Samuwele wa Bobedi 22:1-51
22 Dafita a botsa Jehova mantsu ya koša yowa ka letšatši lo Jehova a mo phonisiyeng ga manaba yage ka mokana ga wona le ga Sawulo.
2 O yitseri:
“Jehova ke letlapa laka le poleke ya gore ke tšhabela ga yona, ke yene a mphonisang.
3 Modimo waka ke letlapa laka la gore ke tšhabela ga lona,Legawu laka le lenaka laka la go phonisa, le poleke yaka ya go tšhabela ga yona ya gore yi pasopegiyePoleke ya gore ke tšhabela ga yona, wa go mphonisa; wene wa go mphonisa ga batho ba go maka bokgohlane.
4 Ke bitsa Jehova, yene wa gore o tshwanela ke go thanakiwaFote yene o nyoko mphonisa ga manaba yaka.
5 Likgu le ndukulugiye go tshwana le meetši* ya lewatle;Ke mo ke tshosanya ke banna ba go sa re selo ba go tshwana le noka ya gore yi tlele ka matla.
6 Ke dukulugele ke dithapo tsa Lebitla;*Ho mahlong gaka ke mo go na le molabo wa likgu.
7 Nakwela ke kgahleletsegiye ke kgopele Jehova gore a n’gelepe,Ke mo ke dula ke kgopela Modimo waka gore a n’gelepe.
Ke mokane a kwa lentsu laka a le tempeleng yage,Fote o nkwile mo ke mo llela gore a n’gelepe.
8 Lefase la thomisa go tekateka le ya mahlong le nthago;Difandhiši tsa magedimo ke mo di hlagaselaFote ne di tekateka di ya mahlong le nthago ka taba la gore ba mo kwatisiye.
9 Ke mo go rotoga mmuši wo tšwa ka dinkong tsage,Ka molomong wage ke mo go tšwa mollo wa go tlabolela;Mo gage ke mo go tšwa malahla ya go fisa.
10 Yene o makiye gore magedimo ma ghobege mo a kene a thewoga,Ka mo tlase ga mawoto yage ke mo go tlemme maru ya mantsho.
11 Ke mo a kalamme lekerubi, fote o segele a phurrwa.
Ne nkare lengeloyi le mo kakodiye ka lefafela la lona.
12 Yene o makiye letente ka letshwifi, ka maru ya gore ke ya mantshoYa gore ma tlemme, ya gore o tithibiye ka wona.
13 Go yye gwa teya legadima mahlong gage ke mokane malahla ma dura.
14 Jehova a thomisa go kwagala nkare ke leduma ku legedimong;Wa ku Malenghelengheng a maka gore lentsu lage le kwagale.
15 A thunya manopa yage, a ma sabalatsa;Mo a maka gore go be le legadima, o makiye gore ba hlakahlakane.
16 Gwa bonala ku fasefase ga lewatle;Difandhiši tsa naga dya nyarela ka gore Jehova ke mo a lakatsa,Ka moya wa go ba le matšhika wo wo tšwileng dinkong tsage.
