Mebereko ya Mapostola 26:1-32
26 Aghripa a re ga Pawulo: “Re ya go dumelela gore o tiyemelele.” Pawulo a wolola letsogo lage a tiyemelela a re:
2 “Ga dilo ka mokana ga tsona tso Majuda ma n’solang ga tsona wene Kgoši Aghripa, ke fo kwa ke jabodiye gore lekgono ke kgona go tikemelela ho mahlong gago,
3 ka matlamatla ka gore tso tsa ditšo o di tšiba gabutši fote wa di tšiba gore king so se lwisanyang Majuda. Byalo, ke kgopela gore o nlefisele pelo mo o kene o ntheetsele.
4 “Majuda ya go tlala ma di tšiba gabutši gore ke gudiye byang le gore ke mo ke titshwere byang setšhabeng sa gešu le ku Jerusalema
5 ke botala ba ntšiba, mo ba nyaka ba ka go botsa gore ke tšwa ga mogoba wa Mafaraseyi fote wene wa di tšiba gore mogoba wone ke mo wo na le melawo ya go tlala ya go feta ya Majuda.
6 Mara gana byalo ke yemme mowa gore ke yahludiwe, ka taba la gore ke dumela ga tso Modimo a tshepisiyeng gore o nyoko makela bokokwane ba rune;
7 Le meloko ya rune 12 ya yona ya yi tshepa taba yowa, ka gore yi ya mahlong yi mo makela mmereko wa go hlawolega bošego le motshegare. Wene Kgoši! Majuda ma n’yahlula ka taba la tso ke di tshepang.
8 Ke ntaba le tseya nkare* Modimo a ka sa di kgone go tsosa batho bo ba kgwileng?
9 Nna mo le mpona ke yitsa, ke mo ke tshepiye gore ke tshwanele ke make se sengwana le se sengwana gore ke phigisane le Jeso wa Lenazareta.
10 Ke makiye tsotsone ku Jerusalema, ke kwalele ba go tlala jele ga bo ba go hlawolega, ka gore dindhuna tsa maprista ke mo di mmakiye ye mogolonyana; fote mo go segela nako ya gore ba bolayiwe ke yye ka yema le taba yone.
11 Ke mo ke fela ke ba hlupegisa ku disinagogeng, ke liketsiye go ba gapeletsa gore ba lisetse go maka tso ba di makang; ke mo ke ya le ga dipoleke tse dingwana gore ke ba hlorise ka taba la gore ke mo ba nkwatisiye ka matla.
12 Tšatši le lengwana ke mo ke le pateng ke ya Damasekhase, ka taba la gore dindhuna tsa maprista ke mo di nromme gore ke ye maka tsotsone le gana ku,
13 mo ke le mone pateng motshegare, wene Kgoši, ka khanyisa ke se sengwana sa go phala le letšatši se tšwa legedimong, a sa khanyisa nna ke le ntoši, se khanyisiye le bo ne ke le nabo.
14 Byalo mo ke šele ke wele hala fase, ka kwa lentsu le bolabola ka Seheberu le re: ‘Sawulo, Sawulo, anthe o nhlupela ying? Ke ntaba o raga phate ya go go yetetsa go maka mmereko wa Modimo, tsotsone di nyoko go kwaletsa.’
15 Mara ka re: ‘Ke wene mang Morena?’ Yene a re: ‘Ke nna Jeso, wa gore wa mo hlupa.
16 Mara tlogamela. Ke tlile ho gago ka taba la gore ke go hlawodiye gore o be lelata laka, le gore o bolabole ka dilo ka mokana ga tsona tso o di bonneng le tso ke nyoko go šupetsang tsona ka nna.
17 Fote ke nyoko go phonisa ga batho bowa, le ga ditšhaba tso ke nyoko go romelang ga tsona
18 gore o ba popolle maahlo, o ba ntshe letshwifing le go maka gore ba lawole ke Modimo ba sa lawole ke Sathane, gore Modimo a thogo ba tshwarela ga tso ba di sinnyeng gore a ba gadimise go fo tshwana le mo a gadimisiye ba bangwana ba go tshepega.’
19 “Byalo, wene Kgoši Aghripa, ke makiye tso Jeso a mputsiyeng tsona ka mmono,
20 mara ke thomisiye ga batho ba Damasekhase ka fetsa ka ya Jerusalema le ga batho ba dipoleke tsa Judiya le ba ditšhaba, ke mo ke ba tšhomayelela gore ba sokologe fote ba boyele ga Modimo, ba make dilo tsa go šupetsa gore ba sokologiye.
21 Ke tsona tso di makiyeng gore Majuda ma ntshware ku tempeleng ma nyaka go mpolaya.
22 Mara ka taba la gore Modimo o n’gelepiye, le lekgono lowa ke sa fo ya mahlong ke tšhomayelela batho ba go tlala ka ditaba tso di hlayyeng ke Moše le Baporofeta tsa gore di nyoko makega—
23 tsa gore Kreste o nyoko hlorisiwa ke mokane gwa ba yene wa mathomo wa go tsusiwa ga bo ba kgwileng, fote ke yene wa gore ke mo a nyoko tšhomayelela batho le ditšhaba ka moka gore ba sa sa ba letshwifing.”
24 Byalo, mo Pawulo a sa tiyemelela ka mokgonowa, Fistosi a yahlamela a re: “Byalo wa hlanya wene Pawulo! Go tšhuta ka matla gwa go hlanyisa!”
25 Byalo Pawulo a re: “A ke hlanye wene Kgoši Fistosi, ke fo ba ke tipolabolela nnete fote ke bolabola dilo tsa go ya ka tsela.
26 Sowa ke se tšibang ke gore kgoši yo ke bolabolang nayo gana byalo ke sa tšhabe selo, ya di tšiba dilo tsowa; fote ke ya tšiba gore yi di tšiba ka mokana ga tsona ka gore a go na le selo ka ssoši so se makiwweng ka makhukhung.
27 Nje wene Kgoši Aghripa wa dumela ga Baporofeta? Ke ya di tšiba gore wa dumela.”
28 Mara Aghripa a re ga Pawulo: “Go se botala o nyoko maka gore ke be Mokreste.”
29 Mo a reyane, Pawulo a re: “Gana byalo le mo nako yi kene yi ya, Modimo a ka maka gore wene le batho ka mokana ga bona bo ba ntheetseleng ba ka sokologa ba tshwana le nna, ka taba la gore a ke nyake ba tlemiwa ka diketane go tshwana le nna.”
30 Ke mokane kgoši ya tlogamela le ye wa go lawola le Bhenisi le banna bo ke mo ba duli nabo.
31 Mo ba tšwa ba kene ba sepela, ba thomisa go bolabodisana ba re: “Wa tšiba a se šiyo selo sa go napa se maka gore morene a ye jele kela a bolayiwe.”
32 Aghripa a re ga Fistosi: “Morene nke a šele a lokolliwe botala hala a sa hlaya gore o nyoko tipolabolela ga Kesara.”
Ditwaba
^ Gabutšibutši ke “yahlula ka gore.”
