Mebereko ya Mapostola 27:1-44
27 Byalo, mo ba šele ba segelele sepheto sa gore re kalame sekepe re ye Ithali, ba tseya Pawulo le mabhantiti ya mangwana ba ma yisa ga ye mongwana wa go lawola masole ye ba reng ke Juliyase, wa sekwata sa Aghostosi.
2 Re kalamme sekepe sa go tšwa Adhramitiyamo sa gore ke mo se nyoko feta mo go yemang dikepe thina le leropho la poleke ya Asia; ke mo re na le Aristakhase wa Lesedoniya, wa go tšwa Thesalonika.
3 Ka motshwana wa gona ra segela Sidoni, ke mokane Juliyase a tshwara Pawulo gabutši, a re a ye ga banghana bage gore ba thogo mo pasopa.
4 Ra sepela lewatleng ka sekepe thina le naga ya Sipero, ka taba la gore ke mo go sa teye moya wa go tlala hone.
5 Ra keketlela ka lewatle la Silisiya le Phamfiliya, ra yema Mira ya ku Lisiya.
6 Gana hone, ye mogolo wa masole a kraya sekepe sa go tšwa Alekzandriya se ya Ithali, ke mokane a re kalamisa sona.
7 Re fetsiye matšatši ya go tlala re kene re sepela ka gonyana, re segele Sinido re di kwile. Ka taba la gore ke mo re thibelele ke moya, ra sepela ka pata ya Kereta re tloga Salemone.
8 Mo re kene re lwa le go lawola sekepe sa rune mone thina le leropho, ra segela ga poleke ye nngwana yo ne ba re ke Poleke ya go Bafala yo dikepe di yemang ga yona ya gore ke mo yi le thina le toropo ya Lasiya.
9 Ke mo go šele go fitiye matšatšinyana ba le hone lewatleng, ne go le kotsi gore ba ye mahlong ka leyeto la bona ka taba la gore le letšatši la go tikona tsa go ja ke mo le fitiye, byalo Pawulo
10 a re ga bona: “Magageru, leyeto lowa le nyoko re bakela mathatha, le ka sa fo kwaletsa rune re ntoši mara re nyoko sinyegela ke merwalo ya rune le sekepe sowa se nyoko robega.”
11 Mara ye mogolo wa masole a fo theetsela ye wa go sipidisa sekepe le mong wa sona, a lisetsa go theetsela so Pawulo a se bolabolang.
12 Ka taba la gore go dula lerophong ke mo go se gabutši ka marega, ba bangwana ba yitseri go kawone mo ba ka ya Funikisi gore ba dule gona go segela marega ma fela, ga poleke ya gore dikepe di yema gona ya Kereta, ya gore ke mo yi le ka lebowabohlabela yi furalele moya wa go tšwa borwabohlabela.
13 Mo ba kwa go teyela moya wa gabutši wa go tšwa ka borwa, ba f’lo kwa nkare ba ko segela Funikisi, ba hlomola tshipi yo yi tsikang ku fase mo ba yemisa sekepe, ba ya Kereta ba kene ba sepelela mo thina le leropho.
14 Ka nthagonyana gwa thomisa moya wa go tshosa wo ba reng ke Yurokhwilo.*
15 Mo sekepe se kene se tšukatšukanya ke moya se sa kgone go sepela gabutši, re se lisetsiye ka gore ke mo re sa sa kgona go se sipidisa.
16 Ke mokane ra tabogela ga poleke ya go dukuluga ke meetši yo ba reng ke Khoda, mara re šitegiye go kraya dikepe tsa go phonisa lephelo tso ke mo di le ka ku tlase ga sekepe ka taba la gore ke mo se sa lawolege.
17 Mo ba fetsa go goga sekepenyana sela, ba liketsa go se tlema ka dithapo gore se sa robege, byalo ka taba la gore ke mo ba tšhaba gore sekepe sone se nyoko ya se logela santeng ya Seritise,* ba f’lo se thewosa ba soko bane ba fetsa go se tantetsa.
18 Ka taba la gore moya wone ke mo wo tšukatšukisa sekepe sa rune, ka motshwana wa gona ba yye ba poma morwalo wo ke mo wo le mone sekepeng.
19 Ka letšatši la boraro, ba lahla tse dingwana mone sekepeng.
20 Ka gore go fediye matšatši ya go tlala go sa nyarele letšatši le dinanedi ka taba la moya wone wa go re tšukatšukanya,* re yye ra sa sa tshepa gore re ko phoneng.
21 Mo go šele go fitiye nako ya go lefa ba se na tsa go ja, Pawulo a tlogamela a yema gare ga bona a re: “Magageru, hala le f’lo ntheetsela nakwela ke re re sa tloge ku Kereta, dilo tsowa ka mokana ga tsona nke di sa makega.
