Tsowa di Hlatolla ke Luka 8:1-56
-
Basadi ba gore ba sepela le Jeso (1-3)
-
Mošupetso wa motho wa go gaša (4-8)
-
So se makiyeng gore Jeso a berekise mešupetso (9, 10)
-
Go hlatolliwa mošupetso wa motho wa go gaša (11-15)
-
Llampa la gore a baa le kogela (16-18)
-
Mmane wa Jeso le bobhuti bage (19-21)
-
Jeso o kgomoletsa sedingwane (22-25)
-
Jeso o tšhela madimona morapeng wa dikolobe (26-39)
-
Morwediya wa Jayiro; mosadi o tikisa kobo ya Jeso ya ka tawong (40-56)
8 Ka nthagonyana, Jeso a ya dipolekeng ka mokana ga tsona le dimitšaneng a kene a tšhomayela le go sabalatsa ditaba tsa go bafala tsa Mmušo wa Modimo. Ke mo a na le 12 ya mapostola,
2 ke mo go na le basadi ba bangwana ba gore Jeso ne a rakiye madimona ga bona, fote ba yalafiwwe le malwele, ne go le: Mariya ye ne ba re ke Magdalina, wa gore ba mo ntshiye madimona kašupa ya wona;
3 Jowana mosadi wa Khuza yela wa gore ke mo a lawola ntlong ya Heroda; Susana; le basadi ba bangwana ba go tlala, ba gore ke mo ba berekisa dilo tsa bona beng go ba berekela.
4 Byalo mo mogoba wo šele wo kgobakanne le bo ne ba tlile ga Jeso ba gore ba tšwa dimitšaneng, a bolabola nabo a berekisa mošupetso, a re:
5 “Motho ye mongwana o yye a gaša pewu. Mo a kene a gaša, dithoro tse dingwana dya wela ka thoko ga pata, batho ba di gatela ke mokane dya tla dya ja ke dinonyane.
6 Tse dingwana dya wela matlapeng, mo di fetsa go mela, dya puna ka taba la gore ke mo di sa kraye meetši.
7 Tse dingwana dya wela mmutlweng, ke mokane mmutlwa wone wa gola wa di yilametsa.
8 Mara tse dingwana dya wela mobung wa go nona fote mo di thomisa go gola, dya yengwa ga 100.” Mo a kene a hlaya tsotsone, a tokegela ka gore: “Ye a nang le ditsebe tsa go theetsela, a theetsele.”
9 Mara malata yage ma mmutsisa gore mošupetso wowa wo ra gore king.
10 A re: “Lune le kwisisa diphiri tsa go hlawolega tsa Mmušo wa Modimo, mara bo ba bangwana ba fo kwa ka mešupetso, ka taba la gore ba ka fo lebelela mara ba sa bone, fote le mo ba kwa, ba ka sa kwisisi le ka gonyana.
11 Byalo, tla ke le hlatolleleneng mošupetso wowa: Pewu yi rela lentsu la Modimo.
12 Yo yi weleng thoko ga tsela yi rela batho bo ba kwileng lentsu, mara Diyabolo a tla a kgufula lentsu lone ka ho dipelong tsa bona gore ba sa dumele fote ba sa phonisiwi.
13 Yowa ya gore yi wele matlapeng, yi tshwana le batho ba go kwa lentsu lowa, ba le yamogela ba jabodiye, mara la sa tsiki dipelong tsa bona. Ba dumela ka nako yonone, mara mo go nyarela tsa go ba phiriketsa, di maka gore ba sa sa le tshepa.
14 Go na le ba bangwana ba gore ba tshwana le pewu yela ya go wela mmutlweng. Bobone ke ba gore ba kwile lentsu la Modimo, mara ba sa yengwe ka taba la gore batho bowa ba šekedisa ke dilo tsa lefase lowa le go nyaka go ghanya, fote go nabela dilo ka mokana ga tsona tsa lefase lowa di napa di phiphetsa lentsu lela.
15 Ya go wela mobung wa go nona yi tshwana le batho ba go ba le dipelo tsa gabutši, ba go kwa lentsu la Modimo ba le kwisisa, ke mokane ba yengwa diyengwa ba kene ba tiyisela tso di ba phiriketsang.