17 Yene o tikisiye ho fase a tšwa ku gedimo;A ntshwara, a nntsha meetšing ya gore maa yisa.
18 Yene o mphonisiye ga manaba yaka ya go ba le matšhika,Ga ba gore ba nhloyye, ba gore ba mphala ka matšhika.
19 Ba tlile ba nšuhlašuhla ka letšatši la mo ke tlela ke tsa go baba,Mara Jehova o nthegeletsiye.
20 Yene o n’yisiye ga poleke ya gore yi pasopegiye;O mphonisiye ka taba la gore ke mo ke mo jabodisa.
21 Jehova o nrufa go ya ka tso ke di makiyeng tsa go loka;Yene wa nrufa ka taba la gore matsogo yaka a maa sinya.
22 Ka gore ke makiye tso Jehova a di nyakang,Fote a ke ya maka tsa go befa, ka šiya Modimo waka.
23 Melawo yage ka mokana ga yona yi ho mahlong gaka;Ke nyoko dula ke maka tso di hlayang ke melawo yage.
24 Ke nyoko dula ke se na molato mahlong gage,Fote ke nyoko titshwara gore ke sa sinyi.
25 Nkare Jehova a ka nrufa go ya ka tso ke di makiyeng tsa go loka,Ka gore a ke ya sinya selo mahlong gage.
26 Wene wa tshepega ga motho wa gore wa tshepega;Motho wa gore aa na molato, o mo tshwara gabutši;
27 Ba go maka tsa gabutši le wene o ba makela tsa gabutši,Mara ba go maka bošakašakane ba ka sa go tshokanye.
28 Ka gore o phonisa bo ba gore ba tinyanafatsiye,Mara ba go ba le magetla a o kwane nabo, wa ba nyanafatsa.
29 Ka gore ke wene llampa laka, wene Jehova;Jehova ke yene a makang gore go khanye ga letshwifi lo ke leng ga lona.
30 Mo ke gelepa ke wene nka kgona go lelekisa bo ba go hlasela;Modimo a ka nneya matšhika ya go ratha lepharo.
31 Ka mokana ga tsona tso Modimo wa mannete a di makang di yenele;Tso Jehova a di hlayang di yediye.
Ke yene legawu la batho ka mokana ga bona bo ba tšhabelang gage.
32 Nje go na le Modimo ye mongwana mo go se Jehova?
Fote ke mang wa gore ke letlapa mo go se Modimo wa rune?
33 Modimo wa mannete ke poleke yaka ya go pasopega yo ke tšhabelang ga yona,O nyoko wolola pata yaka.
34 Yene o maka gore mawoto yaka ma tshwane le ya letlabo;O maka gore ke yeme dipolekeng tsa kgakala.
35 Yene o maka gore matsogo yaka ma tlwayele go lwa;Matsogo yaka ma kgona go ghoba mosefo wa gore ba wo makiye ka koporo.
36 Wene o nneya legawu lago la gore le ya phonisa,Go tinyanafatsa gago gwa n’gadimisa.
37 Wene o gudisa mo ke sepelang gona;Gore ke sa phiriketsege.
38 Ke nyoko lelekisa manaba yaka, fote ke nyoko ma bolaya;Nka sa boye ke soko fetsa ka wona.
39 Ke nyoko fetsa ka wona, ka boya ka ma šilanya gore ma sa sa tsoga;Ma nyoko wela mo mawotong yaka.
40 Wene o nyoko nneya matšhika ya gore ke thogo lwa;O nyoko maka gore manaba yaka ma we mahlong gaka.
41 Wene o nyoko maka gore manaba yaka ma tšhabe;Ke nyoko fetsa ka bo ba gore ba nhloyye.
42 Ba llela go gelepiwa, mara a go na ye a ka ba phonisang;Ba llela le Jehova, mara aa ba fetole.
43 Ke nyoko ba tula ba šala ba tshwana le lerole la lefase;Ke nyoko ba gatelanya go tshwana le leraga la ku pateng.
44 Wene o nyoko mphonisa ga batho ba geru ba gore ba fo dula ba nsolasola.
O nyoko mpasopa gore ke thogo yeta ditšhaba mahlong;Batho ba gore ke mo ke sa ba tšibi ba nyoko mperekela.
45 Batho ba go fo tšwa ba sepela ba nyoko nthinyela letolo ba tšhugiye;Tso ba di kwang ka nna di nyoko maka gore ba ntheetsele.
46 Bo ba go tšwa ba sepela ba nyoko tapega matšhika;Ba nyoko tšwa ga dipoleke tsa bona tso ne ba tšhabele ga tsona ba hlagasela.
47 Jehova wa phela! Go thanakiwe Letlapa laka!
Go gadimisiwe Modimo waka, yene wa gore ke letlapa laka la go mphonisa.
48 Modimo wa mannete o patedisa ga manaba yaka sekaleng saka;O maka gore batho ba be ka tlase gaka;
49 Yene o mphonisa ga manaba yaka.
Wene o mpeya gedimo, ga gore bo ba nyakang go nhlasela ba ka sa segelele;O mphonisa ga motho wa gore o maka tsa bokgohlane.
50 Nka taba lo ke nyoko lebogang wene Jehova ke le gare ga ditšhaba,Ke nyoko yepelela dikoša gore ke thanakise lebitso lago:
51 Yene o maka dilo tsa go makatsa gore a phonise kgoši yo a yi hlawodiyeng;Yene o mo kwela go baba ye a mo hlawodiyeng,Dafita le setlogolwane* sage o ba kwela go baba go ya go yye.”
Ditwaba
^ Kela “maphoto.”
^ Kela “Sheol,” ya gore ke lebitla la batho ka mokana ga bona. Bala ga Dihlatollo Tsa Mantsu.
^ Gabutšibutši ke “pewu.”
