Tsowa di Hlatolla ke Mareka 4:1-41
-
MEŠUPETSO YA GO BOLABOLA KA MMUŠO (1-34)
-
Wa go gaša (1-9)
-
So se makiyeng gore Jeso a berekise mešupetso (10-12)
-
Go hlatolliwa mošupetso wa motho wa go gaša (13-20)
-
Llampa la gore a baa le kogela ka mmantši (21-23)
-
Sekala so o kalang ka sona (24, 25)
-
Motho wa go gaša pewu wa gore wa yetsela (26-29)
-
Pewu ya mmasetete (30-32)
-
Go berekisa mešupetso (33, 34)
-
-
Jeso o kgomoletsa sedingwane (35-41)
4 A thomisa go tšhutisa a le thoko ga lewatle ke mokane mogoba wo mogolo wa mo kgobakanela. A kalama sekepe a dula ga sona a le kgole le leropho la lewatle, mara mogoba ka mokana ga wona ke mo wo le thina le lewatle, hala lerophong.
2 Byalo a thomisa go ba tšhutisa dilo tsa go tlala a berekisa mešupetso, mo a kene a tšhutisa a re ga bona:
3 “Theetselaneng! Motho ye mongwana o yye a gaša pewu.
4 Mo a kene a gaša, dithoro tse dingwana dya wela ka thoko ga pata ke mokane dinonyane dya tla dya di ja.
5 Tse dingwana dya wela matlapeng ga gore ke mo go se na mobu wa go tlala, ke mokane dya yakgoswa di mila ka taba la gore mobu wa gona ke mo wo sa tlala.
6 Byalo, mo letšatši le hlaba dya swa, ke mokane dya puna ka taba la gore ke mo di se na midu.
7 Tse dingwana dya wela mmutlweng ke mokane mmutlwa wone wa di yilametsa, tsa sa yengwe.
8 Dipewu tse dingwana dya wela mobung wa go nona, dya gola fote dya tlala, dya thomisa go ba le diyengwa. Ye nngwana ya yengwa ga 30, ye nngwana ga 60, ye nngwana ga 100.”
9 A tokegela ka gore: “Ye a nang le ditsebe tsa go theetsela, a theetsele.”
10 Byalo mo a le ntoši, malata yage 12 ya wona le bo ne ba le thina gage ba yye ba mmutsisa ka mešupetso yone.
11 A re ga bona: “Lune le kwisisa diphiri tsa go hlawolega ka Mmušo wa Modimo, mara bo ba bangwana ba fo kwa ka mešupetso,
12 ka taba la gore ba ka fo lebelela mara ba sa bone, ba ka fo theetsela mara ba sa kwe, fote ba ka sa kwisisi le ka gonyana; ba ka sa ro sokologa ba tshwarediwa.”
13 A ya mahlong a re ga bona: “Mo le šitega go kwisisa mošupetso wowa, yela ye mengwana mešupetso le nyoko yi kwisisa byang?
14 “Ye wa go gaša, o gaša lentsu.
15 Byalo, pewu yo yi weleng ka thoko ga tsela yi tshwana le bo ba gore mo ba kwa lentsu la Modimo, Sathane wa tla a kgufula lentsu lo le leng ka dipelong tsa bona.
16 Ba bangwana ba tshwana le pewu yela ya gore yi wele matlapeng; mo ba kwa lentsu la Modimo, ba yye ba le yamogela fote ba le jabolela.
17 Mara ka taba la gore lentsu lowa a la napa le tsika ka dipelong tsa bona, ba yye ba sa sa le tshepa mo go nyarela tsa go ba phiriketsa kela tsa go ba kgahleletsa.
18 Go na le ba bangwana ba gore ba tshwana le pewu yela ya go wela mmutlweng. Bobone ke ba gore ba kwile lentsu la Modimo,
19 mara la sa yengwe ka taba la gore batho bowa ba šekedisa ke dilo tsa lefase lowa,* le go nyaka go ghanya, fote go nabela dilo tso ka mokana ga tsona go namme go topela ka dipelong tsa bona, gwa phiphetsa lentsu lela.
