O ka yi Kraya Kaye Tshepo ya Mannete?

WATŠHI yago yi yemme fote di šupetsa nkare yi sinyegiye. Mo o nagana go yi lukisa o kraya o tshwanele gore o kgete ga dipoleke tsa go tlala tsa gore di lukisa diwatšhi. O kwelele ka batho ba go tlala ba go lukisa diwatšhi fote ye mongwana le ye mongwana wa bona o na le tso a di tshepisang fote ba bangwana baa tiphigisa bona beng. Mara o ka re king mo o ka kwelela gore watšhi yone yago yi makiye ke moyagelane wago ku botala? Go tokegela gana hone, wa di kwelela gore o tikemisele go go lukisela watšhi yone mahala. Di ka sa thathafe go segelela sepheto, ayitsano?

Byalo tshwanisa watšhi yone le taba ya go kgona go ba le tshepo. Mo o kraya gore tshepo yago ya pomega—go fo tshwana le ba go tlala ga dinako tso tsa mafelelo—o nyoko llela ga mang gore a go gelepe? Batho ba go tlala ba re ba ka di kgona go lukisa mathatha mara tso ba yeletsang ka tsona a di kwagale fote dya tiphigisa. Byalo ke ntaba o sa yi ga Ye a makiyeng batho gore ba thogo ba le tshepo? Baebele yi re “aa kgole le ye mongwana le ye mongwana wa rune” fote o timkemisele go re gelepa.—Mebereko 17:27; 1 Petro 5:7.

Hlatollo ya go Kenelela ya Tshepo

Baebele mo yi hlatolla taba ya tshepo yi šupetsa go le taba ya gore yi kenelele, a yi fo yi hlatolla ka mokgo ditogotela, bo ba tsa sayense le ditogotela tsa go bereka ka monagano ba yi hlatollang ka gona. Mmolabolo wa mathomo wo ba wo berekisiyeng mo ba hlatolla lentsu la “tshepo” ka ho Baebeleng le rela gore go yemela selo di go baba le go yemela tsa gabutši. Gabutšibutši, tshepo yi na le dikopa ka dipedi. Sekopa sa mathomo ke taba ya go nabela sa ga gabutši ke mokane sekopa se sengwana ke taba ya so se makang gore o tshepe gore o nyoko tlela ke sa gabutši. Tso Baebele yi di tshepisang a yi fo ba go nabela gore dilo di makege. Di na le mo di tšwang fote di tlele tsa go šupetsa gore ya resa.

Ga taba yowa, tshepo yi yelana le tumelo ka taba la gore go tshwanele go be le tso di thegang taba yone—go seng go fo tshepa se sengwana le se sengwana. (Maheberu 11:1) Le mo go le ka mokgonone, Baebele yi re tumelo le tshepo a yi selo ka ssoši.—1 Makorente 13:13.

Mo re beyisa: Mo o šinya o kgopela monghanago gore a go gelepe, di rela gore o na le tshepo ya gore o nyoko go gelepa. Tshepo yago a ya fo re palakata, yi gona ka taba la gore o tshepa monghana wago—o mo tšiba tšibi-tšibi fote o šele o mmonne a makela ba bangwana tsa gabutši a boya a šupetsa gore wa tihlupa ka bona. Tumelo yago le tshepo yago dya yelana fote dya berekisana mara a di tshwane. O ka šupetsa tshepo ya mošaga wonowa ga Modimo ka mokgo mang?

Fandhiši ya Tshepo

Modimo ke yene a re neyang tshepo ya mannete. Ka dinako tsa Baebele, ke mo ba re Jehova ke “tshepo ya Israyele.” (Jeremiya 14:8) Tshepo ya mannete yo ne ba le nayo ke mo yi tšwa gage, nka taba lo ne go le tshepo ya bona. Tshepo ya mošaga wone ne yi se taba ya go fo nabela gore nkare dilo di ka makega. Modimo ke mo a ba neyye tshepo ya go ba le fandhiši ya go tiya. Makgolo ya mengwaga yo a berekisanneng nabo ke mo go na le tsa go tlala tsa gore o di tshepisiye a boya a di maka. Jošua wa gore ke mo go le wa go ba yeta mahlong o butsiye Maisrayele go re: “Le di tšiba gabutši . . . tsa gore ga mantsu ka mokana ga wona ya Jehova Modimo wa lune a ma hlayyeng, a go na le ka lloši la gore a la makega.”—Jošuwa 23:14.

