Tsa go ya ga Maroma 9:1-33
9 Ke le botsa nnete ka Kreste, a ke le tshokanye, le lekwalo laka le yema le nna ka moya wa go hlawolega,
2 gore ke kwile go baba ka matla fote le pelo yaka yi fo dula yi kgongwele.
3 Mola di kgonega ne ke nyoko maka gore nna wa gore ke yahluganne le Kreste, go be nna wa gore ke rogelediwwe gore di thogo berekela magageru.
4 Bobone ke Maisrayele fote Modimo o ba hlawodiye gore go be bana bage, o ba šupetsiye gore yene ke ye mogolo a ba neya Molawo fote a maka senghana nabo a boya a ba tshepisa dilo, a maka gore ba mmerekele.
5 Ke bana ba bokokwane ba rune ba gore Kreste o belega ke bona ka mmele wa nama, nkare Modimo ye a leng ka kgakala ga bona ka moka a ka thanakiwa go ya go yye. Amene.
6 Mara dilo ka mokana ga tsona tso Modimo a di tshepisiyeng a di ya tsoga di šašiye ka gore a yi ka moka bo ba tšwang Israyele go leng “Maisrayele.”
7 A yi gore mo ba re bana* ba Abhrahama di ra gore ke mong bona ba mannete, Modimo o butsiye Abrahama gore, “Ditlogolwane* tsago di nyoko tšwa ga Isaka.”
8 Sosone ke sona so se šupetsang gore bana* bo ba belegiyeng ke Abhrahama wa gore ke motho a yi bona ba Modimo, Modimo ke yene a kgetang di ya ka so a se tshepisiyeng.
9 Modimo o tshepisiye Abhrahama gore: “Ke nyoko boya mongwaga wo tlang ka nako yonowa fote Sara o ko ba a na le ngwana.”
10 Go fo tshwana le nakwela Rebhekha a ba le bana ba mafahla ba go tšwa ga Isaka kokwane wa rune.
11 Nakwela ba soko belegiwa le nakwela ba soko maka sa gabutši kela sa go befa, Modimo o yye a ba šupetsa gore tso a nyakang go di maka di ka sa yi ka gore ba makiye ying mara di nyoko ya ka gore yene o hlawodiye mang.
12 Modimo a re gage: “Morwayi ye mogolo o nyoko ba lelata la ye ye monyana.”
13 Go fo ya ka mokgo mangwalo ma hlayyeng gore: “Jakobo ne ke mo nyaka mara Esewu ke sa mo nyake.”
14 Re ka re king mara? Ayitsano re re Modimo aa tshwarane gabutši? Awwa.
15 Ka gore Modimo o re ga Moše: “Motho ye mongwana le ye mongwana ye ke mo nyakang ke nyoko mo kwela go baba fote ke nyoko gelepa motho ye mongwana le ye mongwana ye ke nyakang go mo gelepa.”
16 Byalo a di yi ka gore motho o nyaka ying kela o karakara go segela kaye mara di ya ka gore Modimo o mo kwela go baba naa.
17 Ka gore mo mangwalo ma bolabola le Faro ka taba yowa ma yitseri: “Ke go lisetsiye gore o phele ka taba lowa, ne ke nyaka go šupetsa gore ke na le matšhika ya go phala yago fote ke sabalatse lebitso laka lefaseng ka mokana ga lona.”
18 Modimo o ba kwela go baba bo a ba nyakang mara o lisetsa bo ba nang le tšhinghi ba ba le tšhinghi.
19 Le nyoko re gaka: “Ke ntaba a fo ya mahlong a re re sinnye? Ayitsano o gona wa go ka phigisana le tso Modimo a di nyakang?”
20 Ke wene mang wa go ka fetolana le Modimo? Ayitsano selo so se makiwweng se ka butsisa mong wa sona sa re: “Ke ntaba o mmakiye ka mokgo?”
21 Anthe motho wa go bereka ka botsopa a yi yene a kgetang gore o nyoko maka ying ka byona, mo a tseya byo bongwana a maka sitša sa go hlompega ke mokane a tseya byo bongwana a fo maka sitša sa go sa re selo?
22 Go fo tshwana le ka Modimo, ke yene a kgetang gore o kwata byang fote o šupetsa gore o na le matšhika ga bo ba gore baa mo kwatisa a kene a ba lefisele pelo. Le mo Modimo di nyakiye gore a šupetse ka mokgo a kwatiyeng ka gona le ka mokgo a nang le matšhika, mara o f’lo ba lisetsa a boya a ba lefisela pelo, bo ba gore ba tshwana le ditša tsa gore go tshwanele go fele ka tsona.
23 Dilo tsowa o di makele gore a thogo šupetsa bo ba gore o nyoko ba kwela go baba gore o na le matšhika fote ne a ba lukiselela gore a thogo ba gadimisa.
24 Ke rune ba gore o re bitsiye ga Majuda le ga ditšhaba tse dingwana.
25 Go fo tshwana le ka mokgo a hlayyeng botala a berekisa Hoseya mo a hlaya gore: “Ba gore a yi baka ke nyoko ba bitsa gore ke ‘baka,’ fote bo ke mo ba sa nyakiwi ke nyoko ba bitsa gore ke mo ba ‘nyakiwa,’
26 ga dipoleke tsa gore o yitseri ga bona, ‘A yi lune batho baka,’ o nyoko tla a re ke lune ‘barwayi ba Modimo wa go phela.’”
27 Jesaya o lla ka Israyele o re: “Le mo batho ba Israyele ba tlele go tshwana le santa ya lewatle, a yi ba go tlala ba gore ba nyoko phonisiwa.
28 Jehova o nyoko yahlula lefase ka go yakgoswa fote a ka sa sinyi nako.”
29 Jesaya mo a porofeta o yitseri: “Hala Jehova wa go lawola mangeloyi ya ku legedimong a sa re šiyela setlogolwane* ka ssoši ne go nyoko fela ka rune go tshwana le Sodoma le Ghomora.”
30 Byalo re nyoko re king mara? Batho ba ditšhaba tse dingwana ba šupetsiye gore ba na le tumelo fote Modimo o ba tseya ba lukiye le mo ba kene ba sa latelele dilo tsa go loka;
31 le mo Israyele yi latelela molawo wa go loka, a ya di kgona go phela ka molawo wone.
32 Ke ntaba? Ka taba la gore a baa wo latelela fote a baa maka so ba dumelang ga sona fote di ba phiriketsiye, ba wa.
33 Go ya ka mokgo mangwalo ma hlayang ma re: “Ke beya letlapa Tsiyoni la go maka gore batho ba phiriketsege le letlapa la go ba ghula mara ye a dumelang ga lona a ka sa šale a tšebiye.”
Ditwaba
^ Gabutšibutši ke “pewu.”
^ Gabutšibutši ke “pewu.”
^ Gabutšibutši ke “pewu.”
^ Gabutšibutši ke “pewu.”
