Tsowa di Hlatolla ke Mareka 8:1-38
8 Ka nako yonone ke mo go na le mogoba wo kgobakanne, wo se na tsa go ja. Jeso a bitsa malata yage a re ga wona:
2 “Mogoba wowa wo nkwisa go baba, ka taba la gore wo fetsiye matšatši ka mararo wo na le nna wo sa je selo.
3 A ke nyake gore wo ye gaye wo kene wo kwa tlala, ka taba la gore wo ka wa mo pateng, fote ba bangwana ba tšwa kgole.”
4 Mara malata yage ma re: “Re nyoko se kraya kaye sekgwa sa go yenetsa batho ba go tlala ka mokgo, ho ga poleke ya gore yi mong thoko?”
5 Mo ba reyano a re ga bona: “Le na le malofo ka makaye?” Ba re gage: “Kašupa ya wona.”
6 Jeso a botsa mogoba gore wo dule mabyaneng. A tseya malofo yala kašupa ya wona, a rapela ke mokane a ma ngathetselanya a ma neya malata yage gore ma neye mogoba wola.
7 Fote ke mo ba na le dihlapi tsa gore a yi tse dikgolo fote a di ya tlala, le tsona a di rapelela a botsa malata yage gore ma di neye mogoba.
8 Ka mokana ga bona ba ja ba kgora, ke mokane malata ma tlatsa memantši ye megolo kašupa ya yona ka dingatha tso di šeleng.
9 Ke mo go na le 4 000 ya banna. Jeso a palakanya mogoba wola.
10 A napa a kalama sekepe le malata yage a ya Delemanutha.
11 Mafaraseyi ma tla ga Jeso ka taba la gore ke mo ma mo nyakisa, ma segela gage ma nyaka mošupetso wa go tšwa legedimong.
12 Byalo Jeso a hemela gedimo, a re: “Anthe ke ntaba moloko wowa wo nyaka mošupetso? Nnete ke ya le botsa, wo ka sa ro wo bona mošupetso wone.”
13 A tloga a ba šiya gana hone, a kalama sekepe a ya ga leropho la ku mosekola.
14 Mara ba yye ba lebala go tseya dikgwa mo ba tshelela ka ku mosekola, ne ba fo ba le lofo ka yyoši mone sekepeng.
15 Jeso a ba botsa di kwagala a re: “Le duleneng le ntshiye maahlo dikwakeng, le pasopeneng komelo ya Mafaraseyi le komelo ya Heroda.”
16 Ba thomisa go phigisana bona beng gore a ba na dikgwa.
17 Mo a bona tsotsone a re ga bona: “Ke ntaba le phigisana ka gore a le na sekgwa? Anthe a le soko kwisisa le gana byalo lowa? Menagano ya lune a yi soko kwisisa?
18 ‘Le na le maahlo mara a ma bone; le na le ditsebe mara a di kwe.’ Anthe le lebele
19 gore nakwela ke ngathanya kapheta ya malofo ke ngathela 5 000 ya banna bala, le tlatsiye memantši ka dikaye?” Ma re gage: ‘12 ya wona.’
20 “Nakwela ke ngathetsela kašupa ya malofo ke ngathela 4 000 ya banna bala, le tlatsiye memantši ka mekaye ye megolo ka dingatha tso di šeleng?” Ma re gage: ‘kašupa ya yona.’
21 Mo ma reyane a re ga wona: “A le soko kwisisa le gana byalo lowa?”
22 Ba segela ba yema Bhethsayida. Gana hone batho ba leyela Jeso monna wa gore o popele maahlo, ba mo kgopela gore a mo tikise.
23 A tshwara monna yela wa go popela maahlo ka letsogo, a ya naye ka tawong ga dimitšane. Mo a fetsa go mo tlotsa ka mare mo mahlong, a mmeya matsogo, a mmutsisa a re: “O bona ying?”
24 Monna yela a lebelela ka mathoko a re: “Ke bona batho, mara nkare ke mehlare ya go sepela.”
25 Jeso a tikisa maahlo yage fote, monna yela a fola, a thomisa go bona dilo ka mokana ga tsona gabutši.
26 A mmotsa gore a ye gaye, a boya a re: “O sa kene hala dimitšananeng.”
27 Jeso le malata yage ba tloga ke mokane ba ya dimitšaneng tsa Kesariya ya ku Filipi, mo ba kene ba le tseleng, a butsisa malata yage a re: “Batho ba re ke nna mang?”
28 Ma re gage: “Ba bangwana ba re ke wene Johane wa go Kolobetsa, ba bangwana ba re ke wene Eliya, fote ba bangwana ba re ke wene ye mongwana wa baporofeta.”
29 A butsisa bona a re: “Lune gee, le re ke nna mang?” Petro a mo fetola a re: “Ke wene Kreste.”
30 Mo ba reyane, a ba botsa di kwagala gore ba sa botse motho ka yene.
31 Ke mokane a thomisa go ba tšhutisa gore Morwayi wa motho o tshwanele a hlupegisiwe, a phigise ke banna ba Majuda ba gore batho ba ba tseya nkare ba butšwiye, dindhuna tsa maprista le bomabhalane fote a bolayiwe, a boye a tsusiwe ka nthago ga matšatši ka mararo.
32 Jeso ke mo a ba botsa a sa wutetse. Mara Petro a mo gogela ka thoko ke mokane a mo lakatsa.
33 Jeso a sokologa, a lebelela malata yage, a lakatsa Petro a re: “Tloga ho thina gaka wene Sathane, ka taba la gore tso o di naganang a yi tsa Modimo, ke tsa batho.”
34 A bitsa mogoba wola le malata yage a re ga bona: “Ye a nyakang go nšala nthago a tineyele, a rwale phate yage ya mohlupego* fote a sa lisetse go nšala nthago.
35 Ka gore ye a nyakang go phonisa lephelo lage o nyoko le loba, mara ye a le lobang ka taba laka le ka taba la ditaba tsa go bafala o nyoko le phonisa.
36 Di thuša ka ying gore motho a be le dilo tsa lefase lowa, mara a lobe lephelo lage?
37 Motho a ka patela ka ying gore a sa lobe lephelo lage?
38 Mo nkare go na le wa gore ke ya mo tšebisa kela wa gore o tšebisa ke tso ke di bolabolang ga moloko wowa wa gore a wa loka fote a wo tshepege ga Modimo, le Morwayi wa motho o nyoko tšebisa ke go mmitsa lelata lage mo a tla a na le mangeloyi yage ya go hlawolega fote a na le matšhika ya go lawola ya gore o ma neyye ke Papage.”
Ditwaba
^ Bala ga Dihlatollo Tsa Mantsu.
