Magoši ya Bobedi 20:1-21
20 Ka dinako tsotsone, Hezekiya o yye a lwala tsela tsa nkare wa kgwa. Ke mokane moporofeta Jesaya morwayi wa Amozi o yye a tla gage a segela a mmotsa gore, “Tsowa ke tso Jehova a di hlayang: ‘Neya ba mutši wago molawo ka taba la gore o ka sa fole ga bolwele byowa; o nyoko kgwa.’”
2 Mo a reyane, yene a jika a lebelela lepharo ke mokane a thomisa go rapela Jehova a re:
3 “Barena Jehova ke ya go kgopela, o sa lebale ka mokgo ke yyeng ka go berekela ka go tshepega fote ke maka ka mokgonone ka pelo yaka yi felele, fote ke makiye dilo tsa go loka mahlong yago.” Ke mokane Hezekiya o yye a lla ka sethakga.
4 Mo Jesaya a soko segela gare ga lapa, Jehova o yye a re gage:
5 “Boyela nthago, o segele o botsa Hezekiya wa gore o yeta batho baka mahlong gore, ‘Tsowa ke tso Jehova Modimo wa Dafita kokwane wago a di hlayang: “Ke yi kwile thapelo yago. Fote ke di bonne mo o lla. Ke nyoko go yalafa. Ka letšatši la boraro (3) o nyoko ya ntlong ya Jehova.
6 Ke nyoko go yeketsela ka 15 ya mengwaga ya go phela fote ke nyoko go phonisa, ke boye ke phonise mutši wowa ga kgoši ya Asiriya, ke nyoko lwela mutši wowa ka taba la lebitso laka le ka taba la lelata laka Dafita.”’”
7 Ke mokane Jesaya a re: “Leyaneng mago ya gore ba ma womisiye ke mokane ba ma šila.” Ke mokane ba ma leya ba segela ba tlotsa sethogo sage, ke mokane a fola ka gonyana ka gonyana.
8 Hezekiya a re ga Jesaya: “Ayitsano go na le mošupetso wa go šupetsa gore ka nnete Jehova o nyoko mfodisa le gore ka letšatši la boraro (3) ke nyoko ya ntlong ya Jehova?”
9 Jesaya a fetola a re: “Wowa ke mošupetso wa go tšwa ga Jehova wa gore o nyoko go šupetsa gore yenemong Jehova o nyoko di maka byang tso a di hlayyeng: Ayitsano o nyaka gore serithi sowa se leng mo ditepising* se ye mahlong ka lesome (10) la magata kela se boyele nthago ka lesome (10) la magata?”
10 Hezekiya a re: “Di lula gore serithi se ye mahlong ka lesome (10) la magata, mara a di lula gore se boyele nthago ka lesome (10) la magata.”
11 Byalo moporofeta Jesaya o yye a bitsa Jehova, ke mokane Modimo a maka gore serithi sa Ahazi sa gore se mone ditepising se boyele nthago ka lesome (10) la magata.
12 Ka nako yonone, kgoši ya Bhabhilona yo ba reng ke Bherodakha-bhaladani morwayi wa Bhaladani o yye a romela mangwalo le se sengwana sa go neya Hezekiya, ka taba la gore ke mo a di kwelele gore Hezekiya ke mo a lwala.
13 Hezekiya o yye a ba yamogela ke mokane a ba šupetsa ntlo yage ka moka ya gore o beya dilo tsa gore o di tseyela gedimo—o yye a ba šupetsa silva, gholdi, makgura ya bhalesamo, makgura ya mangwana ya go tura, dikobo tsage tsa ntwa le dilo tse dingwana tsa gore ke mo di krayega ga ntlo yage ya gore o beya dilo tsa go tura. A go na selo sa gore Hezekiya aa ba šupetsa sona ga ntlo yage le ga dilo tso ke mo a di lawola.
14 Ka nthago ga mone, Jesaya wa moporofeta o yye ga Kgoši Hezekiya a mmutsisa gore: “Banna bowa ba yitseri king, fote ba tšwa kaye?” Ke mokane Hezekiya a re: “Ba tšwa kgole, ba tšwa Bhabhilona.”
15 Ke mokane Jesaya a mmutsisa gore: “Ba bonne ying ntlong yago?” Hezekiya a mo fetola a re: “Ba bonne dilo ka moka. A go na selo sa gore a ke ya ba šupa sona ga dilo tsaka tsa go tura.”
16 Jesaya a re ga Hezekiya: “Theetsela tso Jehova a di hlayang, o re,
17 ‘Go tla nako ya gore dilo ka mokana ga tsona tsa gore di ka ntlong yago le ka moka tsa gore bokokwane bago ba di hlekeletsiye di ye Bhabhilona. Go ka sa šale selo,’ go hlaya Jehova.
18 ‘Ba bangwana ga barwayi bago ba nyoko ba tseya ba ba maka ba go lawola ntlo ya kgoši ya Bhabhilona.’”
19 Ka taba la tsotsone, Hezekiya a re ga Jesaya: “Tso o di hlayyeng tsa gore di tšwa ga Jehova di gabutši.” Fote a re: “Go ka ba gabutši mo go ka beba fote dilo dya sepela gabutši mo go lawola nna.”*
20 Byalo, dilo ka mokana ga tsona tso di makegeleng Hezekiya, ka mokana ga tsona tso a di segeleleng, ka mokgo a makiyeng ledhamo le ka mokgo a makiyeng mosela gore wo leye meetši mutšing, ayitsano a di ya ngwadiwa ga puku ya gore go ngwadiwa ditaba tsa botala ka magoši ya Juda?
21 Byalo, Hezekiya ba yye ba mmoloka le bokokwane bage; ke mokane morwayi wage Manase o yye a ba kgoši sekgaleng sage.
Ditwaba
^ Nakwenngwana ditepisi tsowa ke mo ba di berekisa go balela nako, go tshwana le sa go šupa nako sa botala.
^ Gabutšibutši ke “matšatši.”
