Samuwele wa Bobedi 23:1-39
23 Yawa ke mantsu ya mafelelo ya Dafita:
“Lentsu la Dafita morwayi wa Jese,Lentsu la monna wa gore Modimo o mo gadimisiye,Wa gore o hlawodiye ke Modimo wa Jakobo,Wa go yepelela dikoša tsa go jabodisa tsa Israyele.
2 Jehova o n’gelepiye ka matšhika yage gore ke bolabole molayetsa wage;Lentsu lage ke mo le le mo llemeng laka.
3 Modimo wa Israyele o bolabodiye;Letlapa la Israyele le yitseri gaka:
‘Mo ye a lawolang batho a lukiye,A lawola a kene a tšhaba Modimo,
4 Go tshwana le mo go khanya ka bošego mo letšatši le hlaba,Mo bo sa go se na maru.
Go tshwana le go khanya ga mo pula yi sa tšwa go na,
Ga gore go maka gore mabyang ma hluge ho lefaseng.’
5 Anthe ba mutši waka a ba ka mokgonone mahlong ga Modimo?
Ka gore o makiye kwano ya go ya go yye le nna,Dilo ka mokana ga tsona di duli ka letheto fote di pasopegiye.
Di rela gore ke nyoko phona, ka boya ka jabola,Anthe a yi tsona tso di makang gore a make gore ba mutši waka ba phomelele?
6 Mara batho ka mokana ga bona ba go sa re selo ba nyoko ba lahla go tshwana le mehlare ya mmutlwa,Ka gore ba ka sa yi kgobaketse ka matsogo.
7 Mo motho a yi tshwara,Di nyaka a be a tshwere tshipi le phate ya lerumo,Fote di nyaka yi tšhubiwe ka mollo gana hone yi leng gona go fele ka yona.”
8 Yawa ke mabitso ya masole ya Dafita ya go ba le matšhika: Jošebhe-bhašebhethe wa Lethakhemoni, ye mogolo ga kararo (3) ya masole ya go ba le matšhika. Wa gore o yye a bolaya 800 ya batho ka sabola yage.
9 Ke mo a latela ke Eliyazara morwayi wa Dodo morwayi wa Ahohi, le yene ke ye mongwana wa masole yala kararo ya wona ya ne ma na le Dafita mo ba ye šuhlašuhla Mafilisita. Mafilisita ke mo ma kgobakanne hone gore ma thogo lwa, mo Maisrayele ma tšhaba,
10 yene aa tšhaba, o f’lo ya mahlong a bolaya Mafilisita go segela letsogo lage le tinwa, le šinya le kgwa bogašu ka taba la go tshwara sabola. Jehova o makiye gore ba hlule ka letšatši lone; batho ba mo šala nthago gore ba ye tseya dilo tsa batho bo a ba bolayyeng.
11 Ke mo a latela ke Šama morwayi wa Aghi wa Lehara. Mafilisita ma kgobakana ku Lehi, ga gore ke mo go na le tšhomo ya gore ke mo yi tlele ka dinawa; fote batho ba tšhaba ka taba la Mafilisita.
12 Mara yene a yema hone gare ga tšhomo a yi lwela, a ya mahlong a bolaya Mafilisita gore Jehova a šinye a maka gore ba hlule.
13 Kararo (13) ya banna ba bagolo ga bala 30 ya bona ba yye ga Dafita ku lekoring la Adulama ka nako ya go buna, Mafilisita ke mo ma kampiye Moyeding wa Refayime.
14 Ka nako yonone, Dafita ke mo a le ga poleke yo ba tšhabelang ga yona, fote Mafilisita ke mo ma kampiye ku Bhetlelehema.
15 Ke mokane Dafita a re: “Mo nka kraya meetši ya go tšwa sedibeng sa thina le gheyiti ya Bhetlelehema nka jabola!”
16 Masole yala kararo (3) ya wona ya go ba le matšhika ma gapeletsa go kena kampeng ya Mafilisita, ma ga meetši mone sedibeng sa gore se thina le gheyiti ya Bhetlelehema ke mokane ba ma leya ga Dafita; mara Dafita a gana go ma nwa, a ma falatsela hone fase mahlong ga Jehova.
