O ka Hlula Mokgwa wa go sa Tseye Dilo Gabutši

MO SO o leketsang go se maka se sa pasa, taba yone o yi tseya byang? Bo ba go tšiba dilo ka matla ba tshepa gore phetolo ya putsiso yowa yi fo ya ka gore wene dilo o di tseya ka mokgo mang. Ka mokana ga rune re gahlana le dintshitshire mo re kene re phela, tsa ba bangwana di tlele go phala tsa ba bangwana. Ke ntaba di le lula ga ba bangwana gore mo di ba phiriketsiye ba tlogamele ba boye ba leketse fote, mara ba bangwana bona ba napa ba lahlela tewu le mong ga dintshitshire tse dinyana?

Mo re beyisa, tla re fore o nyakana le mmereko. Bo ba go hira baa go pombhola ke mokane ba fetsa ba sa go hiri. O nyoko yi tseya byang taba yowa? O ka tseya gore bothatha ke wene fote wa tseya gore a go na so o ka se makang, wa boya o tiputsa gore, ‘A go na ye a nyoko hirang motho wa go tshwana le nna. Nka sa tsoge ke krayye mmereko.’ Sa go befa ka matla, o ka yikela selo ka ssoši sa gore a sa pasa se sinya dilo ka moka tso o leketsang go di maka mo o kene o phela, o šinya o nagana gore, ‘Nka sa tsoge ke di kgonne. Ke fo ba selo nje.’ Mo motho a nagana ka mokgonone o napa a šupetsa gabutši gore o na le mokgwa wa go sa tseye dilo gabutši.

Go Kganela Kgole le Mokgwa wa go sa Tseye Dilo Gabutši

O ka hlula ka mokgo mang? Go yakgoswa o tipona gore a wo tseye dilo gabutši ke selo sa mathomo so se nyakegang. Ke mokane di nyaka o karakare ka matla gore o phagele ku kgole go nagana ka mokgonone. Lebelela selo sa go kwagala so se makiyeng gore ba sa go hiri. Mo re beyisa, nje ke nnete gore a ba go hira ka taba la gore a go na ye a ka nyakang go go hira? Kela di ka makega gore ye wa go hira ne a nyaka motho wa gore o na le maphephe ya mangwana ya go yelana le mmereko wone?

Go tšiba gore gabutšibutši go makegiye ying go nyoko maka gore mokgwa wa go sa tseye dilo gabutši wo be lekgwaying. Nje taba ka yyoši ya gore a wa phomelela ga yona yi rela gore wa šitega, kela o ka nagana ka tse dingwana tso o di makang mo o kene o phela—tsa go tshwana le tso o nyakang go di segelela ga tso tsa Modimo, senghana so o nang naso le ba mutši wago kela banghana bago—mong dilo tso o phomelelang ga tsona ka matla? Kganela kgole le taba ya go nagana gore dilo di ka sa sepele gabutši ka taba la gore wa tipakela. O di tšibela kaye tsa gore o ka sa tsoge o krayye mmereko? Di tlele tso o ka di makang gore o phagele ku kgole mokgwa wa go sa tseye dilo gabutši.

Go Nagana Gabutši ka Dilo Tso o Nyakang go di Segelela

Ga mengwanyana ya go fela, bo ba go nyakolla ba thomisiye go hlatolla tshepo ka mokgwa wa go makatsa fote wa gore wa kgera. Ba re tshepo yi tokegela le taba ya go dumela gore o nyoko segelela tso o di nyakang. Hlogotaba ya go latela yi nyoko šupetsa gore tshepo yi tokegela le dilo tsa go tlalanyana mara hlatollo yowa yi ka gelepa ka mekgwa ya go tlala. Go pombhola tshepo yo re nang nayo go ka gelepa gore re nagane tsa gabutši ka dilo tso re nyakang go di segelela.

Gore re thogo tshepa gore re ka segelela tso re di nyakang ku mahlong, di nyaka re tšibe gore ke difeng tso re nyakang go di segelela fote re karakare ka matla gore re di segelele. Mo nkare a wo soko bane o di tšiba, di nyaka o ghayele gore ke dilo difeng tso o nyakang go di segelela. Sa mathomo, ayitsano o natso tso o nyakang go di segelela? Go lula gore re logele ga tso re tlwayeleng go di maka ke mokane re takisa maahlo taba ya gore gabutšibutši king so re se nyakang mo re kene re phela le gore king so se tlang mahlong. Mo re tla ga taba ya go berekisa tšhiko ya go tšiba tso di tlang mahlong, re kraya tso Baebele yi di bolabodiyeng botala mo yi re: “Tšiba tso di tshwaneleng go yeta mahlong.”—Mafilipi 1:10.

