Magoši ya Bobedi 3:1-27
3 Jehorama morwayi wa Ahaba o yye a ba kgoši ya Israyele ku Samariya ka mongwaga wa bo 18 wa mo go lawola Kgoši Jehošafate wa Juda, o fetsiye 12 ya mengwaga a lawola.
2 O yye a fo maka dilo tsa go befa mahlong ga Jehova, mara aa maka go tshwana le papage le mmane wage, ka taba la gore yene o tlusiye kholomo ya go hlawolega ya Bhaali ya gore yi makiye ke papage.
3 Mara o f’lo ya mahlong a maka tsetsela di makiyeng ke Jerobhowamo morwayi wa Nebhathe tsa gore di makiye gore Maisrayele ma sinye. Aa lisetsa go di maka.
4 Byalo Meša kgoši ya Mowaba ke mo a ruwwe dinku, ke mo a patela mothelo ga kgoši ya Israyele ka 100 000 ya dinkunyana le 100 000 ya dinku tsa gore ke mo di sa hlubiwa.
5 Mo Ahaba a fetsa go kgwa, kgoši ya Mowaba yi yye ya jikela kgoši ya Israyele.
6 Byalo ka letšatši lolone, kgoši Jehorama o yye a tloga Samariya ke mokane o yye a hlekeletsa masole ya Israyele ka mokana ga wona.
7 Ke mokane o yye a romela molayetsa ga Kgoši Jehošafate wa Juda, a re: “Kgoši ya Mowaba yi njikele. Ke kgopela o ye le nna ntweng re ye lwa le Mamowaba.” Ke mokane yene a re: “Nko ya nago ke na le batho baka le dipera tsaka.”
8 Ke mokane Jehošafate a butsisa a re: “Byalo re ye sepela ka pata yifeng?” Ke mokane Jehorama a re: “Re ko berekisa pata yela ya mašahla ya Edomo.”
9 Kgoši ya Israyele yi yye ya sepela yi na le kgoši ya Juda le kgoši ya Edomo. Ke mo go se na meetši ya masole le ya diphoolwane tso ne ba sepela natso ka nthago ga gore ba sepele kašupa (7) ya matšatši.
10 Kgoši ya Israyele ya re: “Di kwisa go baba! Jehova o makiye gore magoši yawa ka mararo ma gahlane gore ma thogo hlula ke Mamowaba!”
11 Ke mokane Jehošafate a re: “Anthe a go na moporofeta wa Jehova howa wa gore a ka re butsisela ga Jehova?” Byalo, lelata ka lloši la kgoši ya Israyele la mo fetola la re: “Go na le Eliša morwayi wa Šafate, wa gore ke mo a tšhelela Eliya meetši gore a thogo hlapa matsogo.”*
12 Ke mokane Jehošafate a re: “Morenewa o bolabola tsa go tšwa ga Jehova.” Ke mokane kgoši ya Israyele, Jehošafate le kgoši ya Edomo ba ya gage.
13 Eliša a re ga kgoši ya Israyele: “Anthe o nyaka ying mo gaka?* Ariye ga baporofeta ba papago le baporofeta ba mmane wago.” Mara kgoši ya Israyele ya re gage: “O sa di hlaye tsotsone, ka taba la gore ke Jehova a bitsiyeng magoši yawa ka mararo (3) gore ma thogo hlula ke Mamowaba.”
14 Mo a reyane, Eliša a re: “Solanka Jehova wa masole ye ke mmerekelang a sa phela, hala ke sa bona Jehošafate kgoši ya Juda, lune ne nka sa le theetsele kela go le tseyela hlogong.
15 N’leyeleneng motho wa go kgana harepa.” Mo a thomisa go yi kgana, moya* wa Jehova wa tla gage.
16 Eliša a re: “Tsowa ke tso Jehova a di hlayyeng: ‘Yepa mekoti ga moyedi wowa,
17 ka taba la gore tsowa ke tso Jehova a di hlayang: “Go ka sa be le moya fote go ka sa be le pula; mara moyedi wowa wo nyoko tlala ka meetši, fote wene o nyoko nwa ga wona le diphoolwane tso o di ruwweng le diphoolwane tsago tse dingwana.”’
18 Mara selo sowa ke se senyana mahlong ga Jehova ka taba la gore o nyoko maka le gore le hlule Mamowaba.
19 Le fetseneng ka mutši wo mongwana le wo mongwana wa gore wo tiyisiwwe le ka mutši wo mongwana le wo mongwana wa gore wo bafele, le kupeneng mohlare wo mongwana le wo mongwana wa gabutši, le fateleneng didiba ka mokana ga tsona tsa meetši, fote le sinyeneng mašomo ya mangwana le ya mangwana ya gabutši ka go bošela matlapa gore go sa mile selo ga wona.”
20 Ke mokane ka bošego, ka nako ya go maka sehlabelo sa mabele sa ka bošego, meetši ma yye ma nyarela ma tšwa ka nthoko ya Edomo ke mokane poleke ka mokana ga yona yi yye ya tlala ka meetši.
21 Mo Mamowaba ka mokana ga wona ma di kwelela gore magoši ma segele gore ma tl’le lwa nabo, ba yye ba bitsa banna ka mokana ga bona ba gore ba kgona go lwa ke mokane ba ba yemisa mo go felelang naga ya bona.
22 Mo ba tsoga ka bošego, letšatši ne le khanyisiye meetši mara ka nthoko ya Mamowaba meetši yala ne ma le ya makhubedu go tshwana le madi.
23 Ba re: “Yawa ke madi! Magoši ma tshwanele go ba ma bolayanne ka sabola. Byalo, koriyeneng re ye tseya tso di šeleng!”
24 Mo Mamowaba ma kena ka mo Maisrayele ne ma le gona, Maisrayele ma yye ma thoma go hlasela Mamowaba ke mokane Mamowaba ma tšhaba. Maisrayele ma yye ma kena le nageng ya Mowaba fote ne ma tsama ma bolaya Mamowaba ya ma gahlanang nawo.
25 Ba yye ba wisanya mitši ya Mowaba, monna ye mongwana le ye mongwana o yye a bošela letlapa ga tšhomo ye nngwana le ye nngwana ya gabutši go segela ma tlala; ba yye ba fatela sediba se sengwana le se sengwana sa meetši, fote ba kupa mohlare wo mongwana le wo mongwana wa gabutši. Mafelelong go yye gwa šala go yemme mapharo ya Kire-haresethe, fote masole ya ne ma dukulugiye mutši wone ma yye ma hlasela mutši wone ka go wo boša ka matlapa.
26 Mo kgoši ya Mowaba yi di bona gore ba yi hludiye ntweng, yi yye ya tseya 700 ya banna ba gore ba na le disabola gore ba kenele kgoši ya Edomo; mara ba yye ba šitega.
27 Byalo, o yye a tseya morwayi wage wa letšibula wa gore ne a nyoko ba kgoši sekgaleng sage a maka sehlabelo sa go tšhubiwa ka yene hala lepharong. Batho ba yye ba kwatela Israyele, ka taba la tsotsone ba yye ba boyela nageng ya bona.
Ditwaba
^ Kela “wa gore ne go le lelata la Eliya.”
^ Kela “byalo nna ke kena kaye?”
^ Gabutšibutši ke “letsogo.”
