Mebereko ya Mapostola 1:1-26
1 Wene Thiyofilase, taba ya mathomo yo ke ngwadiyeng ka yona ke dilo ka mokana ga tsona tso Jeso a thomisiyeng go di maka le go di tšhutisa
2 go segela ka letšatši lo ba mo yisiyeng legedimong ka nthago ga gore a neye mapostola yage ya a ma hlawodiyeng molawo, a berekisa moya wa go hlawolega.
3 Mo a šele a hlupegisiwwe, a tinyaretsa ga bona a ba šupetsa ka dilo tsa go tlala. Ba fetsiye 40 ya matšatši ba mmona, fote ne a kene a bolabola ka Mmušo wa Modimo.
4 Mo a kene a le nabo, o ba butsiye a re: “Le sa tlogeneng Jerusalema, lune dulaneng le yemele so Papa a se tshepisiyeng sa gore le se kwile ho gaka;
5 ka gore Johane ke mo a kolobetsa ka meetši mara lune go se botala le nyoko kolobetsiwa ka moya wa go hlawolega.”
6 Byalo, mo mapostola ma šele ma gahlanne ma re: “Morena, o tsosa mmušo wa Israyele gana byalo?”
7 A re ga wona: “A di nyake lune gore le tšibe dinako tso Papa a di beyyeng ka matšhika yage.
8 Le nyoko ba le matšhika mo moya wa go hlawolega wo tla ga lune, fote le nyoko ba dihlatse tsaka ho Jerusalema ka mokana ga yona le Judiya le Samariya, go segela dipolekeng tsa kgole tsa lefase.”
9 Mo a fetsa go hlaya tsotsone a yinuga ba kene ba mo lebelele, ke mokane a rwala ke liru, ba sa sa mmona.
10 Mo ba kene ba mo lebelele mo a yinugela gedimo, ka nako yonone gwa segela banna ka babedi ba yapere dikobo tse ditšhwewu ba yema thina nabo
11 ba re: “Lune banna ba Galeliya, ke ntaba le sa yemme mowa le lebelele gedimo? Jeso yewa le mmonang a yinugela legedimong, o nyoko boya ka mokgo le mmonneng a yinuga ka gona.”
12 Byalo, ba boyela Jerusalema ba tšwa ga Thaba yo ba yi bitsang gore ke ya Diolivi, ya gore yi thina le Jerusalema, ke mo go le leyeto lo motho ne ba mo dumelela go le sepela ka sabatha.
13 Mo ba segela ba ya ga kamara ya ka gedimo yo ne ba dula ga yona. Gana hone ke mo go na le Petro, Johane, Jakobo le Andreya, Filipi le Tomase, Bhatholomeyo le Matewu, Jakobo morwayi wa Alfiyosi le Simone wa go ba le matšato le Judase morwayi wa Jakobo.
14 Ke mo ba gahlanne ka taba ka yyoši ya go sa lisetse go rapela, gana hone ke mo go na le basadi ba bangwana, le Mariya mmane wa Jeso ke mo a le gana hone le bobhuti bage.
15 Ka matšatši yane, Petro a tlogamela a yema gare ga magageru yane (mo ma felele ke mo go le 120 ya wona) a re:
16 “Magageru, ke mo di nyakega gore go makege tso di hlayyeng ke lengwalo, tsa gore moya wa go hlawolega wo porofitiye wo berekisa Dafita a bolabola ka Judase, yela wa go yetetsa bo ba tshwereng Jeso.
17 Ka gore ke mo go le ye mongwana wa rune fote le yene ne a maka mmereko wa go tšhomayela.
18 (Morenewa o rekiye tšhomo ka tšheleta ya go sa loka, ke mo a liketsa go tipolaya mara a wa a teya ka hlogo, dimpa tsowa dya thunya gwa tšwa tsa ka teng.
19 Taba yone ya tšibega Jerusalema ka mokana ga yona, tšhomo yone ke mo ba yi bitsa gore ke A·kel′da·ma ka mmolabolo wa bona, ya gore yi rela gore “Tšhomo ya Madi.”)
20 Ka gore go ngwadiwwe ga puku ya Dipisalema gore, ‘Maka gore poleke yo o dulang ga yona yi sinyege, go sa be le poleke ya gore motho a ka dula ga yona, fote le ofisi yage ya go lawola yi tseye ke ye mongwana.’
21 Di gabutši ka matla gore banna bo ne ba na le rune nako ka moka ya mo Morena Jeso a maka mebereko yage a le gare ga rune,
22 go tlugisela nakwela Johane a mo kolobetsa go segela a yinuga a le ho gare ga rune, ye mongwana wa bona o tshwanele a be hlatse le rune.”
23 Byalo, ba kgeta ka babedi, Josefa ye ba reng ke Bharesabhase, wa gore fote ke mo ba re ke Justase, le Mathiyase.
24 Ba rapela ba re: “Barena Jehova, hlawola ka wwoši ga banna bowa ka babedi, gore ke mofeng ye go leng yene
25 gore a be lepostola fote a tšhomayele, ka gore Judase o tšwile pateng a tikela gage.”
26 Ba lahla dikgakgare, dya hlawola Mathiyase ke mokane gwa ba ye mongwana wa mapostola yala 11 ya wona.
