Mebereko ya Mapostola 14:1-28
14 Byalo, mo ba segela Ikoniyamo ba kena sinagogeng sa Majuda ba le ka moka, ba bolabola ka mokgwa wa gore Majuda ya go tlala le Magerika, ma yye ma dumela.
2 Mara Majuda ya go tlala ya ke mo ma sa dumele, ma yye ma dhunghanya batho, ma boya ma kutšetsela ditšhaba gore di sa theetsele magageru.
3 Byalo, Pawulo le Bharenabhase ba fetsiye nako ya go lefanyana ba bolabola ba šišimele ka matšhika ya Jehova, wa gore o berekisiye bona go bolabola ka go loka gage, a berekisa mešupetso le dilo tsa go makatsa.
4 Mara mutši wone ke mo wo sa kwane; ba bangwana ba yema le Majuda, ba bangwana ba yema le mapostola.
5 Mo batho ba ditšhaba le Majuda le ba go lawola ba polana gore ba nyoko ba maka lešidi le go ba pshyaya ka matlapa,
6 ba di kwelela, ba tšhabela dinageng tsa Likhiyoniya, Lisitara le Derebe, le dinageng tsa thina le tsona.
7 Mo ba segela gana hone, ba tšhomayela ditaba tsa go bafala.
8 Byalo, ku Lisitara ke mo go na le morene mongwana wa go ba le mawoto ya go kokoropana. O belegiwwe a golofele, ke mo a soko sepela ho lephelong lage.
9 Monna yene, ke mo a theetsele Pawulo mo a kene a bolabola. Byalo Pawulo a mo lebelela ka mahlong, a di bona gore o na le tumelo ya gore a ka yalafiwa,
10 A bolabolela gedimo a re: “Tlogamela.” Monna yela a yemelela a thomisa go sepela.
11 Mo megoba yi bona tso Pawulo a di makiyeng, ya yahlamela ka mmobolabolo wa Likhiyoniya ya re: “Medimo yi tlile ho ga rune yi timakiye batho!”
12 Ba thomisa go bitsa Bharenabhase gore ke Zewusi, mara ba re Pawulo ke Hemesi ka taba la gore ke mo go bolabola yene ka matla.
13 Mara moprista wa Zewusi, wa gore tempele yage ke mo yi le gheyiting ya mutši wone, a tla le dikgomu tsa pholo le dikgare tsa mabhlomu mone digheyiting, a nyaka go maka dihlabelo le mogoba wone.
14 Mo Bharenabhase le Pawulo ba gore ke mapostola ba di kwelela, ba tlerola dikobo tsa bona, ba tshela ba kena mone mogobeng, ba yahlamela ba re:
15 “Ke ntaba le maka dilo tsowa? Le rune ke rune batho, re tshwana le lune. Re le botsa ditaba tsa go bafala gore le sokologe ga dilo tsa go befa tso le di makang, le ye ga Modimo wa go phela, wa gore o makiye legedimo, lefase, lewatle le dilo ka mokana ga tsona tso di leng ga tsona.
16 Ku botala, o dumelele ditšhaba gore di make tso di nyakang go di maka,
17 mara o makiye dilo tsa gabutši go tišupetsa gore ke yene mang, a le nisela pula ya go tšwa legedimong, a le neya le diyengwa di ya ka dihla tsa tsona, a le yenetsa ka tsa go ja fote a maka gore le jabole.”
18 Le mo ba hlayye tsotsone, mara ne di nyaka ba karakare go segela ba kgona go maka mogoba wone gore wo sa ba rapele.
19 Mara Majuda ya go tšwa Anthiyoko le Ikoniyamo, ma segela ma kutšetsela mogoba, ba pshyaya Pawulo ka matlapa, ba mo gogela ka tawong ga mutši ba tseya nkare o kgwile.
20 Mara mo malata ma mo kgobakanela, a tsoga, a kena ku mutšing. Ka motshwana wa gona, a tloga le Bharenabhase ba ya Derebe.
21 Mo ba fetsa go sabalatsa ditaba tsa go bafala ga mutši wone le go maka gore batho ba go tlalanyana go be malata, ba boyela Lisitara, Ikoniyamo le Anthiyoko.
22 Ba segela ba tiyisa malata ya gana hone, ba ma hlohletsela gore ma sa šepisi, ba re: “Re tshwanele re hlupegisiwe ka matla mo re soko kena Mmušong wa Modimo.”
23 Go tokegela gana hone, ho ba fetsa go rapela le go tikona tsa go ja, ba hlawola bagolo ga phutego ye nngwana le ye nngwana, ba ba neyela ga Jehova wa gore ba dumela gage.
24 Ke mokane ba bhukulela Phisidiya, ba kena Phamfiliya,
25 mo ba fetsa go tšhomayela ku Perega, ba ya Athaliya.
26 Mo ba tloga hone, ba ya Anthiyoko ka sekepe ga gore magageru ma yye ma rapelela Pawulo gore nkare Modimo a ka ba naye, go segela a fetsa go maka mmereko wage.
27 Mo ba šele ba segele, ba kgobakanya phutego, ba ba hlayisela dilo tsa go tlala tso Modimo a di makiyeng a berekisa bona, tsotsone dya maka gore ditšhaba di be le tumelo.
28 Ba dula nako ya go lefanyana ba na le malata.