16 “Aa šiyo ye a tšhubang llampa a le kogela ka sitša kela a le beya ka fase ga mpeto, mara o le beya gedimo ga sa go beya llampa gore le thogo khanyisela batho bo ba kenang.
17 Ka taba la gore selo sa gore ba se khurumetsiye ba nyoko se khurumulla, fote a se šiyo selo sa gore se wutamme so batho ba ka sa fetseng ba se tšibiye.
18 Byalo, di nyaka le theetseleneng gabutši, ye a nang le se sengwana ba nyoko mo yeketsela ga so a nang naso, mara wa gore aa na selo ba nyoko mo yamoga le so a naganang gore o naso.”
19 Mmane wage le bobhuti wage ba tla, mara ke mo ba sa kgone go mo šutelela ka taba la mogoba wo ne wo mo kgobakanele.
20 Ye mongwana a re gage: “Mmane wago le bobhuti wago ba yemme ka hala tawong, ba nyaka go go bona.”
21 Mo a fetola a re: “Mmane waka le bobhuti baka ke bowa ba gore ba theetsela lentsu la Modimo, ke mokane ba maka tso le di hlayang.”
22 Ka letšatši le lengwana, Jeso le malata yage ba yye ba kalama sekepe, a re ga wona: “Koriyeneng ka ku mosekola.” Ba ya.
23 Mo ba kene ba sepela ka sekepe, Jeso a yetsela. Gwa thomisa go tšutla moya mone lewatleng, sekepe sa bona sa kena ke meetši sa thomisa go sobelela.
24 Byalo ba ya ba mo tsosa ba re: “Thitšere, Thitšere, re nyoko kgwa!” Jeso a tsoga, a lakatsa moya wola le lewatle lela, gwa beba, gwa šala go yitseri tsee.
25 Jeso a re ga bona: “Ke ntaba le sa dumele?” Ba thomisa go tšhoga fote ba makala, ba bolabodisana bona beng ba re: “Anthe ke mang yenewa? Le mong moya le meetši di ya mo theetsela.”
26 Ba segela ka nthoko ye nngwana ya lewatle la poleke yo ba reng ke Gherasinese, ya gore yi thoko ga Galeliya.
27 Mo Jeso a fetsa go phologa sekepe, a gahlana le monna ye mongwana ga poleke yone wa gore o kenne ke ledimona. O fetsiye nako ya go lefa a sa tšwara, fote ke mo a sa duli ntlong mara a dula mabitleng.*
28 Mo a bona Jeso, a thomisa go gotla a wela thina gage, a yahlamela, a re: “O nyaka ying howa wene Jeso, Morwayi wa Modimo wa ku Malenghelengheng? Ke ya go kgopela, o sa nape o fetsa ka nna.”
29 (Monna yene o hlayye tsotsone ka taba la gore Jeso ke mo a botsa ledimona lo ke mo le le mo gage gore le tšwe. Ga go tlala ke mo le mo lawola,* mo ba mo tlemelele ka diketane le go mo pasopa, ke mo a thasolanya diketane tsone ke mokane ledimona lone ke mo le mo yisa ga dipoleke tsa gore di thoko.)
30 Jeso a re: “Ke wene mang?” Monna yene a re: “Lebitso laka ke nna Sekwata,” ka taba la gore ke mo a kenne ke madimona ya go tlala.
31 Madimona yala ma mo kgopela gore a sa ma lahlele mokoting.*
32 Byalo, morape wa dikolobe ke mo wo kgula hala thabeng, madimona ma thomisa go mo kgopela gore ma kene hala morapeng wa dikolobe, a ma dumelela.
33 Madimona yala ma tšwa ma kena ga dikolobe tsela ka mokana ga tsona, dya fekemela ka lewopeng, dya napa dya kgwela ka ku ledhamong.
34 Mara mo bo ne ba disa dikolobe tsone ba bona tsotsone, ba tšhaba ba boyela dimitšaneng ba segela ba hlaya tso ba di bonneng.
35 Batho ba tla ba tl’le bona tso di makegiyeng. Ba tla ga Jeso, ba kraya motho yela wa gore ke mo a na le madimona, a yapere gabutši, le mo hlogong di tseya fote a duli mawotong ya Jeso, batho bala ba thomisa go tšhoga.
