Magoši ya Bobedi 4:1-44
-
Eliša o yeketsa makgura ya mosadi wa go kgwela ke monna (1-7)
-
Mosadi wa Lešunema o yamogela bayeng (8-16)
-
Mosadi ye mongwana o belega ngwana wa mošomonyana; ngwanene wa kgwa (17-31)
-
Eliša o tsosa ngwana wa mošomanyana (32-37)
-
Eliša o maka sope gore yi thogo jega (38-41)
-
Eliša o yeketsa dikgwa (42-44)
4 Byalo, mosadi ye mongwana wa barwayi ba baporofeta o yye a llela Eliša a re: “Monna waka wa gore ke lelata lago o hlokofele, fote wene wa di tšiba gore lelata lago ke mo le hlompa Jehova ka dinako ka moka. Gana byalo go tlile monna wa gore ke mo a le kolota, o nyoko tseya bana baka ka babedi (2) gore go be dibereki tsage.”
2 Ke mokane Eliša a re gage: “Nna nka go gelepa byang? Mpotse, o na le ying ka mo ntlong yago?” A mo fetola ka gore: “Lelata lago a le na selo ka mo ntlong, go fo ba le lepotlela la makgura.”
3 Ke mokane a re: “Sepela o ye kgopela tsa go tšhela ga bayagelani bago, tsa gore a di na selo ka ho teng. Fote o nyake tsa go tlala.
4 Ke mokane o kene ntlong wene le barwayi bago le tikwalele. O tlatse dilo tsowa tsa go tšhela ka makgura, ke mokane o beye tsa gore di tlele ka thoko.”
5 Ke mokane mosadi yela a tloga a mo šiya.
Mo a tikwalela ka mone ntlong le barwayi bage, ba mo neyetsa dilo tsela tsa go tšhela a di tlatsa.
6 Mo dilo tsela tsa go tšhela di šele di tlele, mosadi yela a re ga ye mongwana wa barwayi bage: “Tlisa se sengwana.” Mara yene a re gage: “A di sa le šiyo.” Ka nako yonone makgura yala ma sa sa tšwa.
7 Byalo, o yye a boyela a ye botsa lelata la Modimo wa mannete, ke mokane lona la re gage: “Sepela o ye rekisa makgura yawa ke mokane o patele dikoloto tsago, fote yo yi šalang wene le barwayi bago le ko tiphidisa ka yona.”
8 Tšatši le lengwana Eliša o yye Šunema ga gore ke mo go na le mosadi wa go tšibega, ke mokane o yye a mmotsa gore a tle a je tsa go ja gaye gage. Nako ye nngwana le ye nngwana mo a feta, ke mo a feta gona a ja.
9 Ke mokane a re ga monna wage: “Ke ya di tšiba gore monna ye a dulang a tla howa ke lelata la Modimo la go hlawolega.
10 Barena ke kgopela re mo makele sekamarana ka ku gedimo, ke mokane re mmeyele mpeto, tafola, setulo le llampa. Gore ka moka nako mo a tla ka howa a thogo yetsela gona.”
11 Tšatši le lengwana o yye a tla, ke mokane a ya ka ku kamareng ya ka gedimo a segela a yetsela.
12 Ke mokane a re ga Ghehazi lelata lage: “Bitsa mosadi yewa wa Lešunema.” Ke mokane Ghehazi a ya a mmitsa, a yema mahlong gage.
13 Ke mokane Eliša a re ga Ghehazi: “Ke kgopela o mmutsise gore, ‘Ka gore o tihlupiye ka go re makela dilo tsowa, o nyaka ke go makela ying? Ayitsano o nyaka ke go bolabolela ga kgoši kela ga ndhuna ya masole?’” Mara yene a fetola a re: “Awwa a ke na bothatha, ke dulisanne gabutši le ba mutši waka le bayagelani baka.”
14 Eliša a re ga Ghehazi: “Byalo re ka mo makela ying?” Ghehazi a re gage: “Aa na ngwana fote monnage o tsofele.”
15 Ka go yakgoswa o yitseri gage: “Mmitse.” A ya a mmitsa ke mokane mosadi yela a yema monyako.
16 Eliša a re: “Ka nako yowa mongwaga wo wo tlang o nyoko ba o na le morwayi.” Mara yene a re: “Awwa morenaka, wene lelata la Modimo wa mannete! O sa botse lelata lago matsaka.”
17 Ka nthago ga nako o yye a yima, a belega ngwana wa mošomanya ka nthago ga ngwaga go ya ka mokgo Eliša a mmutsiyeng ka gona.
18 Byalo, ngwanene o yye a gola ke mokane tšatši le lengwana o yye a tloga a ya ga papage wa gore ke mo a na le batho ba go buna.
19 Ke mo a fo dulela go botsa papage gore: “Yonna yoo! Hlogo yaka ya baba!” Ke mokane papage a botsa sebereki sage gore: “Mo kakole o mo yise ga mmane wage.”
20 O yye a mo kakola a mo yisa ga mmane wage, ke mokane a segela a mmeya diropeng tsage, a dula gona go segela ka malobana ke mokane a hlokofala.
21 Mmane wage o yye a mo tseya a mo yetsedisa mpetong wa lelata la Modimo wa mannete, ke mokane a kwala monyako a sepela.
22 Byalo a re ga monnage: “Barena ke kgopela o nrome le ka wweši wa malata yago le ka yyoši ya dibhongholo tsago, gore ke thogo taboga ke ye ga lelata la Modimo wa mannete ke mokane ke boye.”
23 Mara monnage a re: “Ke ntaba o ya lekgono? Anthe a o di tšibi gore ke ngwedi wa nyuwane kela ke sabatha?” Mara yene a re: “O sa hlupege, dilo ka moka di lukiye.”