Ka nthago ga dikete tsa mengwaga, tso a yyeng a di maka di sa na di tšibega le lekgono. Baebele yi tlele ka dilo tsa go makatsa tso Modimo a yyeng a di tshepisa le histori ya go šupetsa ka mokgo di makegiyeng ka gona. Tso a di tshepisiyeng ke mo go le nnete fote ke mo di ngwadiwwe nkare di šele di makegiye mo a sa di tshepisa.

Ke sona so se makang gore re re Baebele ke puku ya tshepo. Mo o kene o tšhuta tsa go tlala ka taba ya ka mokgo Modimo a berekisanang le batho o nyoko di bona gore ke ntaba tshepo yago gage yi fo ya mahlong yi kene yi tiyelela. Pawulo wa lepostola o ngwadiye gore: “Dilo ka mokana ga tsona tso di ngwadiwweng botala, di ngwalediwwe gore di thogo re yetetsa, gore mo re kene re tiyisele fote re kgomoletsiwa ka Mangwalo, re thogo ba le tshepo.”—Maroma 15:4.

Modimo o re Neya Tshepo ya Mošaga Mang

Ke leng mo re tikwang re nyaka tshepo ka matla? Nje a re yi nyake ka matla mo re nkgela ke likgu? Mo re beyisa, ga ba go tlala—mo go hlokofele lešaga—go ba le tshepo yone go ba nkare ke go fo titshokanya. Gabutšibutši, king se sengwana so se ka makang gore motho a felele ke tshepo go phala likgu? Likgu le fo dula le leketsa go kgwisa ye mongwana le ye mongwana wa rune. Mara le nyoko fetsa le re godiye fote a gona so re ka se makang gore le sologe. Byalo dya kwagala mo Baebele yi re likgu ke “lenaba la mafelelo.”—1 Makorente 15:26.

Byalo, re ka ba le tshepo byang re kene re gomele ke likgu? Taba ke gore temanyana ya Baebele yo yi hlayang gore likgu ke lenaba la mafelelo yi boya yi re lenaba lowa “le nyoko tlusiwa.” Jehova Modimo o na le matšhika ya go phala likgu. Matšhika yage o ma šupetsiye ga tleletlele. Byang mara? Ka go tsosa bo ba kgwileng. Baebele yi hlatolla ka nkokwane ya batho ba gore ne ba kgwile ke mokane Modimo a berekisa matšhika yage go maka gore ba boye ba phele.

Taba ya go napa yi makatsa ka matla, ke nakwela Jehova a neya Morwayi wage Jeso matšhika gore a thogo tsosa monghanage ye mogolo ye ba reng ke Lazaro, wa gore ne go šele go fetiye matšatši ka mane a kgwile. So Jeso a se makiyeng aa se makela sephiring o se makiye a kene a bhokhele ke mogoba wa batho.—Johane 11:38-48, 53; 12:9, 10.

O ka fo ba o tiputsisa gore, ‘Ke ntaba ne go tsusiwa batho? Ayitsano a sanka ba tsofala ke mokane ba kgwa fote?’ Go f’lo makega tsotsone. Mara ka taba la tsogo yo yi yyeng ya makega, re thogo nabela re sa kamake gore mašaga ya rune ya ma kgwileng ma nyoko boya ma phela fote di napa di kwagala gore ke ntaba re dumela gore di nyoko makega. Mo re yi beya nje re ka re, tshepo yo re nang nayo ke ya mannete.

