Tsa go ya ga Maroma 3:1-31
3 Di thuša ka ying go ba Lejuda kela go bollwa?
2 Di thuša ka matla. Sa mathomo, Modimo o neyye Majuda molayetsa wa go hlawolega.
3 Mara mo nkare a baa tshepega gee? Ayitsano go sa tshepege ga bona go ra gore le Modimo aa tshepege?
4 Awwa, Modimo a ka sa be le matsaka, le mo batho ba ka ba le matsaka go ya ka mokgo go ngwadiwweng Mangwalong gore: “Tso o di bolabolang ke tsona di nyoko šupetsang gore wa resa, fote o nyoko hlula mo ba go yahlula.”
5 Mekgwa ya rune ya go sa loka yi šupetsa gabutši gore Modimo ke yene wa go loka. Mara Modimo o ko ba a sinya mo a kwata? (Ke bolabola go ya ka mokgo batho ba naganang.)
6 Tsone a di kgonege! Modimo o lukiye, hala a sa loka ke mo a nyoko yahlula lefase byang?
7 Mo nkare ke hlaya matsaka, matsaka yane ma nyoko šupetsa gore tso Modimo a di hlayang ke nnete, fote tsotsone di makiye gore batho ba mo thanake. Byalo, ke ntaba Modimo a re nna ke ya sinya?
8 Ayitsano ne re ka re, “Tla re makeneng dilo tsa go befa gore go thogo ba le tsa go bafala”? Batho ba bangwana ba re hlayela matsaka nkare re yitseri yano, batho bone ba tshwanele ba yahludiwe.
9 Byalo, anthe go makiye byang? Ayitsano rune Majuda re kawone go phala ba bangwana? A go ka mokgonone! Re šele re na re šupetsiye gore Majuda le Magerika ma šele ma sinnye;
10 go fo tshwana le ka mokgo Mangwalo ma hlayyeng: “A go na le motho ka wweši wa gore o lukiye;
11 a go na le ka wwoši wa gore wa tšiba, fote a go na le ka wwoši wa gore o nyakana le Modimo.
12 Batho ka mokana ga bona ba mo jikele, fote ka mokana ga bona a ba sa gelepa ka selo, a go na le ka wwoši wa gore o kwelana go baba.”
13 “Tso ba di bolabolang di ya tshosa, fote ba na le matsaka.” “Le tso ba di hlayang di tshwana le tšhefu ya dinoga.”
14 “Ba fo dula ba kwatiye fote ba rogelela.”
15 “Ba kwana le go lwa fote baa bolaya.”
16 “Ba hlorisa batho fote baa ba kwaletsa,
17 tsowa tsa go beba a ba kwane natso.”
18 “A ba hlompe Modimo.”
19 Byalo, re ya di tšiba gore dilo tsowa di leng ga Molawo di bereka ga bo ba leng ka tlase ga Molawo, mmereko wa tsona ke go maka gore batho ba sa nyakane le so ba ka phemang ka sona, le go šupetsa gore lefase ka mokana ga lona le na le molato mahlong ga Modimo, fote o nyoko le wolola.
20 Modimo a ka sa fo re motho o lukiye ka taba la gore o latelela molawo, gabutšibutši molawo wo fo ba wo maka gore re bone gore ke rune batho ba go sinya.
21 Go ya ka tso di hlayyeng ke Baporofeta le Molawo, Modimo o re šupetsiye gore o lukiye a sa berekisi Molawo,
22 a di yi ka gore motho o tšwa kaye, mara Modimo a ka tseya ye a dumelang ga Jeso Kreste a lukiye.
23 Ka mokana ga bona ba sinnye fote ba šitegiye go gadimisa Modimo.
24 Kreste Jeso o ba phonisiye ka go ba lepolla ga tso ba di sinnyeng, byalo ba šupetsa ba lukiye mahlong ga Modimo. Modimo o ba makele dilo tsowa ka mokana ga tsona ka taba la gore wa ba nyaka.
25 Modimo o makiye gore Jeso a re kgwele gore re boyelane naye ka go dumela mading yage. Modimo o šupetsiye gore o lukiye* mo a re tshwarela ga tso re di sinnyeng ku botala.
26 Yene o tišupetsa a lukiye ho ga rune mo a tseya motho ye mongwana le ye mongwana wa gore o dumela ga Jeso gore o lukiye.
27 Ayitsano se gona sa go ka maka gore re be le magetla? A se šiyo. Nje re ka napa re ba le magetla ka gore re latelela molawo? Awwa, rune re titeya sekguba ka go ba le tumelo.
28 Gore motho o lukiye re mmona ka tumelo yo a nang nayo, a re mmone ka go latelela molawo.
29 Anthe Modimo ke wa Majuda fela? Anthe a yi Modimo le ga ditšhaba tse dingwana? Ka nnete ke Modimo wa batho ba ditšhaba ka mokana ga tsona.
30 Ka gore Modimo nka wwoši, o nyoko fo bona bowa ba gore ba bollwe le ba go sa bollwa ba lukiye ka taba la tumelo ya bona.
31 Byalo, nje re ka nyatsisa molawo ka tumelo ya rune? Awwa, re napa re ro wo ngangarela.
Ditwaba
^ Kela “o lefisiye pelo.”
