1. King so re ka se makang gore re thogo tiyisa senghana le ba bangwana?

SELO sa mathomo so re ka se makang gore re be le senghana sa thina le motho ke go dula naye fase ke mokane la fokatsa. Mo le kene le bolabodisana, le botsana tso le di naganang le tso le yyeng la gahlana natso, le ro napa le ba banghana. Mo re kene re karakara ka matla gore re thogo tiyisa senghana sa rune le Jeso, re nyoko ghulana le tsa go tlala. Ke difeng dilo tsa gona?

2. King sa mathomo so re ghulunang naso?

² Sa mathomothomo ke gore a re so gahlane le Jeso. Makreste ya go tlala ku nthago le wona ma yye ma ghulana le tsa mošaga wowa. Petro wa lepostola o yitseri: “Le mo le soko bane le mmona, mara le ya mo nyaka. Le mo le soko bane le mmona, mara le šupetsa gore le na le tumelo gage.” (1 Pet. 1:8) Di ya kgonega gore re be le senghana sa thina naye le mo re so hlwe re mmona,.

3. King sa bobedi so re ghulunang naso?

³ Sa bobedi ke gore a re kgone go bolabodisana le Jeso. Mo re rapela, re ba re botsa Jehova tso re di naganang. Nnete ke gore re rapela ka lebitso la Jeso, mara re ba re sa botse yene ditaba tsowa. Gabutšibutši Jeso aa nyake re rapela yene. Ke ntaba? Ka taba la gore go rapela, go fo tshwana le mo re berekela Jehova, fote di nyaka re rapele yene a ntoši. (Mat. 4:10) Mara re ka di kgona go šupetsa Jeso gore re mo nyaka ka matla.

4. King sa boraro so re ghulunang naso, fote ga hlogotaba yowa re nyoko petapeta ka ying?

 ⁴ Sa boraro ke gore Jeso o legedimong, sosone se rela gore a re kgoni go fokatsa naye. Mara di ya kgonega gore re tšibe tsa go tlala ka Jeso le mo nkare aa šiyo ho thina. Gana byalo re nyoko lebelela dilo ka dine tso re ka di makang gore re thogo tiyisa senghana sa rune naye. Sa mathomo, tla re boneneng gore ke ntaba di nyaka re di tseyele gedimo ka matla go maka senghana sa thina le Kreste.

5. Ke ntaba di nyaka gore re be banghane ba Jeso? (Lebelela mabhokisi ya gore “ Go Nghanelana le Jeso go Maka Gore re Nghanelane le Jehova” le “ Tseya so se Makang ke Jeso Gabutši.”)

⁵ Mo nkare re nyaka go nghanelana le Jehova, di nyaka re thomise re maka senghana le Jeso. Ke ntaba go le ka mokgonone? Lebelela mabaka yawa ka mabedi. Sa mathomo Jeso o butsiye malata yage gore: “Papa o le nyaka ka matla, ka taba la gore le šupetsiye gore le nnyaka ka matla.” (Joh. 16:27) A fetsa ka gore: “Aa šiyo ye a tlang ga Papa a sa tle ka nna.” (Joh. 14:6) Lebala ka go maka senghana le Jehova mo nkare a wa thomisa ka go maka senghana le Jeso, tsotsone go ko ba go fo tshwana le go leketsa go kena ntlong ka lefasetere o sa berekisi monyako. Jeso o berekisiye mošupetso wa go tshwana le wowa mo a di hlatolla gore ke yene “monyako wa dinku.” (Joh. 10:7) Se sengwana ke gore, Jeso o šupetsiye gabutši gore o di tsere ka moka tsa Papage. O butsiye malata yage gore: “Ye a bonneng nna ke setšha a bonne le Papa.” (Joh. 14:9) Tsela ye nngwana yo re ka kgonang go tšiba Jehova gabutši ke mo re ka fo ya mahlong re tšhuta ka lephelo la Jeso. Mo re kene re tšhuta ka Jeso, ka mokgo re mo nyakang go ka sa pomege. Senghana sa rune le Jeso se nyoko tiya, ga Papage re nyoko napa re mo nyaka ka matla.

