Esita 2:1-23
2 Mo dilo tsowa di šele di makegiye fote Kgoši Ahasuwerosi a sa sa kwatiye, o yye a gopola dilo tso Vašiti a di makiyeng le sepheto so ba se segeleleng ka yene.
2 Bo ba go berekela kgoši ba yitseri: “Di nyaka re nyakele kgoši kgareba ya go bafala.
3 Fote kgoši yi hlawole batho ga dipoleke ka mokana ga tsona tso yi lawolang ga tsona gore ba leye makgareba ya go bafala Šušani* ya gore ke poleke ya bogoši, ba ba yise ntlong ya gore go dula basadi. Ba pasope ke Heghayi wa gore ke lelata la kgoši* wa gore fote o pasopa basadi, fote mmele ya bona yi wolodiwe.
4 Kgareba yo yi jabodisang kgoši ke yona yi nyoko thibang sekgala sa Vašiti.” Kgoši yi yye ya jabodisa ke taba yowa ke mokane ya maka ka mokgonone.
5 Ke mo go na le monna ye mongwana wa Lejuda ku Šušani* ya gore ke poleke ya bogoši wa gore lebitso lage ke Morodekhayi morwayi wa Jayiri, morwayi wa Šimeyi, morwayi wa Khiši wa moloko wa Benjamini,
6 wa gore ba mo yisiye bobhantiting a tšwa Jerusalema a na le batho ba gore ba ba rakiye le Kgoši Jokoniya* wa gore Kgoši Nebhukhadhinezara wa Bhabhilona o mo yisiye bobhantiting.
7 Ke mo a pasopa Hadasa wa gore fote ke Esita morwediya wa bhuti wa papage ka taba la gore ke mo a se na papa le mmane. Kgareba yowa ke mo yi bafele ka matla, nakwela mmane wage le papage ba hlokofala Morodekhayi o mo tsere a mo maka morwediya wage.
8 Nakwela ba sabalatsa lentsu la kgoši le molawo wage, fote ba leyye makgareba ntlong ya kgoši ya gore yi hala Šušani* gore Heghayi a ba pasope, Esita le yene ba mo yisiye ntlong ya kgoši gore a pasope ke Heghayi wa gore ke mo a pasopa basadi ba gana hone.
9 Byalo, Esita ke mo a mo jabodisa ka matla, a maka gore ba wolole mmele wage fote ba mo fe tsa go ja tsa mayemo, a hlawola basadi kašupa ya bona ba go tšwa ntlong ya kgoši gore ba berekele Esita. Fote a yisa Esita le bo ne ba mmerekela ga poleke ya go hlawolega ya ntlo ya basadi.
10 Esita aa hlaya selo ka batho ba gabo kela ka mašaga yage ka taba la gore Morodekhayi o mmutsiye gore a sa botse motho.
11 Letšatši le lengwana le le lengwana Morodekhayi ke mo a ya lapeng la ntlo ya basadi gore a thogo tšiba gore Esita o tsugiye byang le gore king tso ne di mo makegela.
12 Kgareba ye nngwana le ye nngwana ke mo yi kraya nako ya go ya ga Kgoši Ahasuwerosi mara ke mo yi tshwanele yi fetse 12 ya dikgwedi ba yi wolola mmele go ya ka mokgo basadi ne ba ba wolola ka gona, ke mokgwa wo ne ba wo berekisa gore ba dule ba bafele, ke mo ba fetsa kobodi ya dikgwedi ba berekisa makgura ya mira, fote ke mo ba fetsa kobodi ye nngwana ya dikgwedi ba berekisa makgura ya Bhalsamo le makgura ya mangwana ya go maka gore ba bafale.
13 Mo ba fetsa ke mo ba šele ba tshwanelega go ya ntlong ya kgoši, fote ke mo ba ba neya selo se sengwana le se sengwana so ne ba se kgopela mo ba tloga ga ntlo ya basadi ba ya ga ya kgoši.
