Tsowa di Hlatolla ke Johane 19:1-42
19 Pilato a tseya Jeso, a re ba mo babole.
2 Masole yala ma mo makela fapo ka mmutlwa, ma yi beya ho hlogong gage, ke mokane ma mo yapesa kobo ye phepholo,
3 Fote ne ba sa lisetse go tla gage ba re: “Tama* wene Kgoši ya Majuda!” Ba mo teyanya le ka dimpamo.
4 Pilato a ya ka ku tawong fote, a re ga bona: “Ke nyoko mo leya ho ga lune gore le thogo di bona gore a ke bone molato ho gage.”
5 Jeso a tšwela ka tawong a yapere kobo ye phepholo fote ho hlogong a rwele fapo yela ya mmutlwa. Ke mokane Pilato a re ga bona: “Mmoneneng! Ke yenene!”
6 Mo dindhuna tsa maprista le ba go lawola ba mmona, ba yahlamela ba re: “A kokotediwe! A kokotediwe!” Pilato a re ga bona: “Lune mo tseyeneng le mmolaye, ka gore nna a ke bone a sinnye selo.”
7 Majuda ma re: “Re na le molawo, fote go ya ka molawo o tshwanele a bolayiwe, ka taba la gore o timakiye morwayi wa Modimo.”
8 Mo Pilato a kwa tso ba di hlayang, a napa a tšhoga ka matla,
9 a kena gaye ga yela wa go lawola fote, a re ga Jeso: “O tšwa kaye gaye?” Mara Jeso a sa mo fetole.
10 Pilato a re gage: “A o nyake go bolabola le nna? Ayitsano wa di tšiba tsa gore ke na le matšhika ya go go lokolla le ya go maka gore o bolayiwe?”
11 Jeso a fetola a re: “Nke o se na matšhika ho gaka, hala o sa ma neya ke Modimo. Nka taba lo motho ye a nleyyeng ho gago a sinnyeng ka matla.”
12 Sosone se makiye gore Pilato a nyake lešuba la go mo lokolla, mara Majuda ma fo yahlamela ma re: “Mo o ka fo lokolla morenewa, a yi wene monghana wa Kesara. Ye mongwana le ye mongwana ye a timakang kgoši, o lwa* le Kesara.”
13 Ke mokane Pilato mo a fetsa go kwa mantsu yane a leya Jeso ka tawong, yene a dula ga setulo sa go yahlula, ga poleke yo ba yi bitsang gore ke Pata ya go Batiwa ka Matlapa, mara ka Seheberu ke Gab′ba·tha.
14 Byalo, ke mo go le letšatši la go lukiselela Paseka; ke mo go le gana hala ga bo 12 ya motshegare.* Ke mokane Pilato a re ga Majuda yala: “Kgoši ya lune ke yowa!”
15 Mara ba yahlamela ba re: “Mmolayeneng! Mmolayeneng! A kokotediwe!” Pilato a re: “Ke bolaye kgoši ya lune?” Dindhuna tsa maprista dya re: “Rune kgoši ya rune ke Kesara.”
16 A mo tseya a mo yisa ga bona gore a kokotediwe phateng.
Ba mo tseya ba tloga naye.
17 Jeso a kakola phate yage ya mohlupego,* a tšwa hone a ya ga poleke yo ba yi bitsang gore ke Bokakara, ya gore ka Seheberu ba re ke Gol′go·tha.
18 Mo ba segela ba mo kokotela hala phateng ya mohlupego, ka ho mathoko gage ne ba kokotele banna ba bangwana ka babedi, Jeso a le ho magareng.
19 Pilato a re ba ngwale mantsu ba ma mamaretse mone phateng ya mohlupego.* Mantsu yane ke mo ma re: “Jeso wa Lenazareta Kgoši ya Majuda.”
20 Majuda ya go tlala ke mo ma bala mantsu yala, ka taba la gore poleke yo Jeso ba mo kokoteleng ga yona, ke mo yi le thina le Jerusalema fote ke mo ma ngwadiwwe ka Seheberu, Selathini le Segerika.
21 Dindhuna tsa maprista tsa Majuda tsa re ga Pilato: “O sa ngwale gore, ‘Kgoši ya Majuda,’ mara ngwala gore o yitseri, ‘Ke nna Kgoši ya Majuda.’”
22 Pilato a re: “So ke se ngwadiyeng, ke se ngwadiye.”
23 Byalo, mo masole yala ma šele ma kokotele Jeso hala phateng, ma tseya kobo yage ya ka tawong, ma yi tlerolanya ya tšwa ditlopo ka dine, lesole le lengwana le le lengwana la kraya setlopo ka ssoši, ba tseya le kobo yage ya ka teng. Mara ke mo yi sa rukiwa, go tlugisela gedimo go segela fase.
