Tsowa di Hlatolla ke Matewu 25:1-46
25 “Byalo, Mmušo wa magedimo re ka wo tshwanisa le lesome la makgareba, ya gore ma yye ma tseya malampa ya wona gore ma ye gahlanetsa mokgwenyane.
2 Kapheta ya makgareba ke mo go le diphokophoko, ya mangwana kapheta ya wona ke mo ma hlalefiye.
3 Yawa ya diphokophoko ma yye ma fo rwala malampa ya wona, mara ma šiya makgura,
4 yala ya go hlalefa wona ma yye ma rwala makgura le malampa.
5 Mo mokgwenyane a sa diyega, ma yye ma kobola ka mokana ga wona ma fetsa ma yetsele.
6 Ke mokane gare ga bošego, batho ba yye ba yahlamela ba re: ‘Mokgwenyane ke yenene! Ariyeneng le ye mo gahlanetseng.’
7 Makgareba yala ka mokana ga wona ma tsoga ma lukisa malampa ya wona.
8 Yala ya diphokophoko ma botsa yala ya go hlalefa ma re: ‘Re topetseleneng makgura, ka taba la gore malampa ya rune ma nyoko tima go se botala.’
9 Yala ya go hlalefa ma re: ‘Ma ka sa re lekane ka mokana ga rune. Ariyeneng ga bala ba go rekisa le ye tirekela ya lune.’
10 Mo ba sa yye, mokgwenyane yela a segela. Makgareba yala ya gore ne ma mo yemele ma kena naye mone monyanyeng, ke mokane ba kwala sekwalo.
11 Ka nthago makgareba yala ya mangwana ma boya, ma segela ma re: ‘Morena, Morena, re bulele!’
12 Mo a ma fetola a re: ‘Nnete ke ya le botsa, a ke le tšibi.’
13 “Dulaneng le ntshiye maahlo dikwakweng, ka taba la gore a le tšibi letšatši le nako.
14 “Di fo tshwana le mo monna a vakašela polekeng ya kgole ke mokane a bitsa malata yage gore a ma šiye le dilo tsage.
15 O neyye ka lloši ditalente ka dihlano,* le lengwana a le neya ka dipedi, le lengwana ka yyoši, ka mokana ga wona a ma neya tso di ma lekanneng ke mokane yene a sepela.
16 Lela la gore ba le neyye ditalente ka dihlano le yye la tloga la ye maka bhisinisi ka tsona, tšheleta yela ya boya yi tlele.
17 Le lela ba le neyyeng ka dipedi le yye la boya natso di tswele tse dingwana ka dipedi.
18 Mara lelata lela la gore ba le neyye talente ka yyoši le f’lo yepa mokoti la wutetsa tšheleta* yela ya mong wa lona.
19 “Mo go šele go fitiye nako ya go lefa, mong wa bona o yye a tla a tl’le bona gore ba makiye ying ka tšheleta yela.
20 Lela ba le neyyeng ka dihlano la tla, ke mokane la leya le tsela tse dingwana ka dihlano tsa gore le di tswadisiye, la re: ‘Morena, nna o nneyye ditalente ka dihlano; bona, ke tswadisiye tse dingwana ka dihlano.’
21 Mong wa lona a re: ‘O berekiye, ke wene lelata la gabutši le la go tshepega! O tshepegiye ga dilo tse dinyana. Ke nyoko maka gore o lawole dilo tsa go tlala. Jabola le mong wago.’
22 Gwa tla lela ba le neyyeng ka dipedi la segela la re: ‘Morena, nna o nneyye ka dipedi, bona ke tswadisiye tse dingwana ka dipedi.’
23 Mong wage a re: ‘O berekiye, ke wene lelata la gabutši le la go tshepega! O tshepegiye ga dilo tse dinyana. Ke nyoko maka gore o lawole dilo tsa go tlala. Jabola le mong wago.’
24 “Gwa fetsa go tlile lelata lela la gore ba le neyye talente ka yyoši la segela la re: ‘Ke ya di tšiba tsa gore wene wa garatsa, o nyaka go buna mo o sa gašang, fote o fo nyaka go tseya selo so o sa se berekelang.
