Kutullo ya go ya ga Johane 4:1-11
4 Ka nthago ga mone, ka bona go bulega sekwalo ku legedimong, lentsu la mathomo lo ke le kwileng le bolabola le nna ke mo le tshwana le porompeta, le re: “Tlang howa, ke nyoko go šupetsa dilo tso di tshwaneleng gore di makege.”
2 Ka nthago ga mone ka napa ke tlala moya wa go hlawolega ka go yakgoswa, ka bona setulo sa go lawola se le polekeng ya sona ku legedimong, fote ye mongwana ke mo a duli gedimo ga sona.
3 Ye a duling gedimo ga sona ke mo a tshwana le letlapa la jaspere le letlapa la sadiyase,* fote setulo sone sa go lawola ke mo se dukulugiye ke molalatladi wa gore mo o wo lebelele ne wo tshwana le emeraldhe.
4 Setulo sone sa go lawola ke mo se dukulugiye ke 24 ya ditulo tsa go lawola fote mone ga tsona ke mo go duli 24 ya bagolo ba yapere dikobo tse ditšhwewu, fote ho dihlogong tsa bona ba yapere difapo tsa gholdi.
5 Hone ga setulo sone ke mo go tšwa legadima le mantsu le maduma, fote ke mo go na le kašupa ya malampa ma dura hone mahlong ga sona, tsotsone di yemela moya wa Modimo kašupa ya wona.
6 Mahlong ga setulo sone ke mo go na le se sengwana sa nkare ke lewatle la dlelase ya go bonabona la go gadimela.
Setulo sone ne se le gare ga diphoolwane ka dine tsa gore di na le maahlo ka ho mahlong le ka ho nthago.
7 Phoolwane ya mathomo ke mo yi tshwana le tawu, phoolwane ya bobedi ke mo yi tshwana le pholo, phoolwane ya boraro ne yi tshwana le motho mo sefahlegong fote phoolwane ya bone ke mo yi tshwana le segotšane sa go pherera.
8 Diphoolwane tsowa ka dine ke mo di na le kobodi ya mafafela ya gore ma na le maahlo ka mokana ga gona, le mong ka mo tlase ga wona. Motshegare le bošego di dulela gore: “Jehova Modimo wa Matšhika ka moka wa gore ke mo a le gona, wa gore o gona wa gore fote o se tla, o hlawolegiye ka matla.”*
9 Mo diphoolwane tsone di gadimisa ye a duling setulong sa go lawola, wa gore o phela go ya go yye, di kene di mo thanaka fote di mo leboga,
10 bagolo bowa 24 ya bona ba kgotama mahlong ga setulo sa ye wa go lawola, wa gore o phela go ya go yye. Ba yapola difapo tsa bona ke mokane ba mo rapela ba kene ba re:
11 “Di ro go tshwanela wene Jehova Modimo wa rune gore o thanakiwe, o hlompiwe le go ba le matšhika ka gore o makiye dilo ka mokana ga tsona fote ke tsowa di gona ka taba la gore go nyakiye wene.”
Ditwaba
^ Sadiyase ke letlapa le lekhubedu la gore le tseyediwa gedimo.
^ Gabutšibutši ke “o hlawolegiye, o hlawolegiye, o hlawolegiye.”
