Tsowa di Hlatolla ke Luka 9:1-62
-
Mapostola 12 ya wona ma tšhutisiwa ka mokgo ma tshwaneleng go tšhomayela ka gona (1-6)
-
Heroda o makatsa ke Jeso (7-9)
-
Jeso o yenetsa 5 000 ya batho ka tsa go ja (10-17)
-
Petro o lemoga Kreste (18-20)
-
Seporofeto sa likgu la Jeso (21, 22)
-
Go ba malata ya mannete (23-27)
-
Jeso wa tšhentšha (28-36)
-
Mošomanyana wa go kena ke ledimona wa yalafiwa (37-43a)
-
Seporofeto sa likgu la Jeso se ya bolabodiwa fote (43b-45)
-
Malata ma phigisana ka gore ke mang ye mogolo (46-48)
-
Ye a sa phigisaneng le rune, o yema le rune (49, 50)
-
Jeso baa mo phiga mutšing wa Samariya (51-56)
-
Ka mokgo re ka latelelang Jeso (57-62)
9 Jeso a bitsa malata yage 12 ya wona ke mokane a ma neya matšhika ya go raka madimona, le gore ma yalafe malwele ya mehlobohlobo.
2 A ma roma gore ma tšhomayele ka Mmušo wa Modimo le go yalafa batho,
3 a re ga wona: “Mo le sepela le sa rwale selo, le mo go ka fo ba lepara, sekhwama sa tsa go ja, sekgwa, tšheleta;* kela dikobo ka dipedi.*
4 Mara mo le kena mutšing, le duleneng gana hone go segela le tloga.
5 Byalo, go gongwana le go gongwana mo batho ba sa le yamogeleng, le tirothotheneng mawoto mo le tšwa ga poleke yone, go šupetsa gore le ba pasopisiye.”
6 Ba ya hala dimitšaneng, ba thomisa go sepela ba tšhomayela ditaba tsa go bafala le go yalafa batho ba go lwala.
7 Kgoši Heroda,* wa gore ke mo a lawola ga poleke yone,* o yye a kwelela ka dilo tso di makegang, a makala ka matla ka taba la gore ba bangwana ke mo ba re Johane o tsusiwwe mabitleng,
8 mara ba bangwana ke mo ba re go nyarele Eliya, fote ba bangwana ba re ke ye mongwana wa baporofeta ba botala ba gore ba tsusiwwe.
9 Heroda a re: “Johane ke mo kupiye hlogo. Byalo ke mang yewa ke kwang go bolabodiwa ka yene?” A thomisa go nyakana naye gore a thogo mmona.
10 Mapostola ma tla ga Jeso ma mmotsa tso ma di makiyeng. Mo a fetsa go kwa tsotsone, a tloga nabo ba ya ga poleke yo ba reng ke Bhethsayida gore ba thogo ba ntoši.
11 Mara mo mogoba wo kwa tsotsone wa mo latelela. A wo yamogela ka matsogo ka mabedi, a thomisa go bolabola nawo ka mmušo wa Modimo, le go yalafa bo ba go tilwalela.
12 Byalo mo le šele le kgwalala, mapostola yage 12 ya wona ma tla gage ma re: “Botsa batho bowa ba sepele, gore ba thogo ya ku dimitšaneng le ga dipoleke tse dingwana, ba ye tikrayela tsa go ja le ga go yetsela, ka taba la gore poleke yowa re leng ga yona yi thoko ka matla.”
13 Jeso a re: “Lune ba neyeneng tsa go ja.” Ma re gage: “A re na selo mo go se malofo kapheta ya wona le dihlapi ka dipedi, aritši kela ho rune re ka ya ra ba rekela.”
14 Bo ne ba le hone ke mo go le 5 000 ya banna. Jeso a botsa malata yage a re: “Makaneng gore batho bowa ba dule ka megoba ya go ba le 50 ya batho.”
15 Ba maka ka mokgonone, ye mongwana le ye mongwana a dula fase.
16 Byalo, a tseya malofo yala kapheta ya wona le dihlapi ka dipedi, a lebelela legedimong a rapela. Mo a šele a ngathetselannye malofo yala, a ma neya malata yage gore ma neye mogoba.