25 Byalo nna ke tšhabiye go yi berekisa, ka fo yi tseya ka yi wutetsa ka mokoting. Tseya so go leng sago.’
26 Mo mong wage a fetola a re: ‘Wene lelata la go tshwata, akere o di tšiba gabutši gore ke buna mo ke sa gašang fote ke tseya so go seng saka?
27 Nke o f’lo tseya tšheleta* yaka wa yi yisa pankeng, ne ke nyoko yi kraya yi tswele mo ke boya.
28 “‘Byalo mo yamogeneng talente yone le neyeneng yela wa go ba le lesome la tsona.
29 Ka taba la gore ye a nang le se sengwana o nyoko yeketsediwa ga so a nang naso ke mokane sa napa se tlala. Mara wa gore aa na selo ba nyoko mo yamoga le so a nang naso.
30 Lelata lone la go sa re selo le le bošeleneng ku letshwifing. Gana hone le nyoko gotla la loma le meno.’
31 “Mo Morwayi wa motho a tla ka matšhika ya go lawola ya gore o ma neyye ke Papage, o nyoko tla le mangeloyi yage, ke mokane a dula setulong sage sa go lawola.
32 Ditšhaba ka mokana ga tsona di ko ba di kgobakanne mahlong gage, o nyoko hlawola batho go tshwana le mo wa go disa a hlawola dinku ga dipudi.
33 Dinku o nyoko di beya ga letsogo lage la go ja, a beya dipudi ga la mpata.
34 “Kgoši yi nyoko bolabola le bo ba ko bang ba le ga letsogo la go ja ya re: ‘Tlaneneng ho gaka lune ba gore Papa o le rufiye, le tseyeneng dilo tso Modimo a le rufiyeng ka tsona go tlugisela botala tsa Mmušo wage.
35 Ka taba la gore ke mo ke kwa tlala, lune la nneya tsa go ja; ka wongwa la nneya sa go nwa. Ke mo le sa ntšibi mara le yye la fo n’yamogela la ntshwara gabutši;
36 la ntšwesa nakwela ke sa tšwara gabutši.* Ke yye ka lwala la mpasopa. Ka ya jele la tla la mvakašela.’
37 Ke mokane wa go loka o nyoko mo fetola ka mantsu ya gore: ‘Morena, re go bonne leng o kwa tlala ra go neya tsa go ja, kela o wonngwe ra go neya sa go nwa?
38 Ke leng mo re go bonneng re sa go tšibi ra go yamogela, kela o sa tšwara ra go tšwesa?
39 Ke leng mo re go bonneng o lwala kela o le jele ra go vakašela?’
40 Ke mokane Kgoši mo yi ba fetola ya re, ‘Nnete ke ya le botsa, tso le di makeleng bobhuti baka ke setšha le di makele le nna.’
41 “A re ga bo ne ba duli ka letsogong lage la mpata: ‘Tloganeng ho thina gaka lune ba go ba le senyama, le yeneng ku mollong wa go sa timi wa gore ba wo gotsele Diyabolo le mangeloyi yage.
42 Ka gore ke yye ka kwa tlala, la sa nneye tsa go ja; ka wongwa, la sa nneye sa go nwa.
43 Ke mo le sa ntšibi mara a la n’yamogela; ne ke sa tšwara, la sa ntšwese; ne ke lwala ke le jele, la sa mpasope.’
44 Le bona ba nyoko fetola ka mantsu ya gore: ‘Morena re go bonne neng o kwa tlala, o wonngwe, re sa go tšibi kela o sa tšwara fote o le jele mara re sa go pasope?’
45 Ke mokane o nyoko ba fetola a re: ‘Nnete ke ya le botsa, mo le sa makela bobhuti bowa baka, ke setšha le nna le sa mmakela.’
46 Bobone ba nyoko napa ba kgwa, mara ba go loka ba nyoko kraya lephelo la go ya go yye.”
Ditwaba
^ Talente ke setšhotšho sa tšheleta ya tshipi sa go kala 20,4 kg.
^ Gabutšibutši ke “silva.”
^ Gabutšibutši ke “silva.”
^ Kela “nakwela ke sa tšwara.”