24 Ke mokane a lukisa bhongholo, a botsa lelata lage gore: “O taboge. O sa n’yemele, mo ke sa go botse gore yema wene o fo ya mahlong o taboga.”
25 O yye a sepela a ya ga lelata la Modimo wa mannete ku Thabeng ya Kharamele. Mo lelata la Modimo wa mannete le mmona a sa tla ku kgole, la re ga Ghehazi lelata la lona: “Bona! Mosadi wa Lešunema ke yela.
26 Barena taboga o mo gahlanetse o segele o mmutsise gore, ‘Ayitsano o tsugiye gabutši? Monnago yene o tsugiye? Ngwanago yene gee?’” Mo a reyane mosadi yela a re: “Dilo ka moka di sepela gabutši.”
27 Mo a segela ga lelata la Modimo wa mannete ku thabeng, o yye a napa a ngangarela mawoto yage. Ke mokane Ghehazi a šutela thina naye gore a thogo mo tšhofa, mara lelata la Modimo wa mannete la re: “Mo lisetse ka taba la gore o kwa go baba, fote Jehova aa n’wunyullela tsona fote aa soko mpotsa selo.”
28 Ke mokane a re: “Anthe wene morenaka ke ro go kgopela ka re ke nyaka ngwana wa mošomanyana? Anthe a ke ya go botsa gore, ‘O sa ntshepisi dilo tsa gore a di šiyo’?”
29 Ke mokane Eliša a yakgoswa a re ga Ghehazi: “Tantetsa dikobo tsago ho masekeng, ke mokane o tseye thoka yaka o sepele nayo. Mo o gahlana le motho mo tseleng, o sa mo tamisi; fote mo yene a go tamisa, wene o sa dumele. Ariye o segele o beya thoka yaka gedimo ga sefahlego sa mošomanyana yela.”
30 Ke mokane mmane wa mošomanyana yela a re: “Solanka Jehova a sa phela le wene o sa phela, nka sa go šiyi.” Eliša a tlogamela a sepela naye.
31 Ghehazi o yye a ba yeta mahlong a segela a beya thoka yela gedimo ga sefahlego sa ngwanela wa mošomanyana, mara ne a sa thogathoge. Ke mokane Ghehazi a boyela ga Eliša a segela a mmotsa gore: “Mošomanyana yela aa tsoga.”
32 Mo Eliša a segela mone ntlong, mošomanyana yela ne a le mpetong wa Eliša a kgwile.
33 Eliša o yye a kena ka ku kamareng a tikwalela le mošomanyana yela ke mokane a thomisa go rapela Jehova.
34 Eliša a ya hala mpetong a segela a yinamela mošomanyana yela, a tikisa molomo wage ka wage, maahlo yage ma lebelele ya mošomanyana yela, fote a tshwara matsogo ya mošomanyana yela a mo yinamela, ke mokane mmele wa mošomanyana yela wa thomisa go belabela.
35 Eliša ne a ya tlase le kgakala ka mone ntlong, ke mokane a tloga a ya hala mpetong a segela a yinamela mošomanyana yela fote. Mošomanyana yela a yethimula ga šupa (7), ka nthago ga hone a bula maahlo.
36 Byalo Eliša a bitsa Ghehazi a re gage: “Mpitsele mosadi wa Lešunema.” Ke mokane Ghehazi a mmitsa a tla. Eliša a re gage: “Tseya morwayi wago ke yewa.”
37 Mosadi yela a kena a segela a kgotama mawotong ya Eliša, mo a fetsa a kakola morwayi wage a tšwa naye.
38 Mo Eliša a boyela Ghilighala, ke mo go na le tlala mone nageng. Byalo barwayi ba baporofeta ke mo ba duli mahlong gage, ke mokane a botsa lelata lage gore: “Tokega poto ye kgolo ke mokane o yapegele barwayi ba baporofeta sope.”
39 Byalo ye mongwana wa bona o yye a tloga a ya ku tšhomong a segela a kga mokopu fote a kraya go na le thoke ke mokane a kga mekopu ga yona, a tlatsa kobo yage. Ke mokane a segela a di kopelela ka ku potong, a sa di tšibi gore ke dilo tsa mošaga mang.
40 Ke mokane ka nthago ba yye ba neya banna bala gore ba je, mara mo ba kene ba ja sope yone ba yye ba yahlamela ba re: “Wene lelata la Modimo wa mannete, go na le tšhefu* ka mo potong.” Tsotsone di makiye gore ba sa kgone go ja sope yela.
41 Ke mokane a re: “Nneyetse folawa.” A yi tseya a yi tšhela ka ku potong a re: “Tsholela batho bowa.” Ke mokane ka ku potong ne go sa sa na tšhefu.
42 Go yye gwa tla monna a tšwa Bhaali-šališa, o leyele lelata la Modimo wa mannete 20 ya dikgwa tsa go makiwa ka mabelethoro tsa gore o di makiye ka diyengwa tsa mathomo, a mo leyela le lesaka la mabele ya mathomo. Ke mokane Eliša a re: “Di neye batho bowa gore ba thogo ja.”
43 Mara lelata lage la re: “Tsa go ja tsowa ke tse dinyana di ka sa lekane 100 ya batho.” Mo a reyane, Eliša a re: “Neya batho bowa ba je, ka taba la gore tsowa ke tso Jehova a di hlayang, ‘Ba nyoko ja dya boya dya šala.’”
44 Ke mokane lelata lela le yye la ba neya tsa go ja ba ja dya boya dya šala, go ya ka mokgo Jehova a hlayyeng.
Ditwaba
^ Gabutšibutši ke “likgu.”
