Mebereko ya Mapostola 18:1-28
18 Ka nthago ga dilo tsone, a tloga Athene a ya Korente.
2 A kraya Lejuda le lengwana lo ba reng ke Akhwila, la gore le belegiwwe Pontase mara le tšwa Ithali le mosadi wa lona ye ba reng ke Phrisilla ka taba la gore Tlelodiyase o yitseri Majuda ka mokana ga wona ma tloge Roma. Byalo, Pawulo a ya ga bona
3 ka taba la gore ke mo ba maka mmereko wa go tshwana, o yye a dula nabo ba maka matente.
4 Ke mo a tšhomayela* ku sinagogeng sabatha ye nngwana le ye nngwana, a liketsa go maka gore Majuda le Magerika ma dumele ga Jeso.
5 Byalo, mo Silase le Thimothi ba tla ba tšwa Masedoniya, Pawulo o yye a napa a tshwaragana ka mmereko wone, a tšhomayelela Majuda a nyaka go ma šupetsa gore Jeso ke Kreste.
6 Mara ka nthago ga gore ba mo ganetse fote ba mo poyile, a ruthutha dikobo tsage a re ga bona: “Mo le ka kgwa, go ko ba go le tsa lune. Nna ke tšwile molatong. Go tlugisela gana byalo ke nyoko ya ga batho ba ditšhaba.”
7 A tloga mone* a ya ga ntlo ya monna ye mongwana ye ba reng ke Titosi Justase wa go rapela Modimo, wa gore ntlo yage ke mo yi le thina le sinagoge.
8 Mara Khrisipase wa go wokamela sinagoge le mutši wage ka mokana ga wona, ba dumela ga Morena. Le batho ba go tlala ba ku Korente ba gore ba yye ba di kwelela, ba thomisa go dumela fote ba kolobetsiwa.
9 Go tokegela gana hone, Morena a bolabola le Pawulo bošego a berekisa mmono, a re: “Ariye mahlong o bolabola, o sa tšhabe fote o sa kgomolele,
10 ka taba la gore ke nago fote aa šiyo wa gore a ka go maka se sengwana a liketsa go go kwaletsa; ka gore ke na le batho ba go tlala ho polekeng yowa.”
11 A tseya mongwaga ka wwoši le dikgwedi kobodi ya tsona a dula gana hone, a ba tšhutisa lentsu la Modimo.
12 Ka nakwela Ghaliyo a lawola Akhaya,* Majuda ma hlasela Pawulo ke mokane ma mo yisa gore a ye yahludiweng,
13 ma re: “Morene o kutšetsela batho gore ba rapele Modimo ka mokgwa wa gore a wo sipidisane le molawo.”
14 Mara mo Pawulo a sa re wa bolabola, Ghaliyo a re ga Majuda: “Lune Majuda, mo nkare dilo tso morene a di makiyeng ke molato wo mogolo, di ko ba di le gabutši gore ke le theetsele nkene ke le lefisele pelo.
15 Mara mo nkare le phigisana ka mantsu, le ka batho, le ka molawo wa lune beng, lune le ko tipona gore le tšwa byang. Nna a ke nyake go yahlula dilo tsa mošaga wone.”
16 Mo a reyane, a ba raka hone setulong sa go yahlula.
17 Byalo, ba tshwara Sosetenese wa gore ke mo go le ye mogolo wa sinagoge, ba thomisa go mo teya mone mahlong ga setulo sa go yahlula. Mara Ghaliyo ke mo a sa di kene.
18 Mara, mo Pawulo a šele a fetsiye matšatšinyana a le gana hone, a layela magageru, a ya Siriya ka sekepe, a felegetsa ke Phrisilla le Akhwila. O yye a kopa moriri wage ho a le ku Kenkereya ka taba la gore ke mo a yenne.
19 Byalo, mo ba segela Efeso, a ba šiya gana hone a kena ka sinagogeng, a bolabodisana le Majuda.
20 Le mo ba mo kgopela gore a dule hone nakonyana, aa dumela.
21 Mara a ba layela a re: “Mo nkare Jehova wa di nyaka, ke nyoko boya.” A kalama sekepe a tloga hone Efeso
22 a ya Kesareya. Mo a tloga mone a ya* a tamisa phutego ke mokane a tloga a ya Anthiyoko.
23 Ka nthago ga gore a fetse nako hone, a tloga a ya dinageng tsa Galata le Firighiya, a tsama a tiyisa malata.
24 Byalo morene mongwana wa Lejuda ye ba reng ke Apholo, wa gore o belegediwwe Alekzandriya, a segela Efeso; ke mo a hlalefiye fote a tšiba Mangwalo gabutši.
25 Monna yewa ke mo ba mo tšhutisiye* ka Jehova fote a tlele ka moya wa go hlawolega, mo a bolabola ka Jeso ke mo a sa pomotse mara ke mo a tlwayelanne le kolobetso ya Johane fela.
26 A thomisa go bolabola a sa tšhabe selo ku sinagogeng, mo Phrisilla le Akhwila ba mo kwa, ba sepela naye ba mo hlatollela gabutši ka Modimo.
27 Ka taba la gore ke mo a nyaka go ya Akhaya, magageru ma ngwalela malata ya gana ku ba ma kgopela gore ba mo yamogele gabutši. Byalo mo a segela ku, a ba gelepa ka matla bo ba gore ba dumele ka taba la gore Modimo o ba kwele go baba;
28 a bolabola mahlong ga batho fote a na le matšato, a sa dumelelane le ka mokgo Majuda ma bonang dilo ka gona, a ma šupetsa ka mo Mangwalong gore Jeso ke yene Kreste.
Ditwaba
^ Kela “ke mo a bolabola nabo.”
^ Ba ra sinagogeng.
^ Bala ga Dihlatollo Tsa Mantsu.
^ Di šupa go le Jerusalema.
^ Kela “ba mmotsa ka molomo.”
