Tsowa di Hlatolla ke Mareka 14:1-72
-
Maprista ma polana go bolaya Jeso (1, 2)
-
Ba tlotsa Jeso ka makgura ya go nkgela (3-9)
-
Judase o rekisa Jeso (10, 11)
-
Paseka ya mafelelo (12-21)
-
Go thomisa Selalelo sa Morena (22-26)
-
Seporofeto sa gore Petro o nyoko phiga Jeso (27-31)
-
Jeso o rapela a le Ghetsemane (32-42)
-
Ba tshwara Jeso (43-52)
-
Ba mo fokisa mahlong ga Sanhendrini (53-65)
-
Petro o phiga Jeso (66-72)
14 Byalo ke mo go šele matšatši ka mabedi gore go be le Paseka le monyanya wa sekgwa sa go se na dikomelo. Fote dindhuna tsa maprista le bomabhalane ke mo ba nyaka tsela ya go tshwara Jeso ka go mo maka botsotsi fote ba mmolaye;
2 ka gore ke mo ba kene ba re : “Tla re sa di makeleneng ku monyanyeng, gore re sa tsose ntwa.”
3 Mo Jeso a sa le Bhethani a sa ja* tafoleng ya gaye ga Simone wa go kena ke bolwele bya go jega dinama byo ba reng ke lephera, gwa nyarela mosadi ye mongwana a tshwere lepotlela* la gore le na le makgura ya go nkgela, mong yona nadhe ya go tura. Mosadi yene a bula lepotlela lela la alabhasta ke mokane a tšhela makgura yala hlogong ya Jeso.
4 Mo malata ma bona tsotsone ma thomisa go bolabodisana, ma re: “Ke ntaba a sinya makgura yawa?
5 Phela ke mo a ka ma rekisa a kraya tšheleta ya go feta 300 ya didhenari, ke mokane tšheleta yone ya neyiwa ba go tihlupegela!” Malata ma thomisa go lakatsa* mosadi yela.
6 Mara Jeso a re: “Lisetsaneng mosadi yewa, anthe ke ntaba le mo hlupa? Phela o mmakele dilo tsa go bafala.
7 Bo ba go tihlupegela le ko fo dula le le nabo, fote le ka ba makela tsa go bafala nako ye ngwana le ye ngwana mara nna nka sa duli ke na le lune.
8 O makiye tso a ka di kgonang; o ntlotsiye makgura yawa mo mmeleng, gore ke thogo bulukiwa.
9 Nnete ke ya le botsa, go gongwana le go gongwana mo go sabalatsiwang ditaba tsowa tsa go bafala lefaseng ka mokana ga lona, le tso mosadi yewa a di makiyeng, di nyoko bolabodiwa, gore a gopodiwe ka tsona.”
10 Ke mokane ye mongwana ga bala 12 ya bona, ye ba reng ke Judase Iskariyoti a ya ga dindhuna tsa maprista gore a rekise Jeso.
11 Mo dindhuna tsa maprista di kwa tsotsone, di yye dya jabola ka matla, dya tshepisa Judase tšheleta ya silva. Ke mokane a nyakana le lešuba la go mo rekisa.
12 Ka letšatši la mathomo la Sekgwa sa go se na Dikomelo, la gore ka lona ke mo ba bolaya phoolwane ya Paseka go ya ka mokgo ba tlwayeleng, malata ya Jeso ma re gage: “O nyaka re lukiselele Paseka kaye?”
13 Jeso a roma malata ka mabedi, a re ga wona: “Ariyeneng ku Jerusalema, le ko kraya monna a tshwere pitsa ya go ga meetši. Le mo šale nthago,
14 ga ntlo yowa a kenang ga yona, le hlaye ga mong wa ntlo yone, le re ‘Thitšere o re: “Yi kaye kamara ya divakaši ya gore nna le malata yaka re ko jela ga yona?”’
15 Yene o nyoko le šupetsa kamara ye kgolo ya ka gedimo ya gore ke ya divakaši. Le yi lukiseneng gore re ko thogo jela ga yona.”
16 Malata ya Jeso ma tšwa, ma kena mutšing ma kraya dilo ka mokana ga tsona di le ka mokgo Jeso a hlayyeng ka gona, ke mokane ma lukiselela Paseka gana hone.
17 Mo le šele le kgwalele, Jeso a tla le malata yage 12 ya wona.
18 Mo ba kene ba kgapamme tafoleng ba ja, Jeso a re ga bona: “Ke le botsa nnete, ka wwoši wa lune wa gore re kene re ja naye howa, o nyoko nrekisa.”
19 Ba kwa go baba ka matla, ye mongwana le ye mongwana a thomisa gore gage: “A yi nna akere?”
20 A re ga bona: “Ye a nyoko tšhelang letsogo lage ka nako ka yyoši le nna ka howa sitšeng, ke yene.
21 Ke ya le botsa, go ngwadiwwe gore Morwayi wa motho o nyoko tloga, mara ye a ko bang a rekisiye Morwayi wa motho o ko di kweleng! O ko kwa nkare nke a sa belegiwa.”
