Tsowa di Hlatolla ke Matewu 23:1-39
23 Jeso a bolabola le megoba le malata yage, a re:
2 “Bomabhalane le Mafaraseyi ba timakiye Moše.
3 Byalo, tso ba le botsang tsona le di make fote le di theetsele, le sa make tso ba di makang, ka taba la gore ba hlaya dilo mara a ba di make.
4 Ba tlemelela merwalo ya go roba ba yi rwesa batho ba bangwana, mara bona beng a ba nyake le go yi tikisa.
5 Mo ba maka dilo ba nyaka gore batho ba ba bone, ba titlemelela dibhokisane tsa go ba le mangwalo, bona beng ba tseya nkare ba tipasopa ga dilo tsa go befa, fote ba lefisiye le matšhembhutšhembhu ya dikobo tsa bona.
6 Ba kwana le ditulo tsa mayemo mo ba le menyanyeng, fote mo ba le disinagogeng ba nyaka go dula ka ku mahlong.
7 Ba kwana natso tsa go tamisiwa ho ba le ku memmakete fote ba nyaka gore batho ba ba bitse gore ke bona bo Rabi.*
8 Mara lune le sa bitsanane bo Rabi ka taba la gore Thitšere ya lune nka yyoši, lune ka mokana ga lune ke lune bobhuti.
9 Fote le sa bitse motho wa mo lefaseng le re ke papa, ka taba la gore Papa wa lune nka wwoši, ye a leng ku legedimong.
10 Le sa bitsi motho le re ke moyetamahlong, ka taba la gore wa go le yeta mahlong nka wwoši, ke Kreste.
11 Ye a nyakang go ba ye mogolo ga lune a thomise ka go ba lelata la lune.
12 Modimo o nyoko nyanafatsa motho wa gore wa tigudisa, mara wa gore wa tinyanafatsa, o nyoko mo gudisa.
13 “Le ko tikweleng lune bomabhalane le Mafaraseyi, lune ba go timakisa! Ka taba la gore le thibelela batho ba bangwana gore ba sa kene Mmušong wa magedimo, mara le lune le ka sa kene, fote le bo ba gore ba thina le go kena le fo ba thibelela.
14 ——
15 “Le ko tikweleng lune bomabhalane le Mafaraseyi, lune ba go timakisa! Ka taba la gore le fo yinghayingha le naga le tshela le mawatle le ye maka batho gore go be Majuda, ke mokane mo motho yene go le Lejuda, le mo maka gore a nape a sinya ka matla go feta lune, gore a thogo yisiwa Ghehena.*
16 “Le ko tikweleng lune ba go yetetsa batho le kene le popele maahlo, lune le re, ‘Mo motho a tshepisa ka tempele aa sinyi, mara mo motho a tshepisa ka gholdi ya tempele o tshwanele a make dilo ka mokana ga tsona tso a tshepisang gore o nyoko di maka.’
17 Lune diphokophoko le ba go popela maahlo! Anthe se segolo ke sefeng, ke gholdi kela ke tempele yo yi makiyeng gore gholdi yone yi gadime?
18 Fote le re, ‘Mo motho a tshepisa ka aletare aa sinyi, mara ye a tshepisang ka sehlabelo so se yisiwang gana hone aletareng, o tshwanele a make ka mokgo a tshepisiyeng.’
19 Lune ba go popela maahlo! Anthe se segolo ke sefeng, ke sehlabelo kela ke aletare yo yi makiyeng gore sehlabelo sone se nkgele?
20 Byalo, ye a tshepisang ka aletare, o tshepisa ka yona le ka dilo ka mokana ga tsona tso di leng ga yona;
21 le ye a tshepisang ka tempele, aa fo tshepisa ka yona fela, o tshepisa le ka Modimo wa gore tempele yone ke yage;
22 le ye a tshepisang ka legedimo, o tshepisa selo se segolo ka taba la gore ku legedimong go na le setulo sa Modimo fote o tshepisa le ka Ye a se duleleng.
23 “Le ko tikweleng lune bomabhalane le Mafaraseyi, lune ba go timakisa! Ka taba la gore mo le leya sa lesome, le leya minti, dhili, le khiyumini,* mara le nyatsa dilo tse dikgolo tsa Molawo wa Moše wa gore go be le go loka, go kwelana go baba le go tshepega. Dilo tsowa ke mo di tshwanele gore di makiwe, mara a di rele gore le sa yise felo ka tse dingwana.
24 Lune ba go popela maahlo, le tobollwa bošunyane mo bo wele ga tso le di nwang, mara le kgwisa kamela!
25 “Le ko tikweleng lune bomabhalane le Mafaraseyi, lune ba go timakisa! Ka taba la gore le kalakatswa komitši le sitša ka mo tawong, mara ka mo teng di f’lo re mbho ka dipawo fote le šitega le go titshwara.
26 Lune Mafaraseyi ya go popela maahlo, thomisaneng ka go hlatswa dikomitši le ditša tsa lune ka ho teng, gore di thogo yela le ka ho tawong.
27 “Le ko tikweleng lune bomabhalane le Mafaraseyi, lune ba go timakisa! Ka taba la gore le fo tshwana le mabitla ya go pentiwa, ka mo tawong ma šupa ma bafele mara ka ho teng ma tlele ka mašapo le dithila.
28 Le lune ho batho ba le lebelele ba ka tseya nkare le lukiye, mara a le na molawo fote le ya timakisa.
29 “Le ko tikweleng lune bomabhalane le Mafaraseyi, lune ba go timakisa! Ka taba la gore le yaga mabitla ya baporofeta fote le kgabisa matlapa ya bo ba go loka,
30 mara le kene le re, ‘Hala re yye ra phela ka dinako tsa bokokwane ba rune, ne re ka sa tšhele letsogo mo ba bolaya baporofeta.’
31 Byalo le lune le fo tišupetsa gore ke lune bana ba batho bala ba go bolaya baporofeta.
32 Go lukiye, napaneng le sinyanya le šinye le phala le bokokwane ba lune.
33 “Lune dinoga, bana ba marabye, ayitsano le nyoko phona Ghehena?*
34 Nka taba lo ke le romelang baporofeta le batho ba go hlalefa le batho ba go le tšhutisa. Le nyoko bolaya ba bangwana ba gona la ba kokotela diphateng, ba bangwana le nyoko ba teya mo ba tla disanagogeng tsa lune, fote le nyoko ba hlupegisa ga dipoleke ka mokana ga tsona,
35 gore le fete le molato wa madi ya batho ba go loka, go tlugisela ka madi ya Abele wa go loka go segela ka madi ya Zakariya morwayi wa Bharakhiya wa gore le mmolayye gare ga tempele le aletare.
36 Nnete ke ya le botsa, dilo tso ka mokana ga tsona di nyoko tlela moloko wowa.
37 “Jerusalema, Jerusalema, wene wa go bolaya baporofeta fote bo ba ba rommeng gago o ba pshyaya ka matlapa—ke botala ke nyaka go kgobaketsa bana bago go tshwana le mo kgokgo yi koramela ditšonyana tsa yona! Mara ke mo le sa nyake.
38 Ntlo ya lune ba nyoko le šiya nayo.
39 Ke ya le botsa, go tlugisela gana byalo le ka sa sa mpona go segela le re, ‘Go rufegiye ye a tlang ka lebitso la Jehova!’”
Ditwaba
^ Kela “Baruti.”
^ Bala ga Dihlatollo Tsa Mantsu.
^ Ke tso di tšhelatšhediwang tsa go jeng mo ba yapega gore di thogo natefa.
^ Bala ga Dihlatollo Tsa Mantsu.
