Tsowa di Hlatolla ke Johane 9:1-41
9 Mo Jeso a kene a feta, o bonne monna ye mongwana wa gore o belegiwwe a sa bone.
2 Malata yage ma re gage: “Rabi, go sinnye mang ga morenewa le babelegi bage, mo a šinya a belegiwa a sa bone?”
3 Jeso a fetola a re: “A gwa sinya monna yewa kela babelegi bage, mara dilo tso di makegiye gore batho ba thogo bona tso Modimo a kgonang go di maka.
4 Di nyaka re make mebereko ya ye a nrommeng go sa le motshegare, ka taba la gore go se botala go nyoko ba bošego, motho a ka sa sa kgona go bereka.
5 Solanka ke sa le ho lefaseng, ke nna ke le khanyisang.”
6 Mo a fetsa go bolabola dilo tsowa, a tshwela mare ho fase, a maka leraga ka wona ke mokane a tlotsa maahlo ya monna yela wa go sa bone,
7 a re gage: “Ariye o ye hlapa ku ledhamong la Silowama” (ya gore mo yi hlatolliwa yi rela “Go Romela”). Ke mokane a ya a hlapa, a boya a bona.
8 Bayagelani le bo ba gore ke mo ba fela ba mmona a kgopela, ba re: “Anthe monna ye a yi yene yela wa gore ke mo a kgopela tšheleta le dilo tse dingwana ho bathong?”*
9 Ba bangwana ke mo ba re: “Ke yene.” Ba bangwana ba re: “Yene o tshwana naye mara a yi yene.” Yene a fo ya mahlong a re: “Ke nna yene.”
10 Ba mmutsisa ba re: “Byalo o popolliye ke mang?”
11 A ba fetola a re: “Monna ye ba reng ke Jeso o makiye leraga, a le tlotsa ho mahlong gaka ke mokane a re, ‘Ariye ku Silowama o hlape.’ Byalo ke yye, ka segela ka hlapa ke mokane ka thomisa go bona.”
12 Mo a reyane, ba re gage: “O kaye motho wa gona?” A re: “A ke tšibi.”
13 Ba yisa monna yela wa gore ke mo a popele maahlo ga Mafaraseyi.
14 Di f’lo makega gore Jeso o makiye leraga lela, a fetsa a bula maahlo ya monna yela ka letšatši la Sabatha.
15 Byalo Mafaraseyi ma thomisa go butsisa monna yela gore go tlile byang gore a bone. A re ga wona: “O ntlotsiye ka leraga ho mahlong, ka ya ka hlapa ke mokane ka bona.”
16 Mafaraseyi ya mangwana ma thomisa gore: “Monna yewa aa tšwe ga Modimo, ka taba la gore aa berekisi molawo wa Sabatha. Ya mangwana ma re: Ayitsano motho wa gore o maka dilo tsa go befa a ka di kgona go maka mehlolo ya go tshwana le yowa?” Byalo ma thomisa go yahlugana.
17 Mafaraseyi yala ma butsisa monna yela fote ma re: “Wene o re king ka yene ka taba la gore o go popolliye maahlo?” Monna yela a re: “Nna ke re ke moporofeta.”
18 Mara, Majuda ke mo ma sa tshepe gore monna yela ke mo a popele maahlo fote o šele a bona, go segela ma bitsa babelegi bage.
19 Ma ba butsisa ma re: “Ke yene morwayi wa lune yewa ye le reng o belegiwwe a sa bone? Byalo, go makegiye ying gore a šinye a bone?”
20 Babelegi bage ba re: “Re ya di tšiba gore yewa ke morwayi wa rune fote o belegiwwe a sa bone.
21 Mara gore go makegiye ying gore a šinye a bone, a re di tšibi; kela gore o popolliye ke mang maahlo, le tsona a re di tšibi. Butsisaneng yene. Ke ye mogolo. A tipolabolele yene mong.”
22 Babelegi bage ba bolabodiye dilo tsowa ka taba la gore ke mo ba tšhaba Majuda. Majuda ke mo ma fetsiye ka gore ye mongwana le ye mongwana ye a yamogelang Jeso go le Kreste, ba nyoko mo raka sinagogeng.
23 Ke tsona tso di makiyeng gore babelegi bage ba šinye ba re: “Ke ye mogolo. Butsisaneng yene.”
24 Monna yela wa gore ne a popele maahlo ba mmitsa fote, ba re gage: “Thanaka Modimo, ka taba la gore re ya tšiba gore monna yewa wa sinya.”
25 A fetola a re: “Tsa gore wa sinya, nna a ke di tšibi. So ke se tšibang ke gore, ke mo ke popele maahlo, mara gana byalo ke šele ke ya bona.”
26 Ke mokane ba re gage: “O go makiye ying? O ma popolliye byang maahlo yago?”
27 A ba fetola a re: “Ke šele ke le butsiye fote a le nyake go theetsela. Ke ntaba le nyaka ke le botsa fote? Kela le lune le šele le nyaka go ba malata yage?”
28 Mo a reyane, ba mo lakatsa ba re: “Ke wene lelata la monna yene, mara rune re malata ya Moše.
29 Re ya di tšiba gore Modimo o bolabodiye le Moše, mara morenewa a re tšibi gore yene o tšwa kaye.”
30 Monna yela a re: “Lune le ya mmakatsa, le re a le mo tšibi gore o tšwa kaye mara o mpopolliye maahlo.
31 Re ya di tšiba gore Modimo aa theetsele batho ba go sinya, mara ye a hlompang Modimo fote a maka tso a di nyakang, wa mo theetsela.
32 Go tlugisela ku botala, a re soko kwa ba re motho wa gore o belegiwwe a sa bone ba mo popolliye maahlo.
33 Hala monna yewa a sa tšwe ga Modimo, ne a ka sa kgone go maka selo.”
34 Ba mo fetola ba re: “Lune ka babedi le belegiwwe le le ba go sinya, mara wene o re o tšhutisa rune?” Ke mokane ba mmošela ka tawong!
35 Jeso a di kwelela gore monna yela ba mmošele ka tawong, mo a mo kraya a re: “Ayitsano wa dumela ga Morwayi wa motho?”
36 Monna yela a re: “Barena mpotse gore ke mang, gore ke thogo dumela gage?”
37 Jeso a re gage: “O mmone, gabutšibutši, ke yene ye o bolabolang naye.”
38 A re: “Morena, ke ya dumela gage.” Ke mokane a mo thinyela letolo.*
39 Ke mokane Jeso a re: “Ke tlile ho lefaseng gore dilo tso ke di makang, di make gore bo ba gore ba popele maahlo ba bone, le bo ba gore baa bona ba popele maahlo.”
40 Mafaraseyi ya mangwana ya gore ma mo kwile mo a hlaya dilo tsowa, ma re: “O ra gore le rune re popele maahlo?”
41 Jeso a re ga wona: “Hala le popele maahlo, nke le sa sinyi. Mara gana byalo le re, ‘Re ya bona.’ Le ko fo dula le sinya.”
