Mebereko ya Mapostola 22:1-30
22 “Lune bobhuti baka le bopapa, ntheetseleng.”
2 Mo ba kwa gore Pawulo o bolabola nabo ka Seheberu ba kgomolela, ke mokane a re:
3 “Ke nna Lejuda, ke belegiwwe Tarasuse ya Silisiya, ke tšhutisiye ke Ghamaliyele gana mowa Jerusalema, ba ntšhutisiye gore ke latelele Molawo wa bokokwane ka mokgo wo leng, le gore ke be le matšato mo ke berekela Modimo go fo tshwana le lune gana byalo.
4 Ke hlorisiye batho bo ne ba sepela ka Tsela ya Modimo ka boya ka ba bolaya, fote ne ke tshwara banna le basadi ke ba hlahlela jele,
5 moprista ye mogolo le ba bagolo ba ka le botsa. Ka gore ke yye ga bona ke ye kgopela marifi ya go ma yisa ga magageru ya ku Damasekhase, ka kena tseleng gore ke ye tshwara bo ne ba sepela ka Tsela ya Modimo ba ku Jerusalema gore ba hlorisiwe.
6 “Byalo, mo nkene ke sepela ke šele ke segela Damasekhase, ke mo go le motshegare, ke mokane gwa khanya ku legedimong ke sa nagana dya mfahla
7 ka wela fase ke mokane ka kwa lentsu le re gaka: ‘Sawulo, Sawulo, anthe o nhlupela ying?’
8 Ka re: ‘Ke wene mang Morena?’ Yene a re: ‘Ke nna Jeso wa Lenazareta, wa gore wa mo hlupa.’
9 Banna bo ne ke le nabo ba go bonne mo go khanya, ba kwa lentsu mara ba sa bone gore ke mang.
10 Gana hone ka re: ‘Byalo ke make ying Morena?’ Yene a re: ‘Tlogamela o ye Damasekhase, mo o segela ba ko go botsa dilo ka mokana ga tsona tso o tshwaneleng o di make.’
11 Mara ke mo ke sa bone ka gore ke mo ke fahlegiye ka taba la go khanya hala, ke segele Damasekhase ba ntshwere ka letsogo.
12 “Byalo, monna ye mongwana ye ba reng ke Ananiyase wa gore ke mo a tineyele ga tso tsa Molawo, fote Majuda ya gore ke mo ma dula gana mone ne ma bolabola gabutši ka yene,
13 a tla gaka. A yema ho thina gaka a re: ‘Sawulo mogageru, popologa!’ Ka nako yonone ka tsosa hlogo ka mmona.
14 A re: ‘Modimo wa bokokwane ba rune o go hlawodiye gore o tšibe so a se nyakang fote o bone sa gabutši, o boye o kwe le lentsu lage,
15 ka taba la gore o tshwanele o botse batho dilo tso o di bonneng le tso o di kwileng ka yene.
16 Byalo ke ntaba o diyega? Tlogamela, o kolobetsiwe, gore Modimo a go tshwarele ga tso o di sinnyeng ka taba la gore o bitsa lebitso la Jeso.’
17 “Byalo, mo ke šele ke boyele Jerusalema ke rapela ka ku tempeleng, ka bona mmono,
18 ka bona Morena a re gaka: ‘Yakgoswa o ye Jerusalema, ka taba la gore ba ka sa theetsele tso o nyoko ba botsang tsona ka nna.’
19 Ka re: ‘Morena, baa di tšiba tsa gore ke mo ke tshwara batho ke ba tšhela jele, fote ke kena disinagogeng ke teya ba gore ke mo ba dumela gago;
20 le nakwela lelata lago Stefano le bolayiwa, ke mo ke le gana hone ke yema le bo ne ba mmolaya fote ke pasopiye dikobo tsa bona tsa ka tawong.’
21 Mara le mo go le ka mokgonone, a re gaka: ‘Ariye, ka taba la gore ke nyoko go romela ga batho ba ditšhaba tsa kgole.’”
22 Byalo, ke mo ba mo theetsele go segela a fetsa go bolabola. Ba yahlamela ba re: “Tseyaneng motho yene le mmolayeneng, aa tshwanela ke go phela!”
23 Ka gore ke mo ba rasa, ba bošanya dikobo tsa bona tsa ka tawong fote ba tupisa le lerole,
24 yewa wa go lawola masole a re ba tlise Pawulo ka ku masole ma dulang gore ba mo fokise ba kene ba mo teya, gore a thogo tšiba gore ke ntaba batho bowa ba rasela Pawulo.
25 Mara mo Pawulo ba šele ba le thina le go mo teya, a bolabola le ye mogolo wa masole ye ne a le thina gage a re: “Nje molawo wa dumela gore o teye Leroma* o soko le sekisa?”
26 Mo yela ye mogolo wa masole a kwa tsotsone, a ya ga yela wa go lawola masole, a re gage: “Anthe o maka ying? Phela motho yewa ke Leroma.”
27 Yela wa go lawola a ya a butsisa Pawulo a re: “Ke wene Leroma?” Pawulo a re: “Eya.”
28 Yela wa go lawola masole a re: “Nna ke ro reka maphephe ka tšheleta ya go bonala gore ke dule howa.” Pawulo a re: “Nna ke ro belegiwa ke le Leroma.”
29 Banna bala ba gore ke mo ba mo sekisa ba kene ba mo hlorisa ba mo lisetsa ka nako yonone; le yela wa go lawola masole a thomisa go tšhoga mo a bona gore Pawulo ke Leroma le gore o mo tlemme ka diketane.
30 Ka motshwana wa gona a mo lokolla ka taba la gore ke mo a nyaka go tšiba gore gabutšibutši ke ntaba Majuda ma mo rwesa molato, a bitsa dindhuna tsa maprista le ba Sanhendrini gore ba gahlane. Ke mokane a tla le Pawulo a segela a mmeya gare ga bona.
Ditwaba
^ Kela “wa go belegiwa Roma.”