Jeso o yitseri: “Ke nna tsogo le lephelo.” (Johane 11:25) Ke yene Ye Jehova a nyoko mo neyang matšhika ya go tsosa batho ho lefaseng ka mokana ga lona. Jeso o yitseri: “Nako ye tla ya gore bo ba leng mabitleng ba nyoko kwa lentsu lage [Kreste] ke mokane ba tšwa.” (Johane 5:28, 29) Eya, ka mokana ga bona bo ba yetseleng ku mabitleng ba na le tshepo ya go tsusiwa ke mokane ba boya ba phela lefaseng la pharadeyisi.

Moporofeta Jesaya mo a hlatolla taba ya tsogo ka mokgwa wa go tikisa, o yitseri: “Bakgu ba lune ba nyoko phela. Ditopo tsaka di nyoko tsoga. Tsoganeng le yahlameleneng le jabodiye; lune bo le dulang leroleng! Phoka ya lune yi tshwana le phoka ya ka bošego, ke mokane lefase le nyoko ntsha bo ba kgwileng ba boya ba phela.”—Jesaya 26:19.

Nje a di kgomoletse? Bo ba kgwileng ba ga seyemo sa gore se tšhireletsegiye go tshwana le sengwananya sa gore se tšhireletsegiye ka teng ga mpa ya mmane wa sona. Eya, bo ba gore ba khutsiye ku mabitleng, mabitso ya bona ma ka sa solege monaganong wa Modimo wa Matšhika ka moka. (Luka 20:37, 38) Go se botala ba nyoko phela fote, ba nyoko yamogela ke batho ba gore ba jabodiye go tshwana le sengwananyana sa gore se sa tšwa go belegiwa mo se yamogela ke ba mutši wa sona ba gore ba jabodiye! Nnete ke gore go na le tshepo le mo likgu le re gomele.

So Tshepo yi ka go Makelang Sona

Pawulo o re tšhutisa tsa go tlala ga taba ya go tseya tshepo go le selo se segolo. O hlayye gore tshepo ke selo sa tse dingwana sa tso re ka di yaparang gore re pasopege ga tso tsa Modimo—lekarapo. (1 Mathesalonika 5:8) Ne a ra gore king? Ka dinako tsa Baebele, lesole ne le yapara kefa ya sekgopa ke mokane le tokegela ka lekarapo la tshipi mo le ya ntweng. Lekarapo lone ke mo le tšhireletsa lesole gore mo ba ka le teya hlogo le sa kgwe. Pawulo o leketsa go hlatolla ying gabutšibutši? Go fo tshwana le mo lekarapo le tšhireletsa hlogo, tshepo yi tšhireletsa monagano, tso motho a di naganang. Mo o na le tshepo ya go ba le fandhiši ya go tiya ga tso Modimo a nyakang go di maka, mo go nyarela dintshitshire o nyoko fo dula o bebiye. Mara ke mang ye a ka ganang lekarapo la mošaga wonone?

Pawulo o makiye mošupetso wo mongwana wa tshepo ya go yelana le tso Modimo a di nyakang. O ngwadiye gore: “Tshepo yo re nang nayo yi phonisa lephelo, yi tshwana le tshipi ya go tshwara sekepe gore se sa thogathoge, yi tsikiye fote yi pasopegiye.” (Maheberu 6:19) Pawulo wa gore o phonne ga tlele mo sekepe se robega, o yi tšiba gabutši taba ya gore tshipi ya go tshwara sekepe ya gelepa. Mo go nyarela sedingwane, bo ba leng gana hone sekepeng ba thewosa tshipi ya go tshwara sekepe. Mo tshipi yone yi ka tsika gabutši ku teng ga lewatle, sekepe sone se ka sa thogathoge go šinya go feta sedingwane fote se ka sa khunghulege ke mokane sa rula matlapa ku lerophong.

Mo nkare tshepo ya rune ga tso Modimo a di tshepisang yi “tsikiye fote yi pasopegiye”, tshepo yone yi nyoko re gelepa gore re tiyisele le mo go ka nyarela sedingwane sa mošaga mang. Jehova o tshepisa gore ku mahlong go ka sa sa ba le dintwa, bokgohlane, go kwa baba kela likgu. (Lebelela lebhokisi ga lephephe 10.) Go ngangarela tshepo yowa go ka re phonisa ga tsa go sasamela, gwa re tšhofa gore re phele ka melawo ya Modimo re sa lahle tewu ke mokane ra maka dilo tsa go sa hlamatsega tso di makiwang ho lefaseng lekgono.