22 Mo ba kene ba ja, Jeso a tseya sekgwa, mo a fetsa go rapela a se ngatha, a neya malata yage a re: “Tseyaneng; sowa se yemela mmele waka.”
23 A tseya komitši ya wayini a rapela ke mokane a ba neya, ka mokana ga bona ba nwa.
24 A re ga bona: “Sowa se yemela madi yaka ya go kwanisanya, ya ma nyoko falatsiwang gore ba go tlala ba thogo tshwarediwa ga tso ba di sinnyeng.
25 Nnete ke ya le botsa, nka sa sa nwa selo sa go makiwa ka didhriva, go segela ke nwa le lune mo ke le Mmušong wa Modimo.”
26 Mo ba fetsa go yepelela dikoša* tsa go thanaka Modimo, ba yye ba ya Thabeng ya Diolivi.
27 Jeso a re ga bona: “Di nyoko le šita go yema le nna, ka gore go ngwadiwwe gore: ‘Ke nyoko kutulugela yewa wa go disa, ke mokane dinku tsage di nyoko palakana.’
28 Mo ke šele ke tsusiwwe, ke nyoko le yeta mahlong mo re ya Galeliya.”
29 Mara Petro a re: “Le mo ka mokana ga bona ba ka šitega go yema nago, nna nka sa šitege.”
30 Mo a reyane, Jeso a re gage: “Ke go botsa nnete, mo kgokgo ya phoko yi soko lla bošego byo, wene o ko ba o mphigiye gararo.”
31 Petro a re gage: “Nka ro šinya ke kgwa nago, nka sa ro go lisetsa.” Le malata ya mangwana ka mokana ga wona ma bolabola ka mokgonone.
32 Ba ya ga poleke ye nngwana yo ba reng ke Ghetsemane, a re ga malata yage: “Dulaneng mowa, ke sa ya hala ke ye rapeleng.”
33 A tseya Petro, Jakobo le Johane a sepela nabo, a thomisa go kgongwela ka matla.
34 Jeso a re ga bona: “Ke kgongwele ka matla, ke kwa nkare nka kgwa. Dulaneng le nna mowa, le sa koboleneng.”
35 Ke mokane yene a ya hala mahlong a wela fase, a thomisa go rapela gore hala go kgonega, nkare nako ya mo dilo tsone di makega yi ka mo feta.
36 A re: “Abba,* Papa, dilo ka mokana ga tsona di ya makega ka wene; maka gore komitši yowa yi mfete. Mara, go sa makege tso di nyakang ke nna, go makege tso di nyakang ke wene.”
37 Mo a boyela ga malata yage a ma kraya ma yetsele, a re ga Petro: “Simoni, o yetsele? Ke gore o fo šitega go dula awara ka yyoši o sa kobole?
38 Le sa koboleneng, ariyeneng mahlong le rapela gore le sa phiriketsege. Pelo yona ya nyaka go maka tsa gabutši, mara mmele wa gana.”
39 A boyela fote go ye rapeleng, a boyelela tsetsela a di hlayyeng.
40 Mo a boya fote, a ba kraya ba yetsele, ke mo ba sa sa tšiba gore ba ko mmotsa ying ga Jeso ka gore ke mo ba kobola.
41 A boyela ga malata yage la boraro a re ga wona: “Lune le yetsele, le ya khutsa ka nako yowa! Nako ya gore Morwayi wa motho a yisiwe ga bo ba go sinya yi segele.
42 Tlogamelaneng le koriyeneng. Yela wa go nrekisa ke yenene.”
43 Mo Jeso a sa bolabola, gwa nyarela Judase, yela wa gore ke mo go le lelata lage, a tla a na le mogoba wo tshwere disabola le mapara, mogoba wone ke mo wo romele ke dindhuna tsa maprista, bomabhalane le banna ba gore batho ba ba tseya nkare ba butšwiye.
44 Yela wa go mo rekisa, a re ga bona: “Ye le bonang ke mo khisa, ke yene, le mo tshwareneng, le sepeleneng naye le kene le mo pasopiye.”
45 A ya ga Jeso, a segela a re: “Rabi!” ke mokane a mo khisa.
46 Ba tla ba mo tshwara, ba tloga naye.
47 Mara ka wwoši wa bo ne ba na le Jeso a goga sabola yage, a kopa tsebe ya lelata la moprista ye mogolo.
48 Jeso a re ga bona: “Ayitsano le tl’le tshwara nna ka disabola le mapara yawa ya lune nkare ke ro ba tsotsi?
49 Ke mo ke tšhutisa tempeleng ke na le lune ka moka matšatši, a sanka la tla le tl’le ntshwareng. Mara dilo tsowa ka mokana ga tsona di makega ka taba la gore di porofetiwwe botala.”