17 Mogoba wola ka mokana ga wona wa ja wa kgora, malata ya Jeso ma tsama ma kotela dingatha tso di šeleng, gwa tlala 12 ya memantši.
18 Ka nthago, mo a le ntoši a rapela, malata yage ma tla gage ke mokane a ma butsisa a re: “Batho ba re ke nna mang?”
19 Ma re gage: “Ba re ke wene Johane wa go Kolobetsa, mara ba bangwana ba re ke wene Eliya, fote ba bangwana ba re ke wene ye mongwana wa baporofeta ba botala bo ba tsusiwweng.”
20 A butsisa bona a re: “Lune gee, le re ke nna mang?” Petro a mo fetola a re: “Ke wene Kreste wa gore o romme ke Modimo.”
21 A ba botsa a tiyisiye ganong gore ba sa botse motho ka taba yone,
22 mara a re: “Morwayi wa motho o tshwanele a hlupegisiwe, a phigise ke banna ba Majuda ba gore batho ba ba tseya nkare ba butšwiye, dindhuna tsa maprista le bomabhalane fote a bolayiwe, a boye a tsusiwe ka letšatši la boraro.”
23 Ke mokane a ya mahlong a re: “Ye a nyakang go nšala nthago a tineyele, a rwale phate yage ya mohlupego* fote a sa lisetse go nšala nthago.
24 Ka gore ye a nyakang go phonisa lephelo lage o nyoko le loba, mara ye a lobang lephelo lage ka taba laka o nyoko le phonisa.
25 Di thuša ka ying gore motho a be le dilo tsa lefase lowa, mara a lobe lephelo lage?
26 Mo nkare go na le wa gore ke ya mo tšebisa kela wa gore o tšebisa ke tso ke di bolabolang, le Morwayi wa motho o nyoko tšebisa ke go mmitsa lelata lage mo a tla a na le mangeloyi yage ya go hlawolega fote a na le matšhika ya go lawola ya gore o ma neyye ke Papage.
27 Nnete ke ya le botsa, ba bangwana bo ba yemmeng ho gare ga lune ba ka sa kgwe, go segela ba bona Mmušo wa Modimo wo lawola.”
28 Ka nthago ga kobodi ya matšatši, Jeso a tseya Petro, Jakobo le Johane a ya nabo thabeng ya go lefa gore ba ye rapeleng.
29 Mo a kene a rapela, a thomisa go tšhentšha ho mahlong, fote dikobo tsage dya khanya go tshwana le llampa.
30 Gwa nyarela banna ka babedi ba bolabola naye, ke mo go le Moše le Eliya.
31 Le bona ba nyarela ba gadima, ke mokane ba thomisa go bolabola ka tso di nyoko makegelang Jeso ku Jerusalema le ka mokgo a nyoko tlogang ka gona.
32 Byalo, Petro le bo ne ba le naye ke mo ba kobola, mara mo ba re phaphara, ba bona a gadima fote a yemme le banna ka babedi.
33 Mo banna bowa ka babedi ba šele ba le thina le go šiya Jeso, Petro a re gage: “Thitšere, di gabutši gore re be howa. Re lisetse re hlome matente ka mararo, ka lloši go be lago, ka lloši go be la Moše le lengwana go be la Eliya.” Petro ke mo a sa kwe tso a di bolabolang.
34 Mara mo a sa bolabola, gwa nyarela liru la ba kogetsa, ba tšhoga ka matla.
35 Ke mokane gwa kwagala lentsu le tšwa lirung la re: “Yewa ke Morwayi waka ye a hlawodiwweng. Le mo theetseleneng.”
36 Mo ba kwa lentsu lone, ba bona Jeso a le ntoši. Mara a sanka ba botsa motho ka tso ba di bonneng ka matšatši yane.
37 Ka motshwana wa gona mo ba thewoga ku thabeng, o yye a gahlanetsa ke mogoba wa batho.
38 Ke mokane monna ye mongwana a yahlamela a le gare ga mogoba wone a re: “Thitšere barena, ke ya go kgopela, gelepa* morwayi waka, go fo ba yene a ntoši.
39 O tsoga ke ledimona, mo le šele le mo tsugiye le ya mo tšukatšukisa, a thomisa go lla ke mokane la mo lahlela ho fase a tšwa diphušane ka ho ganong, le mo le šele le mo kwaletsiye le fo ganelela.