20 Ya go wela mobung wa go nona yi tshwana le batho ba go kwa lentsu la Modimo ba le kwisisa, ke mokane ba yengwa diyengwa. Ye nngwana ya yengwa ga 30, ye nngwana ga 60, ye nngwana ga 100.”
21 Fote a re ga bona: “Aa šiyo ye a nyoko tšhubang llampa ke mokane a le kogela ka mmantši kela a le wutetsa ka fase ga mpeto. O nyoko le beya gedimo ga selo sa go beya llampa.
22 Ka taba la gore selo sa gore ba se khurumetsiye ba nyoko se khurumulla, fote a se šiyo selo sa gore se wutamme so batho ba ka sa fetseng ba se tšibiye.
23 Ye a nang le ditsebe tsa go theetsela, a theetsele.”
24 Fote a re ga bona: “Byalo, ntheetseleneng gabutši. Sekala so o kalang ka sona le wene ba nyoko go kalela ka sona. Ba nyoko ro go yeketsela le ka tse dingwana.
25 Ye a nang le se sengwana ba nyoko mo yeketsela ga so a nang naso, mara wa gore aa na selo ba nyoko mo yamoga le so a nang naso.”
26 Byalo a ya mahlong a re: “Mmušo wa Modimo wo tshwana le motho wa go gaša pewu.
27 Bošego wa yetsela ke mokane mo a tsoga o kraya pewu yela yi thunnye fote yi gudiye, mara gore byang le yene aa tšibi.
28 Pewu yone yi yengwa ka gonyana ka gonyana, mara yi thomisa ka go thunya yi ntsha hlogo, ya fetsa ka go ntsha diyengwa tsa gore di gudiye gabutši.
29 Mo diyengwa tsone di butšwa, o tseya sikila yage a ye buneng, ka taba la gore nako ya go buna yi šele yi segele.”
30 A ya mahlong a re: “Mmušo wa Modimo re ka wo tshwanisa le ying, kela re ka berekisa mošupetso wofeng gore re wo hlatolle?
31 Wo tshwana le pewu ya mmasetete, ya gore mo ba yi gaša ke mo yi šupetsa go le ye nyananyana ga dipewu tse dingwana ka moka.
32 Mara mo ba šele ba yi gašiye, yi gola go ba mohlare wo mogolo ka matla wa go ba le makala ya magolo, wa gore dinonyane di segela di yaga dihlagela mo makaleng ya wona.”
33 O berekisiye mešupetso ya go tshwana le yonone gore a thogo ba tšhutisa lentsu la Modimo ka mokgo ba kwisisang ka gona.
34 Gabutšibutši ne a ka sa bolabole nabo a sa berekisi mošupetso, mara malata yage ne a ma hlatollela dilo ka mokana ga tsona ka makhukhung.
35 Ka letšatši lone, mo le šele le kgwalele, Jeso a re ga malata yage: “Koriyeneng ka ku mosekola.”
36 Byalo, ka nthago ga gore ba botse mogoba gore wo palakane, ba yye ba kalama naye hala sekepeng ba sepela, go kene go na le dikepe tse dingwana.
37 Ke mokane gwa thomisa go tšutla moya ku lewatleng, fote meetši ma kena ka teng ga sekepe, sa šinya se nyoko sobelela ka hala meetšing.
38 Mara Jeso ke mo a le ku nthago ga sekepe a samele mosamelo. Ba mo tsosa ba re gage: “Thitšere barena, a wo na taba gore re nyoko kgwa?”
39 Mo ba reyane, a tsoga, a lakatsa moya wola ke mokane a re ga lewatle lela: “Ye wene! Kgomolela!” Moya wola wa beba, gwa šala go yitseri tsee.
40 A re ga bona: “Ke ntaba le tšhoga?* Anthe a le na tumelo?”
41 Malata ma yye ma tšhoga, ma butsisana ma re: “Anthe ke mang yenewa? Le mong moya le lewatle di ya mo theetsela.”
