Tsowa di Hlatolla ke Matewu 10:1-42
10 Jeso a bitsa malata yage 12 ya wona ke mokane a ma neya matšhika ya go raka madimona, gore malata yane ma thogo yalafa malwele ya mehlobohlobo le bokoka.
2 Mabitso ya mapostola ya Jeso 12 ya wona ke yawa: Wa mathomo ke Simoni ye ba reng ke Petro le bhuti wage ye ba reng ke Andreya, Jakobo morwayi wa Zebediya le bhuti wage ye ba reng ke Johane;
3 Filipi le Bhatholomeyo, Tomase le Matewu wa go patedisa mothelo; morwayi wa Alifiyosi ye ba reng ke Jakobo le Thadewo;
4 Simoni wa Lekanana;* le Judase Iskariyoti wa gore o yye a fetsa a rekisiye Jeso.
5 Ke mo ba le 12 mo Jeso a ba roma a boya a ba layelela a re: “Le sa sepele ka pata ya ba ditšhaba fote le sa kene ga dipoleke tsa Masamariya,
6 mara le nyakeneng dinku tso tsa go lahlega tsa ntlo ya Israyele.
7 Mo le kene le sepela le tšhomayele le re: ‘Mmušo wa magedimo wo šutele.’
8 Le yalafeneng ba go lwala, le tsose bo ba timeleng, le yalafeneng ba go ba le bolwele bya go jega dinama byo ba reng ke lephera, le rake le madimona. Modimo o le neyye mahala, le lune le sa patedisi.
9 Le sa tseyeneng gholdi kela silva kela koporo, le re le nyoko tšhela ka teng ga dikhwama tsa tšheleta,
10 le sa rwale sekhwama sa go tšhela tsa go ja, ka taba la gore ye a berekang o tshwanele go neyiwa tsa go ja. Fote le sa tseye dikobo ka dipedi,* kela dimphašane, kela thoka.
11 “Mo le segela ga poleke ye nngwana le ye nngwana, le nyakeneng ba gore ba tlalele ga tso tsa Modimo, le duleneng nabo go segela le sepela.
12 Mo le kena ga mutši wone le ba tamise.
13 Mo nkare mone mutšing ba tlalele ga tso tsa Modimo, ba dule ba bebiye, mara mo nkare a baa tlalela ka mo ga tso tsa Modimo, lune le dule le bebiye.
14 Go gongwana le go gongwana mo ba le raka kela ba sa le theetsele, le tirothotheneng mawoto mo le tloga mone mutšing.
15 Nnete ke ya le botsa, tso di nyoko makegelang mutši wone ka Letšatši la go Yahlula, di nyoko feta tso di makegeleng Sodoma le Ghomora.
16 Byalo ke le roma go tshwana le dinku gare ga diphukubye, hlalefaneng go tshwana le dinoga, mara le duleneng le yediye go tshwana le maliba.
17 Le pasopeneng, ka taba la gore go nyoko ba le batho ba go le yisa dikhota, fote ba nyoko le hlupegisa disinagogeng tsa bona.
18 Ba nyoko le yisa ga ba go lawola le magoši, gore le thogo neya bohlatse ga bona le ga ditšhaba.
19 Mara mo ba le yisa gana hone, le sa šekedisi ke gore le ye segela le re king, ka taba la gore tso le nyoko di bolabolang le ko di tšiba ka nako yonone.
20 A yi lune le nyoko bolabolang, le nyoko gelepa ke moya wa go hlawolega wa Papa wa lune wa ku magedimong.
21 Fote motho o nyoko jikela ngwana gabo gore ba mmolaye, ke mokane papa a jikele ngwanage, fote bana ba nyoko jikela babelegi ba bona ba fetse ba ba bolayye.
22 Fote batho ka mokana ga bona ba nyoko le hloya ka taba la lebitso laka, mara ye a tiyiselang* go segela mafelelong o nyoko phonisiwa.
