Mebereko ya Mapostola 25:1-27
25 Byalo, mo Fistosi a segela ga poleke yo ke mo a tshwanele a lawole ga yona, a ya Jerusalema ka nthago ga matšatši ka mararo a tloga Kesareya.
2 Byalo, dindhuna tsa maprista le ba bagolo ba Majuda ba mmotsa ditaba ka mokana ga tsona tso ke mo ba sola Pawulo ka tsona. Ke mokane ba thomisa go mo phophotela
3 ba re ba kgopela a tlise Pawulo Jerusalema. Mara ke mo ba polanne go tshwara Pawulo gore ba mmolaye hone pateng.
4 Mara Fistosi a re Pawulo o tshwanele a dule Kesareya ka taba la gore go se botala le yene Fistosi ke mo a nyoko boyela gana ku Kesareya.
5 A re: “Mo nkare mo ga lune go na le ye a nang le matšhika ya go lawola, a koriye a ye bolabola tso a solang morene ka tsona, mo nkare ka nnete o sinnye.”
6 Byalo, mo go soko fela mabala kela lesome la matšatši, Fistosi o yye Kesareya ka motshwana wa gona a dula setulong sa go lawola, a re ba leye Pawulo.
7 Mo a kena, Majuda yala ya go tšwa Jerusalema ma mo kgobakanela, ma thomisa go bolabola dilo tso ma mo solang ka tsona tsa gore le wona beng a ma na nnete ya tsona.
8 Mara Pawulo a tiyemelela a re: “A ke soko sinyela Molawo wa Majuda kela tempele kela Kesara.”
9 Mara Fistosi ke mo a nyaka gore Majuda ma yeme naye, a re ga Pawulo: “O nyaka gore taba yo yago yi ye yi yahludiwe Jerusalema le nna ke le gona?”
10 Pawulo a re: “Ke yemme ho mahlong ga setulo sa go yahlula sa Kesara, mo ke tshwaneleng ke yahludiwe gona. A ka sinyela Majuda, le wene wa di tšiba tsotsone.
11 Mo nkare ka nnete ke sinnye fote go na le so se makang gore ke bolayiwe, a ke tšhabe go kgwa; mara mo nkare a go na sa go napa se šupetsa gore ke sinnye ga tso banna bo ba di bolabolang, di ko ba di se gabutši mo le ka n’yisa ga bona, gore ba make tso ba di nyakang ka nna. Mara ke kgopela gore Kesara a fo lebeledisisa taba yowa gabutši!”
12 Byalo mo Fistosi a fetsa go bolabola le mogoba wa bo ba gore ba mo yetetsa, a re: “Ka gore o nyaka gore Kesara a lebelele taba yowa gabutši; ariye gage.”
13 Mo go šele go fitiye matšatšinyana, kgoši Aghripa le Bhenisi ba ya Kesareya, ba vakašela Fistosi ku Kesareya gore ba ye mo lebogiseng.
14 Ka gore ba duli matšatšinyana ba le hone, Fistosi a botsa kgoši ka taba ya Pawulo, a re:
“Filikisi o šiyye a kwalele motho jele,
15 nakwela ke le ku Jerusalema dindhuna tsa maprista le ba bagolo ba go hlompega ba Majuda, ba mputsiye dilo ka mokana ga tsona ka yene, ba nkgopela gore ke mo yahlule ka gore o na le molato.
16 Nna ke yitseri a yi ka mokgo re yahlulang go ya ka molawo wa Roma, gore re fo tshwara motho mo yene a soko gahlana le bo ba mo solang, fote ba soko mo dumelela gore a tiyemelele ga so ba mo solang ka sona.
17 Ke mokane mo ba segela ka sa sinyi nako, ka motshwana wa gona ka dula setulong sa go yahlula ka re ba mmitse a tle mo.
18 Mo bala ba go mo sola ba tlogamela, a baa bolabola dilo tsela tsa go befa tso ne ke nagana gore ba nyoko di bolabola ka yene.
19 Ke mo ba fo lwa ka dilo tse dinyana tsa go sipidisana le medimo ya bona le ka morene mongwana ye ba reng ke Jeso, wa gore ke mo a kgwile mara Pawulo yene ke mo a sa kamake gore o sa phela.
20 Ka gore ne ke sa kwisisi gore taba yo yage yi ya kaye, ke mmutsisiye gore ayitsano o nyaka go ya Jerusalema gore a ye yahludiwa gona.
21 Mara Pawulo ke mo a kgopele gore a tšwe a duli go segela mo Ye wa go Hlompega a segelela sepheto, ke mokane ka re a dule go segela ke mo yisa ga Kesara.”
22 Aghripa a re ga Fistosi: “Ke nyoko kwa morenene ka bo nna beng gore o re king.” Fistosi a re: “O nyoko mo kwa ka motshwana.”
23 Ka motshwana wa gona, Aghripa le Bhenisi ba tla ba na le magetla ka gore ne go le dikgoši, ba segela ba kena ka ku khota ba na le ba go lawola masole le ba bagolo ba go hlompega mone nageng; ke mokane mo Fistosi a re ba leye Pawulo, ba mo leya.
24 Fistosi a re: “Wene Kgoši Aghripa le lune le leng mowa, le ya mmona morene, ke yela wa gore Majuda ka moka ma nkgopele nakwela ke le Jerusalema le mowa gore a bolayiwe.
25 Mara ke di bonne gore a se šiyo so se ka makang gore a šinye a bolayiwe. Byalo mo a kgopela Ye wa go Hlompega gore a lebelele taba yage gabutši, ke yye ka dumela.
26 A se šiyo so nka se ngwalang ka yene Morena. Ke mo leyye ho ga lune ka moka, mara ka matlamatla ke mo leyye gago Kgoši Aghripa, gore mo le šele le nyakolliye taba yowa go ya ka molawo, nakwenngwana go ka ba le so nka se ngwalang.
27 Phela a di kwagale go fo tshwara motho mara go se na le selo so se šupetsang gore o na le molato.”