22 Le gana byalo ke sa le kgopela gore le šišimale ka taba la gore le ka sa kgwe, go nyoko fo sinyega sekepe sowa.
23 Lengeloyi la Modimo waka wa gore ke mo makela mmereko wa go hlawolega, le yemme ho thina gaka bošego byo,
24 la re: ‘O sa tšhabe selo wene Pawulo. Ariye o yeme mahlong ga Kesara, Modimo o go neyye bone o sepelang nabo hone sekepeng.’
25 Šišimalaneng magageru, ke ya tshepa tsa gore Modimo o nyoko maka tso a ntshepisiyeng tsona.
26 Mara di nyaka re ye re yeme go gongwana ga poleke ya go dukuluga ke meetši.”
27 Byalo, mo re šele re fetsiye 14 ya matšatši le 14 ya mašego re le mone lewatleng la Adriya, gare ga bošego bo ba go sipidisa sekepe ba yye ba naganela gore re šele re segela nageng.
28 Ba lahlele se sengwana ka hala meetšing ba nyaka go kwa gore go šele dimitha ka dikaye, ba kraya go šele 36 ya tsona* ke mokane ba sepelanyana, ba boyelele fote ba kraya go šele gana hala ga 27 ya tsona.*
29 Ka gore ke mo re tšhaba go tšhayisa matlapa, re ntshiye ditshipi ka dine tsa go tsika ku fase gore di yemise sekepe, ke mo re fo kwa nkare bo ka sa.
30 Mo bala ba go sipidisa sekepe ba liketsa go tšhaba hala sekepeng fote ba thewosela sela se senyana ka ku lewatleng, ba maka nkare ba lahlela ditshipi tsela tsa go yemisa sekepe,
31 Pawulo a botsa yela wa go lawola masole a re: “Mo le ka sa make gore banna bowa ba dule ka ho sekepeng, le ka sa ro phonisiwa.”
32 Masole yala ma sega dithapo tsela, ma se lisetsa sa wela ka ku meetšing.
33 Mo go šele go nyoko hlaba letšatši, Pawulo a ba hlohletsela gore ba je tsa go ja, a re: “Lekgono ke letšatši la bo 14 le kene le yemme le šekela, a le soko ja selo.
34 Byalo ke re ga lune janeneng, ka taba la gore di nyoko gelepa lune fote go ka sa kgwe le ka wwoši ho ga lune.”
35 Mo a fetsa go hlaya tsotsone, a tseya sekgwa, a rapela Modimo ba kene ba mo theetsele, a se ngatha ke mokane a thomisa go ja.
36 Ka mokana ga bona ba thomisa go sa sa šekela, ba ja.
37 Ne re le 276 ka ku sekepeng mo re felele.
38 Mo ba šele ba fetsiye go ja ba kguri, ba bošela morwalo wa gore wo na le korong ka ku lewatleng, ba makela gore sekepe sone se fefoge.
39 Mo letšatši le hlaba, ba bona naga ya gore a ba yi tšibi, gana hone ba bona leropho, ne ba tikemisele go yisa sekepe sa bona mone lerophong.
40 Ba thusulanya ditshipi tsa go yemisa sekepe, ba di lisetsa di wela ka ku meetšing, ba tlemolla dilo tsela tsa go thapa meetši ka tsona, ba goga seyila ya hala sekepeng gore moya wo thogo se tšhofa gore se ye ku lerophong.
41 Sekepe sela se yye se tšhayisa ku santeng, santa yone ya maka gore se šitege go sepela ke mokane meetši ma teya sekepe sela ka mathoko, ma se robanya.
42 Masole yala ma fetsa ka gore ma nyaka go bolaya dibotšhwa tsela, gore di sa hlapele di tšhaba.
43 Mara ye mogolo wa masole ke mo a tikemisele go phonisa Pawulo, a ba yemisa gore ba sa make tso ba di polanneng, a re bo ba kgonang go hlapela ba tshilele ka ku meetšing ba ye ku go nang le mobu,
44 Ba bangwana ba f’lo šala ba yemme, ba kalamme mapolanka fote ba bangwana ba kalamme dipetlo tso di tšwang hone sekepeng. Ka mokana ga bona ba phonne ba segela ku lerophong.
Ditwaba
^ Ke moya wa go tšwa lebowabohlabela.
^ Bala ga Dihlatollo Tsa Mantsu.
^ Gabutšibutši ke “moya wo mogolo.”
^ Gana hala ga 120 ya mafiti.
^ Gana hala ga 90 ya mafiti.