6. King se sengwana so se ka makang gore re be le senghana le Jeso? Hlatolla.

 ⁶ Mo re na le senghana sa go tiya le Jeso merapelo ya rune yi nyoko fetodiwa. Sowa a se fo rela go bitsa “lebitso la Jeso” mo re rapela. Di nyaka re di tšibe tsa gore Jehova o berekisa Jeso gore a thogo fetola merapelo ya rune. Jeso o botsiye mapostola yage gore: “dilo ka mokana ga tsona tso le di kgopelang ka lebitso laka, nko di makeng.” (Joh. 14:13) Le mo Jehova go le yene ye a theetselang le go fetola merapelo ya rune, mara o beyye Jeso gore go be yene ye a makang gore dipheto tso a di segeleleng di makege. (Mat. 28:18) Byalo, mo Modimo a soko fetola merapelo ya rune, o thoma ka go lebelela gore ayitsano re berekisiye tšhiko yo Jeso a re neyyeng yona, ya go tshwarela ba bangwana. Mo re beyisa Jeso o yitseri: “Ka gore mo le tshwarela batho mo ba le sinyele, le Papa wa lune wa legedimong o nyoko le tshwarela; mara mo le sa tshwarele batho mo ba sinnye, le Papa wa lune a ka sa le tshwarele mo le sinnye.” (Mat. 6:14, 15) Taba yowa ya go tshwara ba bangwana gabutši go fo tshwana le ka mokgo Jehova le Jeso ba re tshwarang ka gona di nyaka re yi tseyele gedimo ka matla!

7. Ke bomang ba gore ba berekela ke sehlabelo sa Jeso sa go lepolla?

⁷ Bo ba gore ba na le senghana sa thina ka matla le Jeso ke bona ba ntoši ba gore ba nyoko berekela ke sehlabelo sage sa go lepolla. Re tšiba ka ying? Jeso o yitseri o nyoko “kgwela banghana bage.” (Joh. 15:13) Bo ba gore ba kgwile ba tshepega mo Jeso a soko segela ho lefaseng ba nyoko phela fote, ba tšhute ka yene ke mokane sosone se nyoko ba tšhofa gore ba kwe ba mo nyaka ka matla. Go nyoko tsoga ba go tshwana le Abhrahama, Sara, Moše, le Rahaba, malata yawa ya go tshepega ma ka sa fo kraya lephelo la go ya go yye mahala, di nyaka gore ma make senghana le Jeso gore ma thogo kraya lephelo la goya go yye.—Joh. 17:3; Meber. 24:15; Maheb. 11:8-12, 24-26, 31.

8-9. Johane 15:4, 5, yi re senghana sa rune le Jeso se re kgonisa go maka ying, fote ke ntaba sosone go le taba ye kgolo?

⁸ Re jabolela go bereka ggoši le Jeso mmerekong wa rune wa go tšhomayela ditaba tsa go bafala tsa Mmušo. Mmereko wa Jeso ho lefaseng ne yi le go tšhutisa. Jeso o sa fo ya mahlong a yetetsa mmereko wo wa go tšhomayela le go tšhutisa a le ku legedimong ka gore ke yene hlogo ya phutego. Wa di bona fote o leboga ka matla mo a bona gore le karakara ka matla go gelepa batho ba go tlala gore ba thogo mo tšiba fote ba tšibe le Papage. Mmereko wowa, re kgona go wo maka ka taba la gore Jeso le Jehova ke bona ba re gelepang.—Bala Johane 15:4, 5.

⁹ Lentsu la Modimo le re tšhutisa gore di nyaka re šupetsa Jeso gore re mo nyaka ka matla, mo re maka ka mokgonone re tlo kgona go jabodisa Jehova. Tla re boneneng dilo ka dine tso re ka di makang gore re thogo ba banghane ba Jeso.

