Kutullo ya go ya ga Johane 19:1-21
19 Ka nthago ga dilo tsone ka kwa sa nkare ke lentsu la mogoba wo mogolo wo yahlamela ku legedimong, wo re: “Go thanakiwe Jah!* Modimo wa rune wa gore o phonisa batho wa gore o na le matšhika ya magolo fote wa gadima,
2 ka taba la gore mo a yahlula o yahlula gabutši fote o lukiye. O yahludiye nghwahla ye kgolo ya gore yi sinnye lefase ka bonghwahla* bya yona. Fote o nyoko yi patedisa ka taba la malata yage ya yi ma bolayyeng.
3 Ka nako yonone ka kwa ba yahlamela la bobedi ba re: “Go thanakiwe Jah!* Ke mokane mmuši wa go tšwa Bhabhilona wo tupa go ya go yye.”
4 Ke mokane bagolo bala 24 ya bona le makerubi ka mane ba kgotama, ba rapela Modimo wa gore o duli setulong sa go lawola, ba re: “Amene! Go thanakiwe Jah!”*
5 Fote ku setulong sa go lawola gwa kwagala lentsu le re:“Thanakaneng Modimo wa rune, lune malata yage ya gore maa mo hlompa, ya go tihlupegela le ya go ghanya.”
6 Ke mokane ka kwa sa nkare ke lentsu la mogoba wo mogolo le sa nkare ke modumo wa meetši ya go tlala le modumo wa nkare ke wa maduma ya magolo di re: “Go thanakiwe Jah!* ka taba la gore Jehova Modimo wa rune wa Matšhika ka moka o thomisiye go lawola go le kgoši.
7 Byalo, tla re jaboleneng re hlakele fote re mo gadimise ka taba la gore nako ya gore Nku yi šadhe yi šele yi segele, fote mosadi ye yi nyoko go šadha naye o šele a tilukisiye.
8 Mosadi yene ba mo dumelele gore a yapare dikobo tsa go khanya, tsa go yela le tsa go tura tsa linene, ka gore linene yone yi yemela dilo tsa go loka tso ba go hlawolega ba di makiyeng.”
9 Lengeloyi lone la re gaka: “Ngwala gore: Go jabola bo ba ba memmeng ga tsa go ja tsa ka malobana tsa mošadho wa Nku,” fote la re gaka: “Tsowa ke nnete di hlaya ke Modimo.”
10 Mo le reyane ka kgotama ho mawotong ya lona ke nyaka go le rapela, mara la re gaka: “Pasopa! O sa make tsotsone! Ke fo ba lelata go tshwana nago le bobhuti wago ba gore ba tšhomayela ka Jeso. Wene rapela Modimo! Ka taba la gore mmereko wa diporofeto ke go bolabola nnete ka Jeso.”
11 Magedimo ma bulegiye ke mokane ka bona pera ye tšhwewu, ye a yi kalammeng wa tshepega fote o bolabola nnete, wa yahlula fote o lwa ntwa ya go loka.
12 Maahlo yage ma tshwana le mollo fote mo hlogong o yapere difapo tsa go tlala. Ho gage go ngwadiwwe lebitso la gore a go na ye a le tšibang, le tšiba ke yene mong.
13 Kobo yage ya ka ho tawong yi tšhediye ke madi fote lebitso lage ba re ke Lentsu la Modimo.
14 Masole ya ku legedimong ke mo ma mo šele nthago ma kalamme dipera tse ditšhwewu, ma yapere linene ya go tura, ya gore yi yediye.
15 Ke mokane ka ho ganong gage ke mo go tšwa sabola ya go lefa ya go galefa ya gore ke mo yi nyoko fetsa ka ditšhaba fote o nyoko ba disa ka thoka ya tshipi. Go tokegela gana hone, o nyoko gatela didhriva tso di leng ga poleke ya go makela wayini ya gore yi tshwanisela ka mokgo Modimo wa matšhika ka moka a kwatiyeng ka gona.
16 Ga kobo yage ya ka tawong, ho seropeng, go ngwadiwwe gore Kgoši ya magoši le Morena wa marena.
17 Ka bona lengeloyi fote le yemme letšatšing le yahlamela dinonyane tso ne di fofa sebakabakeng le re: “Tlaneneng howa, le tle le gahlane mo go jiwa tsa go ja tsa ka malobana tsa Modimo,
18 gore le thogo ja dinama tsa magoši, tsa masole, tsa banna ba digoboro, tsa dipera, tsa bo ba di kalammeng le tsa batho ka mokana ga bona ba gore ba lokologiye le mabhantiti le tsa batho ba go tihlupegela le ba go ghanya.”
19 Fote ka bona phoolwane ya hlaga, magoši ya lefase lowa ka mokana ga lona le masole ya wona ma gahlanne gore ma lwe le ye wa gore o duli gedimo ga pera le masole yage.
20 Ke mokane phoolwane ya go tshosa ya hlaga ba yi tshwara le moporofeta wa matsaka wa gore ke mo a maka mehlolo mahlong ga yona. Mehlolo yone ke mo yi fokola bo ne ba na le setwaba sa phoolwane ya go tshosa ya hlaga le bo ne ba rapela sethombhe sa yona. Ba ba lahlela ba kene ba sa phela ka ledhamong la mollo wa gore wo na le matlapa ya go dura nkare ke magala.
21 Mara ba bangwana ka mokana ga bona ba ba bolayye ka sabola ya gore yi tšwile molomong wa ye wa gore o duli gedimo ga pera. Dinonyane tsela ka mokana ga tsona ke mo di kguri ka dinama tsa bona.
Ditwaba
^ Kela “Haleluya!” “Jah” mo yi felele ke Jehova.
^ Ka Segerika ba re ke por·nei′a. Bala ga Dihlatollo Tsa Mantsu.
^ Kela “Haleluya!” “Jah” mo yi felele ke Jehova.
^ Kela “Haleluya!” “Jah” mo yi felele ke Jehova.
^ Kela “Haleluya!” “Jah” mo yi felele ke Jehova.