40 Ke kgopele malata yago gore ma le rake, mara ma šitegiye.”
41 Ke mokane Jeso a re: “Lune moloko wa go se na tumelo le wa go sa tshepege, ke nyoko fo dula ke na le lune le go le tiyisela go segela leng? Leya morwayi wago ho gaka.”
42 Mo Jeso a kene a šutela, ledimona lela la napa le wisela mošomanyana yela fase. Mara Jeso a le lakatsa ke mokane a mo yalafa, mo a fetsa, a mo yisa ga papage.
43 Batho bo ne ba le hone ba šala ba makatsiye ke matšhika ya Modimo.
Mo ba sa makele ka mokgononeng, Jeso a re ga malata yage:
44 “Le theetseleneng gabutši fote le sa ro lebala gore Morwayi wa Motho ba nyoko mo rekisa.”
45 Mara ne ba sa kwisisi tso a di bolabolang. Gabutšibutši ke mo di ba wutamele gore ba sa di tshware, fote ke mo ba tšhaba go mmutsisa ka tsona.
46 Ba thomisa go phigisana ka gore ke mang ye mogolo ho gare ga bona.
47 Ka taba la gore Jeso ke mo a tšiba tso ba di naganang, o yye a tseya sengwananyana a se yemisa ho thina gage,
48 a re ga bona: “Ye mongwana le ye mongwana ye a yamogelang sengwananyana sowa ka taba la lebitso laka o yamogela le nna, le ye a yamogelang nna o yamogela le Ye a nrommeng. Ka taba la gore ye a timakang ye monyana ho ga lune ke yene ye mogolo.”
49 Mo Johane a fetola a re: “Thitšere, re bonne ye mongwana a raka madimona a berekisa lebitso lago, fote re liketsiye go mo thibelela ka taba la gore aa sepele le rune.”
50 Mara Jeso a re gage: “Le sa liketse go mo thibelela, ka taba la gore ye mongwana le ye mongwana wa gore aa le phigisi, o yema le lune.”
51 Mo nako ya gore Jeso a ye legedimong yi šele yi šutele, ke mo a sa nyake selo se mo thibelela gore a ye Jerusalema.
52 Byalo a roma batho gore ba mo yete mahlong. Ba ya ba kena ga dimitšane tsa Masamariya gore ba mo lukiselele ga go yetsela.
53 Mara ba sa mo yamogele ka taba la gore yene ke mo a re o ya Jerusalema.
54 Mo Jakobo le Johane ba bona tsotsone ba re gage: “Morena, o nyaka re bitse mollo wa go tšwa legedimong gore wo tle wo ba gagare ka mokana ga bona?”
55 A sokologa a ba lakatsa.
56 Byalo, ba ya ga dimitšane tse dingwana.
57 Mo ba kene ba sepela mone pateng, ye mongwana a re gage: “Ke nyoko go latelela go gongwana le go gongwana mo o yang.”
58 Mara Jeso a re gage: “Diphukubye di na le mekoti fote dinonyane di na le dihlagela, mara Morwayi wa motho aa na ga go beya hlogo.”
59 Ke mokane a re ga ye mongwana: “Nšale nthago.” Monna yene a re: “Morena, yema ke thomise ka go ye boloka papa.”
60 Mara a re gage: “Lisetsa ba go kgwa ba bolokane, wene ariye o ye tšhomayela ka Mmušo wa Modimo lefaseng ka mokana ga lona.”
61 Ke mokane ye mongwana a fetola a re: “ Ke nyoko go latelela Morena, mara yema ke ye botsa ba ku gaye gore ba šale gabutši.”
62 Jeso a re gage: “Motho wa gore mo a lima wa sokologa a lebelela dilo tsa ku nthago, aa tshwanele ke Mmušo wa Modimo.”
Ditwaba
^ Gabutšibutši ke “silva.”
^ Kela “kobo ye nngwana.”
^ Ke Heroda Antipase. Bala ga Dihlatollo Tsa Mantsu.
^ Gabutšibutši ke “tetraka.”
^ Bala ga Dihlatollo Tsa Mantsu.
^ Gabutšibutši ke “lebelela.”
