Tsowa di Hlatolla ke Mareka 11:1-33
11 Mo ba šele ba nyoko kena Jerusalema, ba segela Bhethepage le Bhethani ku Thabeng ya Diolivi, Jeso o yye a roma malata yage ka mabedi
2 a re ga wona: “Ariyeneng ku ga dimitšane tsela, mo le segela le ko kraya sebhongholwane sa gore a se soko kalamiwa ba se tlemelele. Le se tlemolleneng ke mokane le se leyeneng ho gaka.
3 Mo ye mongwana a ka fo le butsisa gore ke ntaba le maka sone, le mmotse gore, ‘Se nyaka ke Morena fote o nyoko se busetsa mo a fetsiye ka sona.’”
4 Byalo malata yane ma ya, ma kraya sebongholwane sela ba se tlemelele monyako wa ntlo ya gore yi thina le pata, ma se tlemolla.
5 Mara bo ne ba yemme hone ba re ga bona: “Le maka ying, ke ntaba le tlemolla sebhongholwane sone?”
6 Ma ba botsa tso Jeso a ma butsiyeng tsona, ke mokane batho bala ba ma lisetsa.
7 Malata yala ma tla le sebhongholwane sela, ma beya dikobo tsa wona tsa ka tawong gedimo ga sona, Jeso a se kalama.
8 Ba go tlala ba yye ba yatlala dikobo tsa bona mo pateng, mara ba bangwana ba kga mphogo hala mošohlong.
9 batho bo ne ba mo yetiye mahlong, le bo ne ba mo šele nthago ke mo ba yahlamela ba re: “Mo phonise barena, re ya go rapela! Go rufegiye ye a tlang ka lebitso la Jehova!
10 Mmušo wa papa wa rune Dafita wo wo nyoko tlang, wo rufegiye! Mo phonise barena, re ya go rapela, wene wa ku malenghelengheng!”
11 Byalo mo a kena Jerusalema o yye a kena ka tempeleng, a lebelela mathoko ka moka, mara ka taba la gore ke mo go šele go le bošego, a tšwa a ya Bethani le bala 12 ya bona.
12 Ka motshwana wa gona ka bošego mo a boyela Jerusalema, o yye a tshwara ke tlala.
13 Mo a sa le ku kgole, a bona mohlare wa mogo wa go ba le matlakala, a šutela thina nawo a nyaka go bona gore a ka kraya ying. Mara mo a segela a fo kraya wo se na selo go fo ba matlakala ka taba la gore ke mo go soko ba nako ya mago.
14 A re ga mohlare wola: “Go sa sa ba le motho ye a jang diyengwa tsago.” Malata yage ne ma kene ma mo theetsele.
15 Ba ya Jerusalema. Gana hone Jeso a kena tempeleng, a raka bo ne ba rekisa le bo ke mo ba reka mone tempeleng, fote a phendulanya le ditafola tsa bo ne ba tšhentšha tšheleta le dipanka tsa bo ne ba rekisa maliba,
16 fote Jeso ke mo a sa nyake motho a tshwara selo mo a kena ka hala tempeleng.
17 Ke mo a ba tšhutisa, a re: “Anthe a gwa ngwadiwa gore, ‘Ntlo yaka go nyoko ba ntlo ya gore batho ba ditšhaba ka moka ba rapela ga yona’? Mara lune le yi makiye ntlo ya ditsotsi.”
18 Dindhuna tsa maprista le bomabhalane ba di kwile mo a bolabola, ba thomisa go polana gore ba nyoko mmolaya byang, ka taba la gore ke mo ba mo tšhaba ka gore mogoba ke mo wo makatsa ke tso a di tšhutisang.
19 Mo go šele go ba bošego, ba tloga hone ga poleke yone.
20 Mara mo ba feta go sa le ka bošego, ba bona mohlare wola wa mogo wo šele wo punne go segela midung.
21 Petro a gopola tso di makegiyeng, a re ga Jeso: “Rabi, bona! Mohlare wola o wo rogeleleng wo punne.”
22 Jeso a re ga bona: “Banneng le tumelo ga Modimo.
23 Ka nnete ke ya le botsa, ye a ka botsang thaba yowa fote a sa kamake a re, ‘Tloga mo o ye kena ku lewatleng,’ solanka a na le tumelo ya gore di nyoko makega, di nyoko makega.
24 Nka taba lo ke reng ga lune, dilo ka mokana ga tsona tso le di kgopelang, le be le tumelo ya gore le šele le di krayye, fote le nyoko di kraya.
25 Mo le rapela, le tshwareleneng bo ba le sinyeleng, gore le Papa wa lune wa ku magedimong a le tshwarele ga tso le di sinnyeng.”
26 ——
27 Ba boyela Jerusalema fote. Mo Jeso a kena ka lapeng la tempele, dindhuna tsa maprista, bomabhalane le banna ba gore batho ba ba tseya nkare ba butšwiye ba tla ga Jeso.
28 Ba re gage: “Anthe wene o ma kraya kaye matšhika ya go maka dilo tsowa? O ma neyye ke mang matšhika yawa?”
29 Mo Jeso a ba fetola, a re ga bona: “Le nna ke nyoko le butsisa selo ka ssoši. Mo le ka mfetola, le nna nko le botsa gore ke neyye ke mang matšhika ya go maka dilo tsowa.
30 Kolobetso ya Johane ke mo yi tšwa ga Modimo* kela ga batho? Mfetoleneng.”
31 Ba thomisa go bolabola ba le ntoši ba re: “Mo re ka re ‘Yi tšwa ga Modimo,’ o nyoko re butsisa gore, ‘Byalo ke ntaba le sa dumela gage?’
32 A re tšibi gore mogoba wo nyoko re maka ying mo re ka fo re, ‘Johane o romme ke batho,’” ka taba la gore mogoba wone o tseya Johane go le moporofeta.
33 Byalo ba fetola Jeso ba re: “A re tšibi.” Jeso a re ga bona: “Le nna nka sa le botse gore dilo tsowa ke di maka ka matšhika ya mang.”
Ditwaba
^ Gabutšibutši ke “legedimong.”
