Kutullo ya go ya ga Johane 9:1-21
9 Lengeloyi la kapheta la teya porompeta ya lona. Ke mokane ka bona nanedi ya gore yi wele lefaseng yi tšwa legedimong, lengeloyi lone ba le neya sekhiya sa mokoti wa go yisa.
2 Ke mokane ya bula mokoti wone wa go yisa gwa tšwa mmuši wo yinugela gedimo go tshwana le mmuši wa mollo wo mogolo, mmuši wela wa go tšwa mola mollong wa maka gore letšatši le moya di fifale.
3 Mone ga mmuši wone gwa tšwa ditšiya dya ya lefaseng fote dya neyiwa matšhika go tshwana le ya bomangkopelane ba ho lefaseng ba nang nawo.
4 Ditšiya tsowa ba di butsiye gore di sa sinyi mabyang ya lefase dimilane kela mehlare, mara di kwaletse batho ba gore Modimo aa ba mereka mo mopong wa bona.
5 Ke mokane ba dumelele ditšiya tsone gore di kwaletse batho kapheta ya dikgwedi mara di sa ba bolaye, di ba kwaletse go tshwana le mo mangkopelane a kopela motho.
6 Ka nako yone, batho ba nyoko nyaka go kgwa mara ba ka sa go bone, fote ba ko ba ba nabela go kgwa mara ba ka sa ro kgwa.
7 Ditšiya tso mo o di lebelele di tshwana le dipera tsa gore di ya ntweng, mo dihlogong go na le sa nkare ke fapo ya gholdi, fote mo mahlong ke mo di tshwana le motho,
8 moriri wa tsona ke mo wo tshwana le moriri wa basadi. Fote meno ya tsona ke mo ma tshwana le ya ditawu,
9 tso tsa go phema tsa ho dikgubeng tsa tsona ke mo nkare ke tsa tshipi fote modumo wa mafafela ya tsona ke mo wo tshwana le modumo wa dikotšikara tsa dipera tsa go ya ntweng.
10 Fote di na le mesela ya go tshwana le ya mangkopelane wa gore wa hlaba, fote mo mesileng ya tsona di na le matšhika ya go kwaletsa batho kapheta ya dikgwedi.
11 Kgoši ya tsona ke lengeloyi la ku mokoting wa go yisa. Lebitso la lona ka Seheberu ke Abhadoni* mara lebitso la lona ka Segerika ke Apholiyoni.*
12 Motšhatšhamelo wa mathomo wo fitiye. Byalo go sa šele metšhatšhamelo ka mmedi ya gore yi sa nyoko tla ka nthago ga wowa.
13 Lengeloyi la kobodi la teya porompeta ya lona. Ka kwa lentsu le tšwa manakeng ya gholdi ya gore ke mo ma le aletareng ya gore ke mo yi le mahlong ga Modimo,
14 la re ga lengeloyi lela la kobodi la gore ke mo le tshwere porompeta: “Tlemolla mangeloyi yane ka mane ya gore ma tlemiwwe nokeng ye kgolo ya Eforate.”
15 Mangeloyi yala ka mane ya gore ke mo ma yemele awara, letšatši, kgwedi le mongwaga ba ma tlemolla ke mokane ma bolaya batho ba bangwana.
16 Ke di kwelele gore masole ya ma kalammeng dipera ke mo go le masome ka mabedi ya dikete ga lesome la dikete.*
17 Byalo dipera tso ke di bonneng mmonong le bo ne ba di kalamme ke mo di le ka mokgo: Ke mo di yapere dilo tsa go phema dikguba tsa go ba le khala ye khubedu tsa nkare ke mollo le khala ye tala ya sebakabaka le bokheri fote dihlogo tsa dipera tsone ke mo di tshwana le dihlogo tsa ditawu, ka ho ganong ke mo go tšwa mollo le mmuši le letlapa la go dura nkare ke legala.
18 Batho ba bangwana ba bolayye ke dilo tsowa ka ditharo: mollo, mmuši le letlapa la go dura nkare ke legala, tsa gore ke mo di tšwa mone molomong wa tsona.
19 Matšhika ya dipera tsowa ma molomong wa tsona le ku mesileng ya tsona, mesela ya tsona yi tshwana le dinoga fote yi na le dihlogo, di kwaletsa batho ka yona.
20 Mara bo ba gore a ba bolaya ke metšhatšhamelo yowa, a baa sokologa ga tso ne ba di maka, a ba lisetsa go rapela madimona le medimo ya dithombhe ya gholdi, ya silva, ya koporo, ya letlapa, le ya dighobolwane ya gore a yi kgone go bona fote a yi kgone go kwa le go sepela.
21 A baa sokologa ga dilo tso ne ba di maka tsa go bolaya, tsa go berekisana le madimona, tsa bonghwahla* le tsa go yetswa.
Ditwaba
^ Di rela “go pshyayanya.”
^ Di rela “go pshyayanya.”
^ Kela “20 000 mo o yi balela ga 10 000,” di rela gore 200 000 000.
^ Ka Segerika ba re por·nei′a. Bala ga Dihlatollo Tsa Mantsu.