14 Ke mo ba ya ga kgoši ka malobana ke mokane ka bošego ke mo ba boyela ga ntlo ya bobedi ya basadi ya gore ke mo yi pasopa ke Šašaghazi wa gore ke mo go le lelata* la kgoši wa gore fote ke mo a pasopa batlabo ba kgoši. Ke mo ba boyela ga kgoši mo ba ka ba ba yi jabodisiye fote yi ba kgopele ka lebitso.
15 Byalo mo Esita morwediya wa Abhiheyili, Esita wa gore ke sesi wa Morodekhayi yela wa gore o fetsiye a mo maka gore go be morwediya wage a šele a nyoko kena ka ku ga kgoši, aa kgopela selo mara o f’lo maka dilo ka mokana ga tsona tso a di butsiyeng ke Heghayi wa gore ke lelata* la kgoši wa gore fote ke mo a pasopa basadi. (Ka dinako ka moka batho ke mo ba kwa ba kwana le Esita mo ba mmona.)
16 Esita ba mo yisiye ntlong ya Kgoši Ahasuwerosi ka kgwedi ya lesome, kgwedi yone ke mo ba re ke Thebethe fote ke mo go le mongwaga wa kašupa kgoši yone yi lawola.
17 Kgoši ya fo kwa yi kwana le Esita ka matla go feta basadi bala ka moka, fote yi yamogele yene go feta makgareba yala ka mokana ga wona. Byalo ya mo yapesa sa go kgapega mo hlogong* ke mokane ya maka gore go be yene mosadi wa kgoši, go sa sa ba Vašiti.
18 Kgoši ya maka monyanya wo mogolo yi makela barwayi ba yona le malata ya yona, ke mo go le monyanya wa Esita. Yi yye ya lokolla batho ba dipoleke tsone fote ya ba fa dilo go ya ka mokgo yi kgonang ka gona.
19 Byalo mo ba leya makgareba la bobedi, Morodekhayi ke mo a duli gheyiting ya kgoši.
20 Esita aa hlaya selo ka mašaga yage le batho ba gabo go fo ya ka mokgo Morodekhayi a mmutsiyeng ka gona; Esita o f’lo ya mahlong a maka tso Morodekhayi a di hlayyeng go fo tshwana le ka nakwela Morodekhayi a sa mo pasopa.
21 Ka matšatši yane mo Morodekhayi a sa duli gheyiting ya kgoši, Bhigithane le Thereše ba gore ke banna ka babedi ba gore ke mo ba bereka khota ya kgoši fote ba pasopa monyako ba yye ba kwata ba polana go bolaya Kgoši Ahasuwerosi.
22 Mara Morodekhayi a yi kwelela taba yowa ke mokane a yakgoswa a botsa Esita wa gore ke mosadi wa kgoši. Esita a botsa kgoši ka taba yowa a berekisa lebitso la Morodekhayi.
23 Byalo taba yowa ba yye ba yi nyakisisa ba kraya gore ke nnete, ke mokane banna bawa ka babedi ba ba fega phateng; fote taba yowa ba yi ngwadiye ga puku ya gore ke mo ba ngwala dilo tsa botala tso di makegiyeng, ba yi ngwadiye kgoši yi kene yi lebelele.
Ditwaba
^ Kela “Susa.”
^ Gabutšibutši ke “monna wa go sa belege.” Bala ga Dihlatollo Tsa Mantsu.
^ Kela “Susa.”
^ Kela “Susa.”
^ Gabutšibutši ke “monna wa go sa belege.” Bala ga Dihlatollo Tsa Mantsu.
^ Gabutšibutši ke “monna wa go sa belege.” Bala ga Dihlatollo Tsa Mantsu.
^ Yi rela gore selo sa gore magoši ya basadi ne ma tikgapega mo hlogong mo ma tikgabisa.
