Magoši ya Bobedi 25:1-30
25 Ka mongwaga wa nkokwane (9) wa mo go lawola Kgoši Zedekiya, ka kgwedi ya lesome (10) ka letšatši la lesome (10), Kgoši Nebhukhadhinezara wa Bhabhilona o yye a tla le masole yage ka mokana ga wona a tl’le lwa le Jerusalema. O yye a yaga matente a dukulugela lepharo la mutši wone,
2 ba yye ba dukulugela mutši wone go segela ka mongwaga wa bo 11 wa mo go lawola Kgoši Zedekiya.
3 Ka letšatši la nkokwane (9) ka kgwedi ya bone (4) ke mo go wile tlala ye kgolo mone mutšing, fote batho ba mone nageng ne ba se na tsa go ja.
4 Ba yye ba wisa lepharo lone ke mokane masole ka mokana ga wona ma yye ma tšhaba bošego ma tšwa ka gheyiti ya gore ke mo yi le gare ga mapharo yane thina le tšhomo ya kgoši, hala Makhaladiya ma dukulugele mutši; ke mokane kgoši yi yye ya šala Maarabha nthago.
5 Mara masole ya Makhaladiya ma yye ma šala kgoši nthago, ma yye ma yi kraya polekeng ya kgwaakgwa ya Jerikho fote masole ya yona ka mokana ga wona ne ma tlalaganne.
6 Ke mokane ba yye ba tshwara kgoši ba yi yisa ga kgoši ya Bhabhilona ku Ribhla, ke mokane ba yi yahlula.
7 Ba yye ba bolaya barwayi ba Zedekiya a kene a lebelele; ke mokane Nebhukhadhinezara o yye a gonya maahlo ya Zedekiya, a mo tlemelela ka diketane tsa koporo ke mokane a mo yisa Bhabhilona.
8 Ka kgwedi ya kapheta (5) ka letšatši la bošupa (7) la kgwedi yonone, ka mongwaga wa bo 19 wa mo go lawola Kgoši Nebhukhadhinezara wa gore ke kgoši ya Bhabhilona, Nebhuzaradane wa gore ke ndhuna ya masole, wa gore ke sebereki sa kgoši ya Bhabhilona o yye a ya Jerusalema.
9 O yye a tšhuba ntlo ya Jehova, a tšhuba ntlo ya kgoši, a tšhuba le dintlo ka mokana ga tsona tsa Jerusalema; a boya a tšhuba le dintlo tsa banna ba go tšibega mone nageng.
10 Fote mapharo ya ne ma dukulugele Jerusalema ma wisiye ke masole ya Makhaladiya ya gore ke mo ma na le Nebhuzaradane.
11 Nebhuzaradane wa gore ke ndhuna ya masole o yye a tseya batho bo ba šeleng mone mutšing a maka gore go be mabhantiti, ba gore ne ba yye ga kgoši ya Bhabhilona le batho ka mokana ga bona.
12 Byalo, ndhuna ya masole yi yye ya šiya ba go tihlupegela mone nageng gore ba bereke tšhomong ya didhriva le mašomong.
13 Fote Makhaladiya ma yye ma pshyayanya dikholomo tsa koporo ku ntlong ya Jehova, le dikotšikara le Ledhamo, tsa gore ke mo di le ntlong ya Jehova, ke mokane ba tseya koporo ba yi yisa Bhabhilona.
14 Ba yye ba tseya dipane tsa go tshwara luta, difošolo, dilo tsa nkare ke dikero tsa go tima malampa, dikomitši le dilo ka mokana ga tsona tsa koporo tso ba di berekisang ku tempeleng.
15 Byalo, ndhuna ya masole yi yye ya tseya dilo tso ba tshwarang mollo ka tsona le ditša tsa motšiti tsa gore ke mo go le tsa gholdi ya mannete le silva ya mannete.
16 Byalo dikholomo tsela ka dipedi (2), Ledhamo le dikotšikara tsa gore Solomoni ke mo a di makele ntlo ya Jehova le dilo ka mokana ga tsona tsa koporo ke mo di sa kalege ka taba la gore ke mo di tlele ka matla.
