Tsowa di Hlatolla ke Matewu 17:1-27
17 Ka nthago ga kobodi ya matšatši, Jeso a tseya Petro, Jakobo le Johane a ya nabo thabeng ya go lefa.
2 Ke mokane a tšhentšha mo a kene a le nabo, fote ho mahlong gage gwa thomisa go gadima go tshwana le letšatši, kobo yage ya khanya go tshwana le llampa.
3 Gwa nyarela Moše le Eliya ba bolabola naye.
4 Byalo Petro a re ga Jeso: “Morena, di gabutši gore re be howa. Mo o nyaka, nka fo hloma matente ka mararo, ka lloši go be lago, ka lloši go be la Moše le lengwana go be la Eliya.”
5 Ho Petro a sa bolabola, gwa nyarela liru la ba kogetsa, ke mokane gwa kwagala lentsu le tšwa lirung la re: “Yewa ke Morwayi waka ye ke mo nyakang ka matla, ke mo yamogele. Le mo theetseleneng.”
6 Mo malata ma kwa tsotsone, ma yye ma wela fase ma šala ma hlagasela.
7 Ke mokane Jeso a tla a ma tshwara a re: “Tlogamelaneng. Le sa tšhabe selo.”
8 Mo ma lebelela gedimo, ma sa bone motho mara ma fo bona Jeso a ntoši.
9 Mo ba kene ba thewoga hala thabeng, Jeso a ma botsa a tiyisiye ganong a re: “Le sa botseneng motho ka mmono wowa, go segela Morwayi wa motho a tsusiwa.”
10 Mara malata yage ma mmutsisa gore: “Anthe ke ntaba bomabhalane ba re Kreste o tshwanele a tle ka nthago ga Eliya?”
11 Mo Jeso a fetola a re: “Ka nnete Eliya o ye tla, o nyoko maka gore batho ba kwane le Modimo.
12 Ke re ga lune, Eliya o šele a tlile mara a baa mmona, ba f’lo mo maka tso ba di nyakang. Le Morwayi wa motho ba nyoko mo hlorisa ka mokgonone.”
13 Malata yage ke mo ma tseya nkare o bolabola nabo ka Johane wa go Kolobetsa.
14 Mo ba kene ba šutela thina le mogoba, monna ye mongwana o yye a tla a mo kgotamela a re:
15 “Morena, kwela morwayi waka go baba, ka taba la gore wa lwala. O na le bolwele bya go wa, ga go tlala o wela mollong le meetšing.
16 Ke mo tlisiye ga malata yago, mara ma šitegiye go mo yalafa.”
17 Ke mokane Jeso a re: “Lune moloko wa go hloka tumelo le wa go sa tshepege, le nyaka ke dula ke le gelepa go segela leng? Ke tshwanele ke tiyisele tso le di makang go segela leng? Mo leyeneng ho gaka.”
18 Jeso a raka ledimona lela, la tšwa gage fote mošomanyana yela a napa a fola ka nako yonone.
19 Ke mokane malata ya Jeso ma tla gage ma re: “Ke ntaba rune re šitegiye go le raka?”
20 A re ga bona: “Taba ke gore tumelo ya lune ke ye nyana. Nnete ke re ga lune, ho le ka ba le tumelo ye nyananyana ya go lekana le pewu ya mmasetete le nyoko re ga thaba yowa, ‘Tloga howa o ye hala,’ ke mokane yi nyoko tloga fote le ka sa šiti ke selo.”
21 ——
22 Ke mo ba kgobakanne ka mokana ga bona hala Galeliya mo Jeso a re: “Morwayi wa motho o nyoko rekisiwa,
23 fote ba nyoko mmolaya, ke mokane ka letšatši la boraro o nyoko tsusiwa.” Ba kwa go baba ka matla.
24 Ho ba segela hala Kapernawume, monna ye ne a koleka mothelo wa tempele* a re ga Petro: “Anthe thitšere ya lune a yi patele mothelo wa tempele?”
25 Petro a re: “Eya.” Mara ho a kena ka ntlong, Jeso a bolabola naye a re: “O ka re king mara wene Simone? Ke mang ye a patelang mothelo ga ba go lawola? Ke barwayi ba bona kela ke batho ba gore a ba ba tšibi?”
26 Mo a re: “Ga batho ba gore a ba ba tšibi,” Jeso a re gage: “Barwayi ba kgoši a baa tshwanela go patela mothelo.
27 Mara gore re sa ba phiriketsi, ariye hala lewatleng o bošele selobo, hlapi yo o ko bang o yi tannye, o bule molomo wa yona, o ko kraya tšheleta ya silva.* O yi tseye we ba neyeng, o patelele nna nago.”
Ditwaba
^ Gabutšibutši ke didhrakimate ka dipedi tsa go lekana le tšheleta yo motho a yi golang mo a berekiye matšatši ka mabedi.
^ Gabutšibutši ke “tšheleta ya tshipi” ya go lekana le didhrakima ka dine.