17 O yitseri: “Taba yowa nka sa yi make Jehova! Ayitsano nka nwa madi ya banna bowa ba gore ba beyye maphelo ya bona kotsing?” Byalo a gana go ma nwa. Dilo tsowa ke tso di makiyeng ke kararo (3) ya masole yage ya go ba le matšhika.
18 Abhišayi bhuti wa Jowabho morwayi wa Zeruya ke mo go le ye mogolo ga ba bangwana kararo (3) ya bona; o bolayye 300 ya batho ka lerumo lage, le yene ke mo a tumme go tshwana le bala kararo ya bona.
19 Le mo nkare ke yene ye ne a tumme ga bowa kararo (3) ya bona fote go le ndhuna ya bona, ke mo a sa nape a tshwana le bala kararo ya bona ba mathomo.
20 Bhenaya morwayi wa Jehoyada ke mo go le monna wa go ba le lešiši, wa gore o makiye dilo tse dikgolo ku Kabhoziyele. O bolayye barwayi ka babedi (2) ba Ariyele wa go tšwa Mowaba, fote o kenne ka teng ga mokoti wa meetši ka letšatši la mo go wa kapoko, fote a bolaya tawu.
21 A bolaya le monna ye mongwana wa Leegepita wa gore ke mo go le ye mogolo ka tsela ya go sa tlwayelega. Leegepita lone ke mo le tshwere lerumo, mara yene a fo ya ga lona a tshwere thoka, a segela a kgufula lerumo lela letsogong la Leegepita lela a le bolaya ka lerumo la lona beng.
22 Bhenaya morwayi wa Jehoyada o makiye dilo tsowa, fote ke mo a tumme go tshwana le masole yala kararo (3) ya wona ya go ba le matšhika.
23 Le mo nkare ke mo a tumme go phala bala 30 ya bona, ke mo a sa nape a tshwana le bala kararo (3) ya bona. Mara Dafita o yye a mo hlawola gore go be ye mongwana wa bo ba gore baa mo pasopa.
24 Asahele bhuti wa Jowabho ke mo go le ye mongwana wa bala 30 ya bona: Elhanano morwayi wa Dodo wa go tšwa Bhetlelehema,
25 Šama wa Leharode, Elika wa Leharode,
26 Heleze wa Lepalete, Ira morwayi wa Ikeše wa Letekowa,
27 Abhiyazara wa Leanathothe, Mebhunayi wa Lehuša,
28 Zalmoni wa Leahohi, Maharayi wa Lenetofa,
29 Helebe morwayi wa Bhaana wa Lenetofa, Itayi morwayi wa Ribhayi wa go tšwa Ghibheya ya Mabhenjamini,
30 Bhenaya wa Lepirathone, Hidhayi wa go tšwa meyeding ya Ghaše,
31 Abhi-alebhoni wa Learabha, Azimavethe wa Lebhahurimi,
32 Eliyabha wa Lešalabhimo, barwayi ba Jašene, Jonathane,
33 Šama wa Lehara, Ahiyamo morwayi wa Šarara wa Lehara,
34 Elifelete morwayi wa Ahasebhayi wa Lemayakhathe, Eliyamo morwayi wa Ahithofele wa Leghilo,
35 Hezoro wa Lekharamele, Parayi wa Learabhiya,
36 Ighala morwayi wa Nathane wa go tšwa Zobha, Bhani wa Leghada,
37 Zeleke wa Leamoni, Naharayi wa Lebherothe, wa gore ke mo a tshwarela Jowabho morwayi wa Zeruya dilo tsa go lwa ka tsona,
38 Ira wa Leithiri, Gharebhe wa Leithiri,
39 le Uriya wa Lehethe—ke 37 ya bona mo ba felele.
