Kutullo ya go ya ga Johane 8:1-13
8 Mo a bula konopo ya kašupa, ku legedimong gwa re tse! Gana hala ga sekopa sa awara.
2 Ke mokane ka bona kašupa ya mangeloyi ya gore ma yemme mahlong ga Modimo, fote ka bona ma neyiwa diporompeta kašupa ya tsona.
3 Gwa segela lengeloyi le lengwana la gore le tshwere sitša sa gholdi sa gore go tšhubiwa dilo tsa go nkgela ga sona, la yema aletareng, ke mokane la neyiwa tsa go nkgela tsa go tlala gore le di tšhube mo le kene le rapelela bo ba go hlawolega ka mokana ga bona mone ga aletara yone ya gholdi, ya gore ke mo yi le mahlong ga setulo sa go lawola.
4 Mmuši wa tso tsa go nkgela wa gore ne wo tšwa letsogong la lengeloyi lone ke mo wo yinuga le merapelo ya bo ba go hlawolega yi ya ga Modimo.
5 Mara lengeloyi lela la napa le tseya sitša sa dilo tsone tsa go nkgela, la tšhela mollo wo mongwana wa go tšwa aletareng ga sitša sone, la tshollwela dilo tsone mo lefaseng. Ke mokane gwa ba le maduma le legadima gwa tekateka le lefase, fote ka kwa le mantsu.
6 Ke mokane mangeloyi yala kašupa ya wona ma napa ma ro yemega gore ma teye diporompeta tsela kašupa ya tsona.
7 Lengeloyi la mathomo la teya porompeta ya lona. Mo lefaseng gwa na sefako le mollo wa go gahlana le madi, sepetlo sa lefase sa swa, le mehlare ye mengwana ya swa, fote le mabyang ka mokana ga wona ma swa.
8 Lengeloyi la bobedi la teya porompeta ya lona. Ke mokane se sengwana sa nkare ke thaba ye kgolo ya go dura mollo sa wela ka lewatleng. Ke mokane setlopo se sengwana sa lewatle sa fetoga madi.
9 Dilo tse dingwana tsa go phela tsa ka lewatleng dya kgwa fote le dikepe tse dingwana dya robegana.
10 Lengeloyi la boraro la teya porompeta ya lona, ke mokane nanedi ye kgolo ya nkare ke llampa ya wa yi tšwa legedimong, ya wela ga dinoka tse dingwana le ga didiba tsa meetši.
11 Lebitso la nanedi yone ke Lengana. Lengana lone le makiye gore meetši yane ma galake, ke mokane batho ba go tlala ba kgwa ka taba la meetši yane ka gore ke mo ma galaka.
12 Lengeloyi la bone la teya porompeta ya lona. Fote sepetlo sa letšatši, sa ngwedi le sa dinanedi tsa fifala, ke mokane sepetlo se sengwana sa letšatši le sepetlo se sengwana sa bošego ke mo di sa khanyi.
13 Ke mokane ka kwa segotšane ka boya ka se bona se fofa sebakabakeng se yahlamela se re: “Le ko tikweleng lune ba hone lefaseng, ka taba la tso di nyoko makegang mo mangeloyi yala ma šeleng ka mararo, ma le thina le go teya diporompeta tsa wona!”