36 Bo ba di bonneng ba ba hlayisele, gore motho yela wa go kena ke madimona o yalafiwwe byang.
37 Batho ba go tlala ba go tšwa dipolekeng tsa thoko ga Gherasinese ba thomisa go kgopela Jeso gore a tloge mone ga poleke ya bona ka taba la gore ke mo ba tšhugiye ka matla. Jeso a tloga a ya ka mosekola wo mongwana.
38 Monna yela wa gore ne a kenne ke madimona a kgopela go sepela naye, mara Jeso a mo jikisa a re:
39 “Ariye gaye, o ye o ba hlayisele tso Modimo a go makeleng tsona.” Monna yela a tloga a ya a sabalatsa tso Jeso a mo makeleng tsona ga poleke yone ka mokana ga yona.
40 Mo Jeso a boya, mogoba wo yye wa mo yamogela ka matsogo ka mabedi ka taba la gore ke mo wo mo yemele.
41 Gwa nyarela wa go lawola sinagogeng, ye ba reng ke Jayiro. A kgotamela Jeso a thomisa go mo kgopela gore a tle ntlong gage,
42 ka taba la gore morwediya wage* wa go ba le 12 ya mengwaga ke mo a le thina le go kgwa.
Mo Jeso a kene a ya gana hone, mogoba ke mo wo kene wo mo pitegetsa.
43 Byalo ke mo go na le mosadi ye mongwana wa gore o fetsiye 12 ya mengwaga a hlupa ke bolwele bya go fo ya nakong a sa fetsi, mara ke mo go se na motho ye a kgonang go mo yalafa.
44 A tla ka nthago ga Jeso ke mokane a segela a tikisa matšhembhutšhembhu ya kobo yage ya ka tawong, a napa a fola ka nako yonone.
45 Byalo Jeso a re: “Ke tikisiye ke mang?” Mo ba kene ba sa phiga, Petro a re: “Thitšere, mogoba wowa wo go kgobakanele, fote wa go pitegetsa.”
46 Mara Jeso a re: “Go na le motho ye a ntikisiyeng, ka taba la gore ke ya di kwa gore go tšwile matšhika ho gaka.”
47 Byalo, ka gore mosadi yela ke mo a di tšiba tsa gore go makegiye ying, ke mo a tšhugiye fote a hlagasela, a segela a mo kgotamela, a hlaya mahlong ga batho ka mokana ga bona gore ke ntaba a mo tikisiye le gore o napiye a fola ka nako yonone.
48 Jeso a re gage: “Morwediya, tumelo yago yi go yalafiye. Ariye gabutši.”
49 Mo a sa bolabola, gwa tla monna wa go tšwa gaye ga yewa wa go lawola sinagogeng a re: “Morwediya wago o hlokofele! O sa sa mo hlupa ga Thitšere.”
50 Mara mo Jeso a mo kwa, a re ga Jayiro: “O sa tšhoge, o fo ba le tumelo, morwediya wago o nyoko tsoga.”
51 Mo Jeso a segela hala ntlong ke mo a sa nyake go latelela ke motho mo go se Petro, Johane, Jakobo le babelegi ba ngwana yela.
52 Mara batho ke mo ba lla ba kene ba kwa go baba. Jeso a re: “Lisetsaneng go lla, ka taba la gore ngwannyana yewa aa kgwa, o yetsele.”
53 Mo a reyane, ba thomisa go mo tshega ka go mo tewula ka taba la gore ke mo ba di tšiba gore o kgwile.
54 Mara Jeso a tshwara letsogo la ngwannyana yela a re gage: “Ngwannyana, tsoga!”
55 A napa a tsoga a phela fote, ke mokane Jeso a re ba neye ngwannyana yene tsa go ja.
56 Le babelegi ba ngwanene ne ba le gana hone, mara Jeso a re ba sa botse motho ka taba yo yi makegiyeng.
Ditwaba
^ Kela “dilahlong.”
^ Di ka fo rela gore “Le fetsiye mengwaga ya go lefa le mo hlorisa.”
^ Bala ga Dihlatollo Tsa Mantsu.
^ Gabutšibutši ke “wa mathomo le wa mafelelo.”