17 Kholomo ka yyoši ke mo yi lefiye ka 18 ya dikhyubhiti,* fote tsa go kgabisa ga dikholomo tsowa ne di makiwwe ka koporo; fote ke mo di lefiye dikhyubhiti ka diraro (3), fote diketane tse dinyana tsa gore ba di logiye go tshwana le thapo le magarenate ya go dukuluga tsa go kgabisa le tsona ke mo di makiwwe ka koporo. Dikholomo tsowa ka dipedi (2) ke mo di makiwwe go tshwana.
18 Byalo, ndhuna ya masole yi yye ya tseya Seraya ndhuna ya maprista, Zefaniya wa gore o gelepa ndhuna ya maprista le bomatšinghelane ka bararo (3).
19 Fote mone mutšing o yye a tseya ka wweši wa go berekela mutši wa kgoši wa gore ne go le ndhuna ya masole, kapheta (5) ya banna ba gore ke mo ba kwana le kgoši ka matla ba gana hone mutšing, le mabhalane wa ndhuna ya masole, le ye ne a hlekeletsa masole ya mone mutšing, le 60 ya banna ba gore ba tšwa mutšing wone.
20 Nebhuzaradane wa gore ke ndhuna ya masole o yye a ba tseya a ya nabo ga kgoši ya Bhabhilona ku Ribhla.
21 Byalo, kgoši ya Bhabhilona yi yye ya ba bolaya ku Ribhla ga naga ya Hamathe. Batho ba Juda ba yye ba tloga nageng ya bona ba ya bobhantiting.
22 Kgoši Nebhukhadhinezara wa Bhabhilona o yye a kgeta Ghedalaya morwayi wa Ahikamo wa gore ke morwayi wa Šafane gore a lawole batho ba gore ba šele ku nageng ya Juda.
23 Mo dindhuna ka mokana ga tsona tsa masole le masole ya tsona ba di kwelela gore kgoši ya Bhabhilona yi kgetiye Ghedalaya, ba napiye ba ya ga Ghedalaya ku Mizipa. Go yye Išimayele morwayi wa Nethanaya, Johanani morwayi wa Kareya, Seraya morwayi wa Thanihumethe wa gore ke Lenetofa le Jazanaya morwayi wa Lemayakha le masole ya bona.
24 Ghedalaya o yye a tshepisa bona le masole ya bona ka gore: “Le sa tšhabe go ba malata ya Makhaladiya. Dulaneng mone nageng fote le berekele kgoši ya Bhabhilona, ke mokane dilo di nyoko le sepelela gabutši.”
25 Ka kgwedi ya bošupa (7), Išimayele morwayi wa Nethanaya wa gore ke morwayi wa Elišama wa gore o tšwa bogošing, o yye a tla le lesome (10) la banna ke mokane ba bolaya Ghedalaya ba na le Majuda le Makhaladiya ba gore ne ba le naye ku Mizipa.
26 Ka taba la tsotsone, batho ka mokana ga bona, ba banyana le ba bagolo, le dindhuna tsa masole ba yye ba tšhabela Egepita ka gore ke mo ba tšhaba Makhaladiya.
27 Ka mongwaga wa bo 37 wa mo Kgoši Jehoyakhini wa Juda a le bobhantiting ka di 27 tsa kgwedi ya bo 12, Kgoši Evili-merodakha wa Bhabhilona ka mongwaga wo a yyeng a ba kgoši ka wona, o yye a ntsha Kgoši Jehoyakhini wa Juda jele.
28 O yye a mo tshwara gabutši fote a maka gore setulo sage sa go lawola se phale sa magoši ka mokana ga wona ya ne ma le naye ku Bhabhilona.
29 Byalo Jehoyakhini o yye a yapola dikobo tsage tsa jele, fote o jele tafoleng ya kgoši lephelo lage ka mokana ga lona.
30 Ne a kraya tsa go ja tsa go tšwa ga kgoši letšatši le lengwana le le lengwana, fote o di krayye lephelo ka mokana ga lona.
Ditwaba
^ Khyubhiti ka yyoši ke mo yi lekana le 44, 5 ya disenthimitha. Bona Tsa go Tlats. ga B14.
