Tsowa di Hlatolla ke Mareka 13:1-37
13 Byalo mo Jeso a tšwa tempeleng, lelata lage le lengwana la re: “Thitšere, bona moyago wola le matlapa yala gore di bafele byang!”
2 Mo Jeso a mo fetola a re: “Wa yi bona meyago yowa ye megolo? A go na letlapa lo ba nyoko le lisetsang le le gedimo ga le lengwana ba sa le bošela fase.”
3 Mo a kene a duli hala Thabeng ya Diolivi a lebelele ku tempeleng, Petro, Jakobo, Johane le Andreya ba mmutsisa ba le ka makhukhung ba re:
4 “Re botse gore dilo tsowa di nyoko makega leng, fote re nyoko bona ka ying gore go šele go le dinako tsa mafelelo?”
5 Byalo Jeso a thomisa go ba botsa, a re: “Le pasopeneng ba sa le tshokanye.
6 Ba go tlala ba nyoko tla ka lebitso laka, ba re, ‘Ke nna Kreste,’ fote ba nyoko tshokanya ba go tlala.
7 Byalo mo le kwa ka dintwa, fote ba le botsa ka tsona, le sa tšhogeneng ka taba la gore dilo tsowa di tshwanele di makege, mara a go soko ba mafelelo ya lefase.
8 “Setšhaba se nyoko lwa le setšhaba se sengwana, le mmušo wo nyoko lwa le mmušo wo mongwana, lefase le nyoko tekateka ga dipoleke tsa go tlala le tsa go ja di nyoko gayela. Dilo tso ka mokana ga tsona ke go thomisa ga dinako tsa go baba ka matla.
9 “Lune le tipasopeneng. Batho ba nyoko le yisa dikhota, ba nyoko le teya disinagogeng, ba le maka gore le yeme mahlong ga ba go lawola le mahlong ga magoši ka taba laka, gore go be bohlatse ga bona.
10 Mara sa mathomo go nyoko sabalatsiwa ditaba tso tsa go bafala ga ditšhaba ka mokana ga tsona.
11 Fote mo ba le yisa gana hone khota, le sa šekedisi ke gore le ye segela le re king, ka taba la gore tso le nyoko di bolabolang le ko di tšiba ka nako yonone, ka gore a yi lune le nyoko bolabolang, go nyoko ba go bolabola moya wa go hlawolega.
12 Go tokegela gana hone, motho o nyoko jikela ngwana gabo gore ba mmolaye, papa a jikele ngwanage, fote bana ba nyoko jikela babelegi ba bona ba fetse ba maka gore ba bolayiwe.
13 Fote batho ka mokana ga bona ba nyoko le hloya ka taba la lebitso laka. Mara ye a tiyiselang* go segela mafelelong o nyoko phonisiwa.
14 “Mo le bona dilo tsa go silikisa tsa gore di sinya dilo ka mokana ga tsona di le mo di sa tshwanelang go ba gona (ye a balang a berekise monagano), bo ba leng Judiya ba thomise go tšhabela dithabeng.
15 Motho ye a leng gedimo ga ntlo a sa phologe, kela a kena ka ntlong a re o tseya se sengwana,
16 fote le motho ye a leng ku tšhomong, a sa sologe a ye tseya kobo yage ya ka tawong.
17 Ye a ko bang a yimme le ye a ko bang a yangwisa ka nako yonone, o ko tikweleng!
18 Ariyeneng mahlong le rapela gore di sa tle go le marega;
19 ka taba la gore go nyoko ba le motšhatšhamelo wa gore a wo soko ba gona go tlugisela Modimo a maka lefase, fote o ka sa sa ba gona le ka letšatši la mohlolo.
20 Gabutšibutši, mo Jehova a ka sa pume matšatši yane, aa šiyo ye a nyoko phonang. Mara ka taba la bo ba gore o ba hlawodiye, o pumme matšatši yane.
21 “Mo ye mongwana a ka fo re ga lune, ‘Kreste ke yewa,’ kela a re, ‘Ke yela!’ le sa mo tshepe.
22 Ka taba la gore go nyoko ba le bo ba timakang Kreste le baporofeta ba matsaka, fote ba nyoko maka mehlolo gore ba thogo le woka, mo go kgonega, ba woke le ba go hlawolega.
23 Byalo lune le pasopeneng. Nna ke le butsiye dilo tso ka mokana ga tsona go sa le nako.
24 “Fote ka nako yonone, ka nthago ga motšhatšhamelo, letšatši le nyoko fifala fote le ngwedi wo ka sa khanyisi,
25 le dinanedi di nyoko fegologa ku legedimong ke mokane dilo tso di leng magedimong di nyoko šikinyega.
26 Ba nyoko bona Morwayi wa motho a tla ka maru ya legedimong a na le matšhika fote a gadima ka matla.
27 Ke mokane Morwayi wa motho o nyoko roma mangeloyi yage ga mahlaya ka mane gore ma kgobaketse bo ba hlawodiwweng, go tlugisela mo legedimo le felelang gona go segela mo lefase le felelang gona.
28 “Byalo tšhutaneng ga mošupetso wowa wa mogo: Mo le thomisa go bona makala ya nyuwane ma hloga matlakala, le šele le ya di tšiba tsa gore selemo se ya šutela.
29 Le lune mo le bona dilo tso di makega, le tšibeneng gore Morwayi wa motho o šele a le thina.
30 Nnete ke ya le botsa gore moloko wowa wo ka sa fete dilo tsowa di soko makega.
31 Legedimo le lefase di nyoko fela, mara mantsu yaka ma nyoko fo dula ma le gona.
32 “A go na ye a tšibang gore dilo tsone di nyoko makega leng, le mangeloyi ya legedimong le mong Morwayi a ba di tšibi, mara go tšiba Papa a ntoši.
33 Dulaneng le hlahlamme fote le ntshiye maahlo dikwakweng, ka taba la gore a le tšibi gore nako ya gona yi leng.
34 Dilo tsowa di fo tshwana le mo monna a vakašela polekeng ya kgole ke mokane a bitsa malata yage gore a ma šiye le dilo tsage, a šiya a neyye ye mongwana le ye mongwana mmereko wage, a botsa yela wa go pasopa hala monyako gore a dule a ntshiye maahlo dikwakweng.
35 Byalo, dulaneng le hlahlamme ka taba la gore a le tšibi gore Morena o nyoko tla leng, kela o nyoko tla ka sethewo kela gare ga bošego kela mo go soko sa* kela go sa le ka bošego,
36 gore mo a tla le sa nagana, a sa le kraye le yetsele.
37 Mara tso ke le botsang tsona ke di botsa le batho ka mokana ga bona ke re: Le duleneng le ntshiye maahlo dikwakweng.”