24 Byalo ma bolabodisana wona beng ma re: “Tla re sa yi tleroleneng, tla re lahleneng dikgakgare gore re thogo bona gore ke mang a nyoko yi tseyang.” Tsowa di makegiye gore go thogo makega tso di hlayyeng ke mangwalo tsa gore: “Ba pomelanne dikobo tsaka, ba lahla dikgakgare gore ba di tseye.” Byalo, masole yane ma fo maka ka mokgonone.
25 Mo thoko ga phate ya Jeso ya mohlupego,* ke mo go yemme mmane wage, le sesi wa mmane wage, Mariya mosadi wa Tlelopase le Mariya Magdalina.
26 Mo Jeso a bona mmane wage, a yemme thina ga lelata lela la gore ke mo a le nyaka ka matla, a re gage: “Mosadi! Morwayi wago ke yenene!”
27 Fote a re ga lelata lela: “Mmane wago ke yenene!” Lelata lela la mo tseya ka nako yonone, la mo yisa gaye.
28 Ka nthago ga mone, mo Jeso a di bona gore dilo ka mokana ga tsona di makegiye go ya ka mangwalo, a re: “Ke wonngwe.”
29 Gana hone ke mo go na le sitša se tlele ka wayini ya go galaka. Byalo, ba tseya sepontši ba se hlaba ka phate ya hisopo* ba se yenela ka ku teng ga wayini yela, ba se leya ho molomong wage.
30 Mo ba fetsa go neya Jeso wayini yela ya go galaka, a re: “Di makegiye!” A yinamisa hlogo, a napa a kgwa.
31 Ka taba la gore ke mo go le letšatši la go lukiselela Sabatha, Majuda ke mo ma sa nyake gore ditopo tsone ba di šiye ba di kokotele mone diphateng ka Sabatha, (ka taba la gore Sabatha ke mo go le letšatši le legolo), ke sona so se makiyeng gore ba kgopele Pilato gore ba ba robe mawoto, ke mokane ba ba fegolle mone diphateng.
32 Byalo, masole yala ma tla ma roba mawoto ya banna bala ka babedi, ba gore ke mo ba le ka mo mathoko ga Jeso.
33 Mo ba tla ga Jeso ba mmona gore o šele o kgwile, ba mo lisetsa.
34 Mara lesole le lengwana le mo hlabiye ho lehlokorong ka lerumo, a napa a tšwa madi le meetši.
35 Ye a di bonneng ka maahlo o di hlatsele, fote tso a di hlatselang go fo ba nnete, ka taba la gore wa di tšiba gore tso a di bolabolang ke nnete, gore lune le thogo tshepa.
36 Gabutšibutši, tso di makegiye gore go thogo makega tso mangwalo ma di hlayyeng tsa gore: “A ba mo roba le lešapo ka lloši.”
37 Fote lengwalo le lengwana la go sa tshwane nawo le re: “Bo ba mo hlabiyeng ka lerumo, ba ka sa tlose maahlo ya bona gage.”
38 Ka nthago ga dilo tsowa ka mokana ga tsona, Josefa wa Arimathiya wa gore ne a latelela Jeso ka makhukhung ka taba la go tšhaba Majuda, a kgopela Pilato gore a tseye setopo sa Jeso, Pilato a sa gane ka sona. Byalo, Josefa a tla a se tseya.
39 Nikhodimase yela wa gore o yye a ya ga Jeso go le bošego, le yene a tla a tshwere mira, a yi gahlanisiye le kgopa.*
40 Ba tseya setopo sa Jeso ba se tantetsa ka malapi ya linene ya gore ba ma tlotsiye ka tsa go nkgela, ba maka ka mokgo Majuda ne ma tlwayele go maka ka gona mo ma boloka.
41 Byalo mo ba mmolayeng gona ke mo go na le tšhomo, fote ga tšhomo yone ke mo go na le lebitla la nyuwane la gore a ba so bolokele motho ga lona.
42 Ba yye ba boloka Jeso gana mone, ka taba la gore ke mo go le letšatši la go Lukiselela monyanya wa Majuda fote lebitla lone ke mo le le thina.
Ditwaba
^ Kela “re ya go Thanaka.”
^ Kela “ganetsa.”
^ Ke gana hala ga awara ya kobodi.
^ Bala ga Dihlatollo Tsa Mantsu.
^ Bala ga Dihlatollo Tsa Mantsu.
^ Bala ga Dihlatollo Tsa Mantsu.
^ Hisopo ke lentsu la Segerika. Go ka fo ba go le mohlare wa ku Palestina, wa gore wo ka fo gola wa segela ga 1,8 ya dimitha.
^ Kela yi ka fo rela sephuthelwana, sa gore ke mo se roba gana hala ga 32,7 ya dikhiloghremo.
