Tsowa di Hlatolla ke Luka 13:1-35
-
Le nyoko bolayiwa mo le sa tisole (1-5)
-
Mošupetso wa mohlare wa mago wa gore a wo yengwe (6-9)
-
Mosadi wa segole o yalafiwa ka Sabatha (10-17)
-
Mošupetso wa pewu ya mmasetete le dikomelo (18-21)
-
Di nyaka le karakare gore le thogo kena ka monyako wo monyana (22-30)
-
Heroda, “phukubye yone” (31-33)
-
Jeso o llela Jerusalema (34, 35)
13 Ka nako yonone, ke mo go na le ba bangwana ba gore ba yye ba botsa Jeso gore Pilato o yye a bolaya Magaleliya, ya gore ke mo ma kene ma neyela ka dihlabelo ke mokane a gahlanisa madi ya wona le dihlabelo tsone.
2 Jeso a re: “Nje le tseya nkare Magaleliya yawa ma kgwile ka taba la gore ke mo ma sinya ka matla go phala Magaleliya ya mangwana?
3 Awwa, ke ya le botsa; le lune le nyoko bolayiwa mo le sa tisole.
4 Kela le nagana gore batho bala 18 ya bona, ba go wela ke sewokamelo sa ku Silowama se napa se ba bolaya, ba sinnye ka matla go phala batho bo ne ba dula Jerusalema?
5 Awwa, ke ya le botsa; le lune le nyoko bolayiwa go tshwana nabo mo le sa tisole.”
6 A ba botsa mošupetso wowa, a re: “Ke mo go na le monna ye mongwana wa gore ne a gašiye mohlare wa mogo tšhomong yage ya didhriva, a ya a nyakana le diyengwa mara a sa kraye selo.
7 Monna yene a re ga bo ba go bereka ka didhriva, ‘Se go šele go fitiye mengwaga ka meraro ke nyakana le diyengwa ga mohlare wowa wa mogo, mara a ke kraye selo. Wo kupeneng! Le wo lisetsele ying wo kene wo sa yengwe?’
8 Sebereki se sengwana sa mo fetola sa re, ‘Morena, wo neye mongwaga nyana, ke nyoko yepa ka ho mathoko ke tšhele morole.
9 Mo o ka fo yengwa, go ko ba go le gabutši; mara mo wo ka sa yengwe, re ko wo kupeng.’”
10 Byalo, Jeso ke mo a tšhutisa sinagogeng se se nngwana ka letšatši la Sabatha.
11 Gana hone ke mo go na le mosadi ye mongwana wa gore o fetsiye 18 ya mengwaga a kenne ke ledimona, fote ke mo a ghobegiye a sa kgone go yema gabutši.
12 Mo Jeso a mmona, a re gage: “Wene mosadi, o yalafiwwe.”
13 Jeso a mmeya matsogo, ka nako yonone mosadi yene a wolologa, a thomisa go thanaka Modimo.
14 Mo ye a wokamelang sinagoge a bona Jeso a yalafiye motho ka Sabatha, a kwata ka matla, a re ga mogoba: “Go na le kobodi ya matšatši ya gore motho a ka maka mmereko ka wona; tlanneng ka matšatši yane gore le yalafiwe, le sa tle ka letšatši la Sabatha.”
15 Mara, Morena a mo fetola a re: “Lune ba go timakisa, ayitsano mo ga lune aa šiyo wa gore o tlemolla kgomu kela bhongolo yage ka letšatši la Sabatha fote a yi yisa gore ye nwa meetši?
16 Anthe a di mo tshwanele mosadi yewa wa gore ke setlogolo sa Abhrahama, sa gore Sathane o fetsiye 18 ya mengwaga a se hlupa, gore se yalafiwe ga tso di se hlupang ka letšatši la Sabatha?”
17 Mo a hlaya tsotsone, bala ba gore ne ba mo phigisa ba šala ba tšebiye, mara mogoba ka mokana ga wona wa thomisa go jabolela dilo tsa go bafala tso a di makiyeng.
18 Byalo, a ya mahlong a re: “Mmušo wa Modimo wo tshwana le ying, nka wo tshwanisa le ying mara?
19 Wo tshwana le pewu ya mmasetete ya gore motho o yye a yi gaša tšhomong yage, ke mokane ya gola ya ba mohlare wa gore dinonyane di segela di yaga dihlagela mo makaleng ya wona.”
20 A boya a re: “Mmušo wa Modimo nka wo tshwanisa le ying mara?
21 Wo tshwana le dikomelo tsa gore mosadi wa di tseya a di gahlanisa le masaka ka mararo ya folawa, go segela folawa ya go dubiwa ka mokana ga yona yi bila.”
22 Mo Jeso a kene a tshwere tsela ya go ya Jerusalema, ke mo a tsama a feta ho dipolekeng le dimitšaneng a tšhutisa batho.
23 Byalo monna ye mongwana a re gage: “Morena, ayitsano ke nnete gore bo ba nyoko phonisiwang a baa tlala?” Jeso a re ga bona:
24 “Karakaraneng gore le thogo kena ka monyako wo monyana, ka taba la gore ba go tlala ba nyoko nyaka go kena, mara ba nyoko šitega.
25 Mo mong wa ntlo a tsoga a kwala monyako, le nyoko yema ka mo tawong le kokota le re, ‘Morena, re bulele.’ Mara yene o nyoko re: ‘Nna a ke le tšibi.’
26 Ke mokane le nyoko re, ‘Ke mo re ja re boya re nwa o kene o re lebelele, fote wene ke mo o tšhutisa dipateng tsa rune.’
27 Mara o nyoko re ga lune, ‘A ke le tšibi. Tloganeng ho gaka ša, lune ba go maka dilo tsa go sa loka!’
28 Gana hone le nyoko gotla fote la loma le meno, le nyoko bošediwa ka tawong mo le bona Abhrahama, Isaka, Jakobo le baporofeta ka mokana ga bona ba le Mmušong wa Modimo.
29 Byalo, batho ba nyoko tla ba tšwa bohlabela le bodikela, ba bangwana ba tšwa lebowa le borwa, fote ba nyoko dula* tafoleng mo ba le Mmušong wa Modimo.
30 Go nyoko ba le ba motšobong ba gore ba nyoko ba ku mathomisong fote go na le ba mathomisong ba gore ba nyoko ba motšobong.”
31 Ka nako yonone gwa tla Mafaraseyi ya mangwana ma tla ma mmotsa gore: “Tloga howa, ka taba la gore Heroda o nyaka go go bolaya.”
32 Jeso a re: “Ariyeneng le ye botsa phukubye yone gore, ‘Ke sa raka madimona fote ke sa yalafa batho lekgono le ka motshwana, ka motsho nko ba ke fetsiye.’
33 Le mo go le ka mokgonone, ke tshwanele ke ye mahlong ka mmereko waka lekgono le ka motshwana le ka motsho, ka taba la gore moporofeta aa tshwanela* gore a bolayiwe ka tawong ga Jerusalema.
34 Jerusalema, Jerusalema, wene wa go bolaya baporofeta fote bo ba ba rommeng gago o ba pshyaya ka matlapa—ke botala ke nyaka go kgobaketsa bana bago go tshwana le mo kgokgo yi koramela ditšonyana tsa yona! Mara ke mo le sa nyake.
35 Ntlo ya lune ba nyoko le šiya nayo. Ke ya go botsa, go tlugisela gana byalo o ka sa sa mpona go segela o re: ‘Go rufegiye ye a tlang ka lebitso la Jehova!’”