10. Selo sa mathomo so re ka se makang gore re be banghane ba Jeso king?

¹⁰ (1) Mo tšibe gabutši ga Jeso. Tsotsone re ka di maka ka go bala dipuku tsa Baebele ho ga Matewu, Mareka, Luka, le Johane. Mo re kene re ghayela ka tso re di tšhutiyeng ka lephelo la Jeso ga mangwalo yawa, sosone se nyoko re tšhofa gore re mo nyake ka matla re boye re mo hlompe. Mo re beyisa, le mo yi le gore ne go le Mong wa bona, a sanka a tshwara malata yage nkare ke mabhantiti. Mara ke mo a ma botsa tso a di naganang le ka mokgo a tikwang ka ku tengteng. (Joh. 15:15) Jeso o yye a lla nabo, mo ba kwa go baba le yene ke mo a kwa go baba. (Joh. 11:32-36) Bo ba go mo ganetsa ba  di bonne tsa gore o na le senghana le batho ba go yamogela ditaba tso ne a di tšhutisa. (Mat. 11:19) Mo re ka kopisela ka mokgo Jeso a yyeng a berekisana le malata yage, senghana sa rune le batho ba bangwana se nyoko tiya, re nyoko tikwa re jabodiye fote ga Kreste re nyoko kwana naye ka matla.

11. King selo sa bobedi so re ka se makang gore re be le senghana le Jeso, fote ke ntaba tsone di nyaka re di tseyele gedimo?

¹¹ (2) Yekisela ka mokgo Jeso ne a nagana le go maka dilo ka gona. Mo re kene re maka re boya re nagana go tshwana le Jeso, re nyoko ba le senghana sa thina ka matla naye. (1 Makor. 2:16) Re ka mo kopisela byang ga Jeso? Lebelela mošupetso wowa. Jeso ke mo a sa dulele go nagana ka go tijabodisa yene mong mara ke mo a dula a nagana ka go gelepa ba bangwana. (Mat. 20:28; Mrm. 15:1-3) Ka taba la gore ke mo a dula a nagana ka mokgonone, o yye a tikona tsa go tlala fote a tshwarelana. Tso batho ne ba di bolabola ka yene ke mo di sa mo tubisi. (Joh. 1:46, 47) Ke mo a sa tshware batho ka pelo mo go na le tso ba sa di makang gabutši ku botala. (1 Thim. 1:12-14) Jeso o yitseri: “Ka mokana ga bona ba nyoko di tšiba gore ke lune malata yaka—mo lune beng le nyakanana.” (Joh. 13:35) Ke ntaba o sa tiputsisi gore, “nje ke latelela mošupetso wa Jeso wa go maka tso nka di kgonang gore re dule re kwana le magageru?”

12. King selo sa boraro so re ka se makang gore re be le senghana le Jeso, fote sosone re ka se maka byang?

¹² (3) Gelepa bo ba go tlotsiwa. Dilo ka mokana ga tsona tso re di makelang bo bhuti wa Jeso ba gore ba tlotsiwwe, o di tseya nkare re makela yene. (Mat. 25:34-40) Selo sa mathomo so re ka ba gelepang ka sona bo ba go tlotsiwa, ke go kenela mmereko wa go tšhomayela wa nako ka moka le wa go maka malata wo Jeso a butsiyeng malata yage gore ba wo make. (Mat. 28:19, 20; Meber. 10:42) Gore mmereko wo wa go tšhomayela wo thogo ya mahlong, di nyaka gore “dinku tse dingwana” di gelepe bo ba go tlotsiwa gore wo thogo makiwa lefase ka mokana ga lona. (Joh. 10:16) Mo nkare o wela ga dinku tse dingwana o boya o sabalatsa ditaba tsa go bafala, o šupetsa gore ga bo ba go tlotsiwa le Jeso o ba nyaka ka matla.

