Tsowa di Hlatolla ke Mareka 5:1-43
5 Ba segela ka nthoko ye nngwana ya lewatle la poleke yo ba reng ke Gherasinese.
2 Mo Jeso a fetsa go phologa sekepe, a gahlana le monna ye mongwana hala mabitleng* wa gore o kenne ke ledimona.
3 Ke mo a fo dula a le hone mabitleng, fote go segela ka nako yonone, ne go se na le motho ye ne a kgona go mo tlema a tiyisa, le mong ka ketane.
4 Ga go tlala ke mo ba mo tlema ka diketane, mara ke mo a fo di thasolanya, fote ne go se na ye a nang le matšhika ya go mo tshwara.
5 Ke mo a fo dula a lla bošego le motshegare a le mone mabitleng le ku dithabeng, a tikgahla ka matlapa.
6 Mara mo a bona Jeso a sa le ku kgole, a taboga a segela a mo thinyela letolo.
7 A yahlamela a re: “O nyaka ying ho gaka wene Jeso, Morwayi wa Modimo Ye a Leng ku Malenghelengheng? Ntshepise ka Modimo gore o ka sa nape o fetsa ka nna.”
8 O hlayye tsotsone ka taba la gore Jeso o yitseri gage: “Tšwang hone ga monna yene wene ledimona tina.”
9 Mara Jeso a butsisa monna yela gore: “Ke wene mang?” Monna yene a re: “Lebitso laka ke nna Sekwata ka taba la gore re tlele.”
10 A fo ya mahlong a kgopela Jeso gore a sa rake madimona yane hone polekeng.
11 Byalo hala thabeng ke mo go na le morape wa dikolobe wo fula.
12 Madimona yala ma mo kgopela ma re: “Re lisetse re kene hala morapeng wa dikolobe.”
13 A re ma ye. Mo a reyane, madimona yala ma tšwa ma kena ga dikolobe tsela, dya fekemela ka lewopeng ka mokana ga tsona, dya napa dya kgwela ka meetšing ya lewatle, ke mo go le gana hala ga 2 000 ya tsona.
14 Mara bo ne ba disa dikolobe tsone ba yye ba tšhaba, ba boyela dimitšaneng ba segela ba hlaya tso ba di bonneng, batho ba tla ba tl’le bona tso di makegiyeng.
15 Byalo ba tla ga Jeso, ba bona motho yela wa go ba le madimona, yenela wa gore ne a na le sekwata sa madimona, a duli fote a yapere gabutši, le mo hlogong di tseya, ke mokane batho ba tšhoga.
16 Le bo ba di bonneng ba hlayisa gore go makegiye ying ka motho yela wa go kena ke madimona, le ka morape wola wa dikolobe.
17 Ba thomisa go kgopela Jeso gore a tloge mone ga poleke ya bona.
18 Mo Jeso a kalama sekepe, monna yela wa gore ne a kenne ke madimona a kgopela go sepela naye.
19 Mara Jeso a gana, a re gage: “Ariye gaye ga mašaga yago, o ye o ma hlayisele tso Jehova a go makaleng tsona le ka mokgo a go kweleng go baba.”
20 Monna yela a tloga a ya a sabalatsa tso Jeso a mo makeleng tsona dipolekeng tsa Dekapolisi, batho ka mokana ga bona ba yye ba makala.
21 Mo Jeso a šele a tshelele ka mosekola wo mongwana wa lewatle ka sekepe, mogoba wo mogolo wo yye wa kgobakana mone gage a sa le thina le lewatle.
22 Gwa nyarela wa go lawola sinagogeng ye ba reng ke Jayiro, mo a bona Jeso, a mo kgotamela.
23 O mo kgopele ga tleletlele a re: “Morwediya waka o lwala ka matla.* Tlang barena o tle o mmeye matsogo gore a thogo fola fote a phele.”
24 Mo a reyane, Jeso a ya naye fote mogoba wo mogolo wa mo šala nthago wo kene wo mo pitegetsanya.
25 Byalo ke mo go na le mosadi ye mongwana wa gore o fetsiye 12 ya mengwaga a hlupa ke bolwele bya go fo ya nakong a sa fetsi.
26 Ditogotela tsa go tlala di mo kwisiye go baba ka matla, fote le tšheleta yage yi fediye a kene a ya tlase le kgakala, mara o yye a fo fetelela.
27 Mo a kwa ba mo hlayisela ka Jeso, a ya ka nthago gage a kene a pitegela hala mogobeng, a tikisa kobo yage ya ka tawong,
28 ka taba la gore ne a dulele gore: “Ho nka fo tikisa kobo yage ya ka tawong, ke nyoko fola.”
29 Silumi sela sage sa napa sa fola, le yene a šala a tikwa le mo mmeleng gore o fodiye ga bolwele byo ne a le nabyo.
30 Ka nako yonone Jeso a kwa gore go tšwile matšhika mo gage, a sokologa a butsisa mogoba gore: “Ke mang a tikisiyeng kobo yaka?”
31 Malata yage ma re gage: “Wa di bona gore mogoba wo kene wo go pitegetsiye, mara o sa butsisa gore ‘Ke tikisiye ke mang?’”
32 Ke mo a kene a lebelela gore o tikisiye ke mang.
33 Ka taba la gore mosadi yela ke mo a di tšiba tsa gore go makegiye ying, ke mo a tšhugiye fote a hlagasela, a segela a mo kgotamela, a mmotsa nnete.
34 Jeso a re gage: “Morwediya, tumelo yago yi go yalafiye. Ariye gabutši, fote o nape o fola ga bolwele byone byago bya go baba.”
35 Mo a sa bolabola, gwa tla banna ba go tšwa gaye ga yewa wa go lawola sinagogeng ba re: “Morwediya wago o hlokofele! O sa sa mo hlupa ga Thitšere.”
36 Mara Jeso a ba kwa, a re ga yela wa go lawola sinagogeng: “O sa tšhoge,* o fo ba le tumelo.”
37 Mara ne a sa nyake go latelela ke motho, ke mo a fo nyaka Petro, Jakobo le Johane bhuti wa Jakobo.
38 Ba ya gaye ga yela wa go lawola sinagogeng, a bona batho ba lla ba rasa ba kene ba kwa go baba.
39 Mo a šele a kenne, a re ga bona: “Ke ntaba le lla fote le rasa? Ngwana yewa aa kgwa, o yetsele.”
40 Mo a reyane, ba thomisa go mo tshega ka go mo tewula. Mara mo Jeso a šele a yitseri ba ye ka hala tawong, a kena ka ku ngwanela ne a le gona a na le babelegi ba ngwanela le malata yage.
41 Byalo, a tshwara letsogo la ngwannyana yela a re gage: “Tal′i·tha cu′mi,” ya gore mo yi hlatolliwa yi rela gore: “Ngwannyana, ke re gago, ‘tsoga!’”
42 Ngwannyana yela a napa a tsoga a thomisa go sepela. (Ke mo a na le 12 ya mengwaga.) Ne ba sa kgone le go titshwara ka taba la gore ne ba jabodiye ka matla.
43 Jeso o ba butsiye ga tleletlele gore ba sa botse motho ka taba yowa, ke mokane a re ba neye ngwannyana yela tsa go ja.