Taba ya gore Jehova o re neya tshepo yi nyaka wene mong. O nyaka o jabolele lephelo ka mokgo yene ne a nyaka batho ba phele ka gona. O nabela gore “batho ka mokana ga bona ba phonisiwe.” Byang? Sa mathomo, di nyaka ye mongwana le ye mongwana a “tšibe mong yona nnete.” (1 Thimothi 2:4) Bagitisi ba sepukwane sowa ba go hlohletsela gore o tšhute nnete ya Lentsu la Modimo. Tshepo yo Modimo a go neyang yona yi tseyediwa gedimo fote a yi šiyo ya go tshwana nayo.

Mo o na le tshepo ya mošaga wowa, a di nyake o hlagasela ka taba la gore Modimo o nyoko go neya matšhika ya gore o thogo segelela tso o di nyakang tsa gore di yelana le tsage. (2 Makorente 4:7; Mafilipi 4:13) Mošaga wo wa tshepo ke wona wo nyakegang. Byalo mo o gayela tshepo kela go le botala o nyakana nayo, di nyaka o be le lešiši. Tshepo yi ho monyako. O nyoko yi kraya!

[Sethombhe]

Tso di Makang Gore re be le Tshepo

Go nagana ka magwalo yawa go ka go gelepa gore o tiyise tshepo yago:

◼ Modimo o re tshepisa lephelo la go jabodisa ku mahlong.

Lentsu lage le re lefase le nyoko ba pharadeyisi ya gore go nyoko dula batho ba gore ke mutši ka wwoši wa gore wo jabodiye.—Pisalema 37:11, 29; Jesaya 25:8; Kutullo 21:3, 4.

◼ Modimo a ka sa hlaye matsaka.

O hloyye matsaka ya mošaga wo mongwana le wo mongwana. Jehova o nyoko dula a hlawolegiye go ya go yye fote aa na selabi, byalo a di kgonege gore a bolabole matsaka.—Diyema 6:16-19; Jesaya 6:2, 3; Tito 1:2; Maheberu 6:18.

◼ Modimo o na le matšhika ya go sa hlayisegi.

Jehova ke yene wa matšhika ka moka a le ntoši. A go na le ka ssoši so se leng legedimong kela lefaseng so se ka mo šitisang go maka tso a di tshepisiyeng.—Eksoda 15:11; Jesaya 40:25, 26.

◼ Modimo o nyaka gore o phele go ya go yye.

​—Johane 3:16; 1 Thimothi 2:3, 4.

◼ Modimo wa re tshepa.

O kgeta go lebelela tsa gabutši tso re di makang,  go seng tso re di kekemisang. (Pisalema 103:12-14; 130:3; Maheberu 6:10) O tshepa gore re nyoko maka tsa go loka fote wa jabola mo re maka tsotsone.—Diyema 27:11.

◼ Modimo o tshepisa gore o nyoko go gelepa gore o segelele tso o di nyakang tsa gore di yelana le tsage.

A di nyake gore malata yage ma hlagasele. Modimo aa konane moya wage wa go hlawolega go leng matšhika ya ma ka re gelepang ya gore a ma šiyo ya go lekana nawo.—Mafilipi 4:13.

◼ Re ka sa tsoge re tšebiye mo re ka tshepa Modimo.

Wa tshepega, re ka tisamela ka yene fote a ka sa re tšebisi.—Pisalema 25:3.

[Sethombhe]

Go fo tshwana le mo lekarapo le tšhireletsa hlogo, tshepo yi tšhireletsa monagano

[Sethombhe]

Tshepo ya gore yi na le fandhiši ya go tiya yi maka gore motho a tsike,  go fo tshwana le tshipi ya go tshwara sekepe gore se sa thogathoge

[Go Hlatolla Monopo]

Courtesy René Seindal/Su concessione del Museo Archeologico Regionale A. Salinas di Palermo