Ruthi 4:1-22
4 Byalo Bhowase a tloga a ya a dula hala ga gheyiti ya mutši wone. Gwa feta yela wa go phonisa wa gore Bhowase o bolabodiye ka yene. Mo a feta Bhowase a re gage: “Wene moketekete, tlang howa o dule fase.” A ya a dula fase.
2 Bhowase a kgopela lesome la bagolo ba hone polekeng ke mokane a re: “Dulaneng howa.” Ba dula fase.
3 Bhowase a re ga yela wa go phonisa: “Nawomi o buyye a tšwa Mowaba, fote di nyaka a rekise tšhomo ya gore ne go le ya bhuti wa rune Elimeleke.
4 Byalo, ne ke nagana gore ke go botse taba yowa ya gore, ‘Reka tšhomo yowa o kene o lebelele ke batho bo ba dulang gana howa le mahlong ga bagolo ba gana howa. Mo nkare o nyoko yi reka, yi reke. Mo nkare o ka sa yi reke, mpotse gore ke thogo tšiba, ka taba la gore di nyaka go thomise wene o yi reka, nna ke tla ka nthago gago.” Yela wa go phonisa mo a fetola a re: “Ke nyoko yi reka.”
5 Bhowase a re: “Tšatši lo o rekang tšhomo yowa ga Nawomi o yi reke le ga Ruthi wa Lemowaba wa gore monnage o hlokofele gore lebitso la monna ye wa go hlokofala le sa kgwelele ga lefa lage.”
6 Mo Bhowase a reyane ye wa go phonisa a re: “Nka sa kgone go yi reka ka taba la gore yi ka sinya lefa laka. Ke ya go lokolla gore o yi reke, tirekele yona ka taba la gore nna nka sa kgone go yi reka.”
7 Byalo gore taba ye nngwana le ye nngwana yi tshwarege, wowa ke mo go le mokgwa wo ne ba maka dilo ka wona hala Israyele ga taba ya go reka selo sa gore ke mo o se rekisiye le wa go tšhentšhisa selo: Motho ke mo a rola mphašane wage ke mokane a wo neya motho ye a tšhentšhisanang naye go šupetsa gore so ba se kwaneleng se ka mokgonone.
8 Byalo, ye wa go phonisa o yapodiye dimphašane tsage nakwela a botsa Bhowase gore: “Tirekele yona.”
9 Bhowase a botsa bagolo le batho bala ka mokana ga bona gore: “Lekgono ke lune dihlatse tsa gore ke reka dilo ka moka ga Nawomi, dilo tsa gore ke mo go le tsa Elimeleke, Khiliyoni le Mahilone.
10 Fote ke tseya le Ruthi wa Lemowaba wa gore ke mo go le Mosadi wa Mahilone gore go be mosadi waka gore lebitso la monna yewa wa go hlokofala le sa kgwelele ga lefa lage, le gore bobhuti bage le batho ba gana hone polekeng ba sa lebale lebitso la monna ye wa go hlokofala. Lune le dihlatse tsa taba yowa lekgono.”
11 Mo a fetsa go reyane, batho ka mokana ga bona ba hone ga poleke yone le bagolo ba re: “Ke rune dihlatse! Nkare Jehova a ka rufa mosadi ye o šadhang naye a maka gore a tshwane le Reyitšhele le Lliya ba gore ba yagiye ntlo ya Israyele. Nkare o ka phomelela ku Eforata fote o timakele le lebitso la gabutši ku Bhetlelehema.
12 Nkare mo Jehova a go neya ngwana a berekisa mosadi yewa mutši wago wo ka tshwana le wa Pereze wa gore ke morwayi wa Thamara le Juda.
13 Byalo, Bhowase a tseya Ruthi a mo maka mosadi wage. Bhowase a yetsela naye, Jehova a maka gore a yime fote a belega ngwana wa mošomanyana.
14 Basadi bala ba re ga Nawomi: “Go thanakiwe Jehova wa gore o makiye gore go be le wa go go phonisa lekgono. Nkare lebitso lage le ka thanakiwa ku Israyele!
15 Setlogolwane sago se go tiyisiye fote se nyoko go pasopa mo o tsofele ka taba la gore o belegiye ke makoti wago wa gore o go nyaka ka matla fote o kawone go phala barwayi kašupa ya bona.”
16 Nawomi o tsere sengwananyana sela a se beya ho sekgubeng fote a se pasopa.
17 Ke mokane bayagelane bage ba basadi ba mo reya lebitso. Ba re: “Nawomi ba mmelegele morwayi, ba mo reya gore ke Obete. Ke yene wa gore ke papa wa Jese, Jese wa gore ke papa wa Dafita.
18 Byalo, lowa ke lešika la Pereze: Pereze gwa ba papa wa Hezerone;
19 Hezerone gwa ba papa wa Rama; Rama gwa ba papa wa Aminadaba;
20 Aminadaba gwa ba papa wa Našone: Našone gwa ba papa wa Salemoni;
21 Salemoni gwa ba papa wa Bhowase; Bhowase gwa ba papa wa Obete;
22 Obete gwa ba papa wa Jese; fote Jese gwa ba papa wa Dafita.
