Tsowa di Hlatolla ke Matewu 15:1-39
15 Mafaraseyi le bomabhalane ba tlile ga Jeso ba tšwa Jerusalema, ba segela ba re:
2 “Ke ntaba malata yago ma sa latelele setšo sa bokokwane ba rune? Mo re beyisa, a ba hlape* matsogo mo ba nyoko ja.”
3 Mo a ba fetola a re: “Ke ntaba le tshela molawo wa Modimo ka taba la setšo sa lune?
4 Mo re beyisa, Modimo o yitseri, ‘Hlompa papago le mmane wago,’ a boya a re ‘Ye a rogelelang papage kela mmane wage a bolayiwe.’
5 Mara lune le re, ‘Ye a botsang mmane wage kela papage gore: “Tso ke nang natso tsa gore ne nka go gelepa ka tsona ke di neyye Modimo,”
6 a di nyake a šinya a hlompa papage.’ Byalo le phagele lentsu la Modimo ku thoko ka taba la setšo sa lune.
7 Lune ba go timakisa, Jesaya o porofitiye ka lune mo a re:
8 ‘Batho bowa ba nthanaka ka melomo ya bona, mara dipelo tsa bona di kgole le nna.
9 A di thuši ka selo mo ba nrapela, ka taba la gore ba tšhutisa melawo ya batho nkare ke melawo ya Modimo.’”
10 Ke mokane a bitsa mogoba a re ga wona: “Theetselaneng taba yowa le yi kwisise:
11 Motho aa thilafatse ke so se kenang ka molomong wage, mara o thilafatsa ke so se tšwang molomong wage.”
12 Malata ya Jeso ma re gage: “Nje wa di tšiba tsa gore Mafaraseyi ma kwatisiye ke tso o di hlayyeng?”
13 Ke mokane Jeso a re: “Sehlare se sengwana le se sengwana sa gore a se ya gaša ke Papa se nyoko tomudiwa.
14 Ba lisetseneng ba kwate. Ba yetetsa ba bangwana ba kene ba popele maahlo. Mo motho wa go popela maahlo a yetetsa motho ye mongwana wa go popela maahlo, ba nyoko goromela sekoting ba le ka babedi.”
15 Petro a re gage: “Re hlatollele mošupetso wone gore wo ra gore king.”
16 Jeso a re: “Le ra gore a le soko kwisisa?
17 Anthe a le tšibi gore tso motho a di jang di ya maleng ke mokane dya fetela mokoting wa dithila?
18 Mara se sengwana le se sengwana sa gore se tšwa molomong wa motho se ba se tšwa pelong, fote sosone se thilafatsa motho.
19 Mo re beyisa, ka pelong go tšwa dilo tsa go sa ye ka tsela ke tsowa: tsa go bolayana, go maka tsa maroga le motho wa gore a wa šadha naye, bonghwahla,* go yetswa, go bolabola matsaka le go rogelela.
20 Tsotsone ke tsona tso di thilafatsang motho, mara go ja o sa hlapa matsogo* a di thilafatse motho.”
21 Mo Jeso a tloga hone o yye Tira le Sidoni.
22 Gwa tla mosadi wa Lefunišiya a tšwa ga dinaga tsone, a llela Jeso a re: “Nkwele go baba Morena, wene Morwayi wa Dafita. Morwediya waka o kenne ke ledimona fote le ya mo hlupa ka matla.”
23 Mara Jeso a sanka a mo fetola. Ke mokane malata yage ma mo kgopela ma re: “Mo rake, ka taba la gore o fo ba a re šele nthago a re llela.”
24 Jeso a re: “Modimo aa nroma go gongwana, o nromele ga dinku tsa gore di lahlegiye tsa ntlo ya Israyele.”
25 Mosadi yela a tla ga Jeso, a segela a mo thinyela letolo* a re gage: “Morena, n’gelepe barena!”
26 Mo Jeso a fetola a re: “A di gabutši go tseya tsa go ja tsa dibananyana o di neya dimpsyanyana.”
27 Mosadi yela a re ga Jeso: “Wa resa Morena, mara dimpsyanyana di ja mawudu ya ma welang ka fase ga ditafola tsa beng ba tsona.”
28 Jeso a re gage: “Tumelo yago ke ye kgolo wene mosadi, tso o di kgopelang di makege ka mokgo o nyakang.” Ke mokane morwediya wage a napa a fola ka nako yonone.
29 Mo Jeso a tloga mone, o yye thina le lewatle la Galeliya ke mokane a yinugela thabeng a segela a dula.
30 Mogoba wa mo leyela digole, ba gore ke dimumu, ba go popela maahlo, le ba bangwana ba go nyaka go yalafiwa, ba ba yetsedisa thina ga mawoto yage ke mokane a ba yalafa.
31 Mogoba wone wo yye wa makala, wa boya wa thanaka Modimo mo wo bona dimumu di bolabola, digole di sepela le ba go popela maahlo ba bona.
32 Mara Jeso a bitsa malata yage a re: “Mogoba wowa wo nkwisa go baba, ka taba la gore wo fetsiye matšatši ka mararo wo na le nna wo sa je selo. A ke nyake gore wo ye gaye wo kene wo kwa tlala, ka taba la gore wo ka wa mo pateng.”
33 Mara malata yage ma re: “Re nyoko se kraya kaye sekgwa sa go yenetsa batho ba go tlala ka mokgo gana howa ga poleke ya gore yi thoko?”
34 Mo ba reyane, Jeso a re ga bona: “Le na le malofo ka makaye?” Ba re gage: “Kašupa ya wona, le dihlapi tse dinyananyana.”
35 Byalo mo a fetsa go botsa mogoba gore wo dule fase,
36 a tseya malofo yala kašupa ya wona le dihlapi tsela, mo a fetsa go rapela, a ma ngathetselanya a neya malata yage, ke mokane wona ma phakisa megoba.
37 Ka mokana ga bona ba ja ba kgora, ke mokane malata ma tlatsa memantši ye megolo kašupa ya yona ka dingatha tso di šeleng.
38 Bo ke mo ba ja ke mo go le banna ba gana hala ga 4 000 le basadi le dibananyana.
39 Mo Jeso a fetsa go palakanya mogoba wone, a kalama sekepe a ya Maghadani.
Ditwaba
^ Mafaraseyi le Majuda ya mangwana ke mo ma hlapa matsogo go ya ka ditšo tsa wona.
^ Lentsu la segerika la por·nei′a. Bala ga Dihlatollo Tsa Mantsu.
^ Ke gore, Go ya ka setšo
^ Kela “Go kgotama.”