13. Re ka yi berekisa byang tšhiko ya Jeso yo yi leng ho ga Luka 16:9?

¹³ Re nghanelana le Jehova le Jeso ka go berekisa so re nang naso go thega mmereko wo ba wo yetang mahlong. (Bala Luka 16:9.) Mo re beyisa, re ka tšhela letsogo ga mmereko wa lefase ka mokana ga lona, tsotsone di rela go ntsha meneyelo gore mmereko wa go tšhomayela wo thogo ya mahlong ga dipoleke tsa gore di ku thoko, go yaga le go lukisa Diholo tsa Mmušo le go gelepa bo ba makegeleng ke tsa go baba ka go ba neya tso ba di hlokang. Re ka gelepa ka ho phutegong ka go ntsha meneyelo le go gelepa batho ba gore re di tšiba gabutši gore ba hloka tšheleta kela tse dingwana. (Diy. 19:17) Tsone ke dilo tse dingwana tso re ka di makang go šupetsa gore re gelepa bo ba go tlotsiwa.

14. Maefeso 4:15, 16 yi re king selo sa bone so re ka se makang gore re thogo ba banghane ba Jeso?

¹⁴ (4) Sipidisana le ka mokgo phutego ya Sekreste yi makang dilo ka gona. Re ka tiyisa senghana sa rune le Jeso wa gore ke hlogo ya phutego mo re berekisana le bo a ba rommeng gore ba re pasope. (Bala Maefeso 4:15, 16.) Mo re beyisa, gana byalo re leketsa ka matla gore Diholo tsa Mmušo ka mokana ga tsona di dule di berekisiwa. Gore sone se thogo makega, diphutego tse dingwana di yye dya gahlanisiwa le tse dingwana sosone se makiye gore le taba ya tšhomo yi tšhentšhe hala le hala. Ke mokane sosone se makiye gore tšheleta yi thogo berekisiwa gabutši. Magageru ya diphutego tsone ne di nyaka gore ma tlwayele seyemo sowa sa nyuwane. Magageru yane ya go tshepega  ma ka fo ba ma yye ma bereka mengwaga ya go tlala le phutego ye nngwana, fote ma yye ma maka senghana sa thina ka matla le magageru ya phutego yone. Gana byalo ma yisiwwe ga diphutego tse dingwana. Jeso di mo jabodisiye lela la go sa hlayisege mo a bona malata yage ya go tshepega ma kwana le seyemo sowa sa nyuwane.

15. Senghana sa rune le Jeso se nyoko fo ya se tiya ka mokgo mang ku mahlong?

¹⁵ Bo ba go tlotsiwa ka moya wa go hlawolega ba na le tshepo ya go ye ba le Jeso go ya go yye ku legedimong, ba lawola naye ga Mmušo wa Modimo. Ba nyoko ba le Kreste, ba kgona go mmona, ba bolabola naye le go fokatsa naye. (Joh. 14:2, 3) Bo ba nang le tshepo ya go phela ho lefaseng le bona Jeso o ko šupetsa gore o ba nyaka ka matla, a boya a ba le nako ya bona. Senghana sa bona Jeso se nyoko fo ya mahlong se tiyelela le mo ba sa kgone go mmona, ba kene ba jabolela lephelo lo Jehova le Jeso ba ba neyyeng lona.—Jes. 9:6, 7.

16. Re nyoko rufiwa ka ying mo re na le senghana le Jeso?

¹⁶ Mo re dumela go ba banghana ba Jeso re nyoko rufiwa lela la go sa hlayisege. Mo re beyisa, ka mokgo a re nyakang ka gona le ka mokgo a re pasopang ka gona gwa re berekela lekgono. Re na le lešuba la go kraya lephelo la go ya go yye. Taba ye kgolo ka matla yo di nyakang re yi tseyela hlogong ke gore, senghana sa rune le Jeso se nyoko re leyela makolwane ya go ma phala ka moka le senghana sa thina ka matla le Jehova. A yi batho ka mokana ga bona ba go na le senghana le Jeso, rune re ro kgetiwa.