50 Malata yage ka mokana ga wona ma tšhaba ma mo šiya.
51 Mosogana ye mongwana wa gore ke mo a yapere kobo ya go makiwa ka llapi la go tura la linene a thomisa go mo latelela a le ho thina, ba liketsa go mo tshwara,
52 mara a tšhaba a sa tšwara,* a šiya kobo yela yage.
53 Bo ne ba tshwere Jeso, ba yye ba mo yisa ga moprista ye mogolo, gana hone ke mo go gahlanne dindhuna tsa maprista le banna ba gore batho ba ba tseya nkare ba butšwiye le bomabhalane.
54 Mara Petro o yye a fo ba a kene a mo šele nthago, mara a sepelela kgole go segela ba kena lapeng la moprista ye mogolo, mo ba šele ba kenne, a dula le dibereki tsa mone mutšing, a wora mollo.
55 Byalo, dindhuna tsa maprista le mogoba ka mokana ga wona wa Sanhendrini, ke mo ba nyaka so ba ka mo tanyang ka sona gore ba thogo mmolaya, mara a baa kraya selo.
56 Ba go tlala ba yye ba mmolabolela matsaka, mara tso ne ba di bolabola ke mo di sa sipidisane.
57 Fote ba bangwana ke mo ba mmolabolela matsaka ba re:
58 “Re mo kwile a re, ‘Ke nyoko wisela tempele yowa ya gore yi yagiwwe ka matsogo fase, fote ka nthago ga matšatši ka mararo ke nyoko yaga ye nngwana ya gore a ya makiwa ka matsogo.’”
59 Mara tso ne ba mo hlayela tsona le ga taba yonone ke mo di sa sipidisane.
60 Mo ba reyane, moprista ye mogolo a tlogamela a re ga Jeso: “A wo fetole? Ayitsano tso banna bowa ba di bolabolang ka wene ke nnete?”
61 Mara Jeso a fo kgomolela. Moprista ye mogolo a mmutsisa fote a re: “Ayitsano ke wene Kreste Morwayi wa Modimo wa go Hlawolega?”
62 Byalo Jeso a re: “Ke nna yene; fote o nyoko bona Morwayi wa motho a duli ga letsogo la go ja la Modimo wa go ba le matšhika, a tla ka maru ya ku legedimong.”
63 Mo a reyane moprista ye mogolo a tlerolanya kobo yage ya ka tawong a re: “Anthe le sa nyaka dihlatse tsa go yisa kaye?
64 Le tikwele ka ditsebe tsa lune beng gore motho yewa o rogelela Modimo. Re mo make ying?”* Ka mokana ga bona ba re o tshwanele a bolayiwe.
65 Ke mokane ba bangwana ba thomisa go mo tshwela ka mare, ba mo thiba ho mahlong, ba boya ba mo teya ka dibhakela, ba re: “Porofeta. Ke mang a go teyyeng?”
66 Petro ke mo a duli ka ku lapeng, ke mokane gwa tla ngwannyana ye mongwana wa gore ke sebereki sa moprista ye mogolo.
67 A bona Petro a kene a wora mollo, a mo lebelela a re: “Le wene ne o na le Jeso wa Lenazareta akere.”
68 Mara Petro a phiga, a re: “Motho yene a ke mo tšibi fote a ke tšibi gore o bolabola ka ying,” a tšwela ka ku tawong ga lapa.
69 Ngwannyana yela a mmona fote, a re ga bo ne ba le mone: “Yewa le yene ke ye mongwana wa bona.”
70 Gana mone le gona o yye a napa a gana. Ka nthagonyana, bo ne ba yemme gana hone ba thomisa gore ga Petro: “Baa resa, le wene ke wene ye mongwana wa bona ka taba la gore ke wene Legaleliya.”
71 Mara Petro a thomisa go bolabola a tiyisiye a re: “Ke re motho ye le bolabolang ka yene a ke mo tšibi!”
72 Ka nako yonone, phoko ya napa yi lla la bobedi, Petro a gopola tso Jeso a mmutsiyeng tsona tsa gore: “Mo phoko yi soko lla la bobedi, wene o ko ba o mphigiye gararo.” Ke mokane a lla ka sethaga.
Ditwaba
^ Kela “kgapamme.”
^ Gabutšibutši ke “‘lepotlela la alabhasta.’ Lepotlela lone le makiwwe ka letlapa la gore le krayega thina le Alabastron ya Egepita.” Bala ga Dihlatollo Tsa Mantsu.
^ Kela “kgwasolanya.”
^ Kela “Dipisalema.”
^ Lentsu la Seheberu kela la Searamo la go rela gore “Papa Barena.”
^ Kela “a šele ka sa ka teng.”
^ Kela “le nagana ying?”