23 Mo ba le hlupegisa le tšhabeleneng ga poleke ye nngwana, nnete ke ya le botsa, le ka sa yenetse dipoleke tsa Israyele ka mokana ga tsona, go segela Morwayi wa motho a segela.
24 “Ye ba mo tšhutisang a ka sa phale thitšere yage, le sebereki se ka sa phale mong wa sona.
25 Di gabutši mo ye ba mo tšhutisang a tshwana le thitšere yage, fote sebereki le sona se tshwana le mong wa sona. Mo batho ba bitsa mong wa mutši gore ke Bhelzebhabho,* le ba mutši wone ba nyoko tshwana naye.
26 Byalo le sa ba tšhabe, ka taba la gore selo sa gore ba se khurumetsiye ba nyoko se khurumulla, le sephiri se sengwana le se sengwana se nyoko tšibega.
27 Tso ke le botsang tsona letshwifing le di bolaboleneng mahlong ga batho, le tso ke le sebelang tsona le di tšhomayeleneng le yemme gedimo ga dintlo.
28 Le sa tšhabe batho ba gore ba ka kgona go le bolaya mara ba ka sa kgone go le thibelela go kraya lephelo la go ya go yye, mara di nyaka le tšhaba wa gore a ka le kona lephelo a boya a le bošela Ghehena.*
29 Ditiyane ka dipedi di rekisiwa ka peni ya lešidi, akere? Mara le ka yyoši yi ka sa wele fase Papa wa lune a sa di tšibi.
30 Le mong meriri ya mo dihlogong tsa lune yi balediwwe ka mokana ga yona.
31 Byalo le sa tšhabeneng ka taba la gore lune le phala ditiyane tsa go tlala.
32 “Ye a bolabolang ka nna mahlong ga batho, le nna ke nyoko bolabola ka yene mahlong ga Papa ye a leng ku magedimong.
33 Mara ye a makang nkare aa ntšibi mo a le mahlong ga batho, le nna nko maka nkare a ke mo tšibi mahlong ga Papa ye a leng ku magedimong.
34 Le sa tseye nkare ke tlisiye go beba ho lefaseng, a ka leya go beba mara ke leyye sabola.
35 Ke tlele go yahluganya motho le papage, morwediya le mmane wage, le makoti le matsalage.
36 Ka nnete manaba ya motho go nyoko ba ba mutši wa gabo.
37 Ye a kwanang le papage kela mmane wage ka matla go feta nna, a ka sa be lelata laka; le ye a kwanang le morwayi wage kela morwediya wage go feta nna, a ka sa be lelata laka.
38 Le ye a sa tseyeng phate yage ya mohlupego* a nšala nthago, a ka sa be lelata laka.
39 Ye a nyakang go phonisa lephelo lage o nyoko le loba, le ye a lobang lephelo lage ka taba laka o nyoko le kraya.
40 “Ye a le yamogelang o yamogela le nna, fote le ye a n’yamogelang o yamogela le Ye a nrommeng.
41 Ye a yamogelang motho ka taba la gore motho yene ke moporofeta, o nyoko kraya patela ya go lekana le ya moporofeta yene, le ye a yamogelang motho wa go loka ka taba la gore motho yene o lukiye, o nyoko kraya patela ya go lekana le ya motho yene wa go loka.
42 Fote ye mongwana le ye mongwana ye a neyang bowa ba banyana komitši ya meetši ya go batela gore ba nwe ka taba la gore yene go le lelata, nnete ke ya le botsa, patela yage o nyoko yi kraya.”
Ditwaba
^ Kela “wa go ba le matšato.”
^ Kela “kobo ye nngwana.”
^ Kela “tiyiseleng.”
^ Lebitso la Sathane, wa go lawola madimona.
^ Bala ga Dihlatollo Tsa Mantsu.
^ Bala ga Dihlatollo Tsa Mantsu.