Mo re šele re tšiba tso di tshwaneleng go yeta mahlong, di nyoko ba lula go tšiba tso re nyakang go di segelela ga tso tsa Modimo, ga mutši wa rune le mmerekong. Gore re thogo segelela tso re di nyakang, di nyaka re sa lwele go segelela dilo tsa go tlala ka nako ka yyoši. Mo di thathafa go segelela so re se nyakang, di ka re kgongwetsa fote re ka lahlela tewu. Mara di gabutši go leketsa go segelela tso re di nyakang ka gonyana ka gonyana.

“Mo o na o šukunya go nyoko šinya go thulega.” Se reyane seyema sa botala fote a se ya pumutsa. Mo šele re naganne ka tso re nyakang go di segelela, di nyaka matšhika ya go di maka—go tikemisela—go karakara gore re šinye re di segelele. Go tikemisela ga rune go nyoko tiyelela mo re dula re nagana ka taba ya gore di nyoko re gelepa ka mokgo mang le gore ke difeng tse dingwana tso re nyoko di jabolelang mo re ka di segelela. Nnete ke gore dintshitshire di nyoko fo dula di nyarela mara di nyaka re di tseya go le tsa go re tšhutisa go seng tsa go re šitisa.

Le mo go le ka mokgonone, di nyaka re nagana ka mekgwa yo re ka yi berekisang gore re thogo segelela tso re di nyakang. Ye mongwana wa gore o ngwala dipuku ye ba reng ke C. R. Snyder, wa gore o nyakodiyye tsa go tlala ga taba ya ka mokgo tshepo yi gelepang ga dilo tsa go tlala o re, di gabutši go nagana ka mekgwa ya go tlala gore re segelele tso re di nyakang. Gore mo mokgwa wo mongwana wo šaša re berekise wo mongwana.

Fote Snyder o yeletsa ka gore mo so re nyakang go se segelela se thathafa, di nyaka re leketse go segelela se sengwana. Mo di sa kgonege, di nyaka o sa gapeletse ka taba la gore di ka go kgongwetsa. Mara ka nthoko ye nngwana mo re leketsa tse dingwana tsa gore dya kgonega, di nyoko re neya tshepo.

Baebele yi re botsa ka mošupetso wa gore wo napa wo beya taba yowa lekgwaying. So Kgoši Dafita ne a nyaka go se segelela ke go yaga tempele ya Modimo wage Jehova. Mara Modimo o butsiye Dafita gore tempele yone yi nyoko yaga ke morwayi wage Solomoni. Dafita a sanka a toba kela a gapeletsa mo a bona dilo di sa sepele ka mokgo yene a nyakang, o yamogele ke mokane a tšhentšha tso ne a nyaka go di segelela. O berekisiye nako yage ya go tlala a koleka tšheleta le dilo tso morwayi wage a nyoko di berekisang gore a thogo fetsa mmereko wa go yaga.—1 Magoši 8:17-19; 1 Dikoronika 29:3-7.

Le mo re ka phomelela ga taba ya go yeketsa tshepo yo re nang nayo ka go leketsa ka matla go kganela kgole le mokgwa wa go sa tseye dilo gabutši le go nagana gabutši ka dilo tso re nyakang go di segelela, o ka kraya re sa kene re gayela tshepo. Byang mara? Dilo tsa go tlala tso di makegang ho lefaseng tsa gore di ka ku ga matšhika ya rune di re tapa tshepo. Mo re ka nagana ka dintshitshire tse dikgolo tso batho ba gahlanang natso—tlala, dintwa, go tshwariwa bošidi, malwele ya go sa fele le likgu—re ka ya mahlong re na le tshepo ka mokgo mang?

[Sethombhe]

Mo o ka šitega go kraya mmereko wo ne o wo nyaka, ayitsano o ka napa o tiputsa gore o ka sa tsoge o krayye mmereko?

[Sethombhe]

Kgoši Dafita o šupetsiye go temeka mo di tla ga taba ya tso ne a nyaka go di segelela