ya Bobedi 16:1-20
16 Ka mongwaga wa bo 17 wa mo go lawola Kgoši Peka morwayi wa Remalaya, Ahazi morwayi wa Kgoši Jothama wa Juda o yye a ba kgoši.
2 Ahazi ne a na le 20 ya mengwaga mo a ba kgoši, fote o yye a lawola Jerusalema 16 ya mengwaga. O makiye dilo tsa go sa loka mahlong ga Jehova Modimo wage, aa maka ka mokgo kokwane wage Dafita a makiyeng ka gona.
3 Mara yene o yye a maka tso di makiyeng ke magoši ya Israyele, a boya a maka gore morwayi wage a tshile mollo, o makiye dilo tsa go silikisa tso di makiyeng ke ditšhaba tso Jehova a di rakiyeng mo Maisrayele ma segela.
4 O yye mahlong a maka dihlabelo fote a maka le dihlabelo tsa mmuši ga dipoleke tsa go hlawolega, ga memmoto le ka fase ga mohlare wo mongwana le wo mongwana wo mo tala.
5 Ka nako yonone, Kgoši Rezini wa Siriya le Peka morwayi wa Remalaya kgoši ya Israyele ba yye ba ye lwa le Jerusalema. Ba yye ba dukulugela mutši wone wa gore Ahazi ne a le ga wona, mara ba šitegiye go wo hlula.
6 Ka nako yonone, Kgoši Rezini wa Siriya o yye a busetsa naga ya Elatha ga Maedomo, ka nthago ga mone o yye a raka Majuda* nageng ya Elatha. Maedomo ma yye ma dula Elatha, fote ma sa dula gona le lekgono lowa.
7 Byalo, Ahazi o yye a romela molayetsa ga Kgoši Thighilatha-pilesere wa Asiriya, a re: “Ke nna lelata lago fote ke nna morwayi wago. Tlang o mphonise ga kgoši ya Siriya le kgoši ya Israyele ka gore ba nhlasela.”
8 Byalo, Ahazi o yye a tseya silva le gholdi tsa gore ne ba nyoko di kraya ntlong ya Jehova le ga ntlo yo kgoši ne a beya dilo tsa gore o di tseyela gedimo, fote o yye a dhiza kgoši ya Asiriya.
9 Kgoši ya Asiriya yi yye ya theetsela tso Ahazi a yi kgopelang tsona, ya hlula Damasekhase ke mokane ya tseya batho ba gona ya ba maka gore go be mabhantiti ku Kire, ke mokane ya bolaya Rezini.
10 Byalo Kgoši Ahazi o yye a gahlana le Kgoši Thighilatha-pilesere wa Asiriya ku Damasekhase. Mo Kgoši Ahazi a bona aletare ya ku Damasekhase, o yye a romela Urija wa gore ke moprista polane ya aletare, ya go šupetsa gore ke mo yi le byang le gore ke mo yi makiwwe byang.
11 Urija wa gore ke moprista o yye a yaga aletare go ya ka polane yo Kgoši Ahazi a mo romeleng yona ya Damasekhase. Urija wa gore ke moprista o yye a fetsa go yi yaga Kgoši Ahazi a soko boya Damasekhase.
12 Mo kgoši yi boya Damasekhase yi yye ya bona aletare, ke mokane ya ya ga yona ya segela yi maka dihlabelo.
13 Fote ga aletare yone go yye gwa tupa mmuši mo a maka dihlabelo tsa go tšhubiwa le dihlabelo tsa mabele, o yye a tšhela le dihlabelo tsa go nwa fote mone ga tsona o yye a fokela madi ya dihlabelo tsa go hlekediwa.
14 Byalo o yye a tlosa aletare ya koporo ya gore ke mo yi le mahlong ga Jehova fote yi le mahlong ga ntlo, ke mo yi le gare ga aletare yage le ntlo ya Jehova ke mokane o yye a yi beya ka lebowa la aletare yage.
15 Kgoši Ahazi a botsa Urija wa moprista gore: “Ariye o ye maka dihlabelo tsa mmuši tsa ka bošego ku ga aletare ye kgolo, fote o make le sehlabelo sa mabele sa ka malobana ga yona, sehlabelo sa go tšhubiwa sa kgoši, sehlabelo sa kgoši sa mabele, le dihlabelo tsa go tšhubiwa, dihlabelo tsa mabele le dihlabelo tsa go nwa tsa batho ka mokana ga bona. O tshwanele o fokele madi ka mokana ga wona ya dihlabelo tsa go tšhubiwa le madi ya dihlabelo ka mokana ga tsona hone gedimo ga tsona. Mara ga aletare ya koporo nna nko boneng gore ke maka ying.”
16 Urija wa gore ke moprista o makiye dilo ka mokana ga tsona tso kgoši Ahazi a mmutsiyeng tsona.
17 Go tokegela gana hone, Kgoši Ahazi o yye a kupelela mahlaya ya sekotšikara a maka ditlopotlopo, fote o yye a tlosa mapolete ho ga tsona, ke mokane a tseya Ledhamo la tshipi la gore ke mo go le kgokolo ke mokane a le tlosa gedimo ga dikgomu tsa pholo tsa go makiwa ka koporo tsa gore ke mo di le thegiye, a le beya gedimo ga lapa la gore ke mo ba yatladiye matlapa.
18 Fote o yye a tlosa poleke ya gore ne ba yi kogele yo ne ba yi berekisa ka Sabatha ya gore ne ba yi yagiye ka teng ga tempele. Go tokegela gana hone, o yye a tlosa monyako wa gore magoši ke mo ma kena ga wona mo ma ya ntlong ya Jehova ke mokane a kwala mo ne go bulegiye; tsotsone o di makiye ka taba la kgoši ya Asiriya.
19 Byalo, dilo ka mokana ga tsona tso di makegeleng Ahazi le tso a di makiyeng, ayitsano a dya ngwadiwa ga puku ya gore go ngwadiwa ditaba tsa botala ka magoši ya Juda?
20 Ke mokane Ahazi ba mmolokiye le bokokwane bage ga poleke yo ba reng ke Mutši wa Dafita; ke mokane morwayi wage Hezekiya* o yye a ba kgoši sekgaleng sage.
