Magoši ya Bobedi 21:1-26
21 Manase ke mo a na le 12 ya mengwaga mo a ba kgoši, fote o fetsiye 55 ya mengwaga a lawola Jerusalema. Lebitso la mmane wage ne go le Hefozibha.
2 O yye a maka dilo tsa gore a dya loka mahlong ga Jehova, a maka dilo tsa go silikisa tsa gore ke mo di maka ke ditšhaba tsa gore Jehova o yye a di raka mo go segela Maisrayele.
3 O yye a yaga dipoleke tsa go hlawolega ka bonyuwane tsa gore di wisannye ke papage Hezekiya, fote o yye a makela Bhaali dialetare a maka le phate ya go hlawolega* ka mokgo Ahaba kgoši ya Israyele a makiyeng ka gona. Fote o yye a kgotamela dinanedi tsa magedimong, a boya a di berekela.
4 O yye a yagela medimo ya matsaka dialetare ku ntlong ya Jehova, ya gore Jehova o yitseri ka yona: “Ku Jerusalema ke nyoko beya lebitso laka.”
5 Fote o yye a yagela dinanedi ka mokana ga tsona tsa magedimong dialetare, a di beya ga malapa ka mabedi (2) ya ku ntlong ya Jehova.
6 O yye a maka gore morwayi wage a tshile mollo; a maka tsa masalamose le go nyaka go tšiba tsa ku mahlong fote o yye a kgeta batho gore ba bereke ka tsa masalamose le ba go hlaya tsa ku mahlong. O makiye dilo tsa go befa ka matla mahlong ga Jehova gore a mo kwatise.
7 O yye a beya sethombhe sa go makiwa sa phate ya go hlawolega ga ntlo ya gore Jehova o butsiye Dafita le morwayi wage Solomoni gore: “Ga ntlo yowa le ku Jerusalema ya gore ke yi hlawodiye ga meloko ka mokana ga yona ya Israyele, ke nyoko beya lebitso laka gona go ya go yye.
8 Fote nka sa sa maka gore Maisrayele ma ye tlase le kgakala ga naga ya gore ke yi neyye bokokwane ba bona, mo ba ka fo maka dilo ka mokana ga tsona tso ke ba butsiyeng tsona le go latelela Molawo wa gore lelata laka Moše le ba butsiye wona.”
9 Mara a baa theetsela, fote Manase o f’lo ya mahlong a maka gore ba keketlele, a boya a maka gore ba sinyele Jehova go phala ditšhaba tso Modimo a di hludiyeng mo Maisrayele ma segela.
10 Jehova o yye a bolabola a berekisa malata yage ya gore ke baporofeta, a re:
11 “Manase kgoši ya Juda o makiye dilo tsa go silikisa ka mokana ga tsona; o makiye dilo tsa go befa go phala Maamore ya ku nthago ka mokana ga wona, fote o makiye gore Juda yi sinye ka medimo yowa yage ya go silikisa.*
12 Byalo tsowa ke tso di hlayang ke Jehova Modimo wa Israyele, o re: ‘Ke nyoko maka gore Jerusalema le Juda di tlele ke dilo tsa go baba, fote motho ye mongwana le ye mongwana ye a kwang taba yone o nyoko šala a makele.*
13 Ke nyoko yahlula Jerusalema go tshwana le ka mokgo ke yyeng ka yahlula Samariya, fote ke nyoko yi yahlula ka mokgo ke yyeng ka yahlula mutši wa Ahaba, ke mokane Jerusalema ke nyoko yi suwela ya šala yi yediye go fo tshwana le mo motho a sula sitša sa motšiti se yela ke mokane a se ribega.
14 Bo ba gore ba šele fote ba phonne ke nyoko ba jikela, ke nyoko lisetsa manaba ya bona ma ba hlula, ba nyoko ba mabhantiti fote manaba ya bona ma nyoko tseya dilo tsa gabutši tso ba nang natso,
15 ka taba la gore ba makiye dilo tsa go befa mahlong yaka fote ba f’lo ya mahlong ba nkwatisa go tlugisela nakwela bokokwane ba bona ba tšwa Egepita go segela le lekgono lowa.’”
16 Manase o yye a bolaya batho ba go tlala ka matla tsa gore madi ya bona ke mo ma ka thomisa mo Jerusalema yi thomisang gona ke mokane ma segela mo Jerusalema yi felelang gona, mo re sa bale dilo tsa go befa tso a di makiyeng tsa go maka gore Majuda ma make dilo tsa go befa mahlong ga Jehova.
17 Byalo, dilo ka mokana ga tsona tso di makegeleng Manase, dilo ka moka tso a di makiyeng le tso a di sinnyeng, ayitsano a dya ngwadiwa ga puku ya gore go ngwadiwa ditaba tsa botala ka magoši ya Juda?
18 Byalo Manase ba yye ba mmoloka le bokokwane bage, fote ba mmolokiye tšhomong ya gaye gage ga tšhomo ya Uza; ke mokane morwayi wage Amoni o yye a ba kgoši sekgaleng sage.
19 Amoni ke mo a na le 22 ya mengwaga mo a ba kgoši, fote o yye a lawola Jerusalema ka mengwaga ka mmedi (2). Lebitso la mmane wage ke mo go le Mešulemethe morwediya wa Haruzi wa go tšwa Jotebha.
20 O f’lo ya mahlong a maka dilo tsa go befa mahlong ga Jehova go tshwana le papage Manase.
21 O yye a fo dulela go maka dilo tsa gore ke mo di maka ke papage, fote o yye mahlong a berekela a boya a kgotamela medimo ya dithombhe ya go silikisa ya gore papage le yene ke mo a yi berekela.
22 Byalo o yye a jikela Jehova Modimo wa bokokwane bage, fote aa maka tso Jehova a di nyakang.
23 Mafelelong malata ya Amoni ma yye ma mo polanela ke mokane ma mmolayela ntlong yage.
24 Mara batho ba naga yone ba yye ba bolaya batho ba gore ba polanele Kgoši Amoni, ke mokane ba tseya morwayi wage Josiya ba mo maka kgoši sekgaleng sage.
25 Byalo, dilo ka mokana ga tsona tso di makegeleng Amoni le tso a di makiyeng, ayitsano a dya ngwadiwa ga puku ya gore go ngwadiwa ditaba tsa botala ka magoši ya Juda?
26 Byalo ba yye ba mmoloka lebitleng lage ga tšhomo ya Uza, ke mokane morwayi wage Josiya o yye a ba kgoši sekgaleng sage.
Ditwaba
^ Bala ga Dihlatollo Tsa Mantsu.
^ Lentsu lowa la Seheberu le ka fo ba le tshwana le lentsu la gore “boraga” fote le berekisiwa ga selo sa gore a se re selo.
^ Gabutšibutši ke “ditsebe tsage di nyoko gwayisa.”
